{"id":9936,"date":"2013-01-07T13:13:55","date_gmt":"2013-01-07T12:13:55","guid":{"rendered":"https:\/\/www.gioventurapiemonteisa.net\/2020\/?p=9936"},"modified":"2013-01-07T13:13:55","modified_gmt":"2013-01-07T12:13:55","slug":"adriana-chiabrando-cand-a-pieuv-e-a-fa-sol","status":"publish","type":"post","link":"https:\/\/www.gioventurapiemonteisa.net\/2020\/?p=9936","title":{"rendered":"Adriana Chiabrando, CAND A PIEUV E A F\u00c0 SOL"},"content":{"rendered":"

\"\"<\/a>Filastr\u00f2cole, proverbi, canson, poes\u00ece e f\u00e0ule p\u00ebr amprende \u2018l piemont\u00e8is giuganda<\/em><\/span><\/strong><\/p>\n

Gioventura Piemont\u00e8isa, 2003<\/span>
\n21 x 30 – pp. 103<\/span>
\n\u20ac 18.00<\/span><\/p>\n

Doi seugn<\/span><\/strong><\/p>\n

Se i saro j’euj e i penso a cora i j’ero cita, mi i v\u00ebddo la Mlana ‘d Beuves e San R\u00f2ch, le rive v\u00ebrzolante e bagn\u00e0 da la ros\u00e0, pugn\u00e0 ‘d primaverin-e arlongh a le bialere e ij camp tenz\u00f9 ‘d gi\u00e0un dai trombon, j\u00eb pniss dle castagne ‘nt \u00ebl camp da b\u00f2ce… i respiro ‘l p\u00ebrfum picant e brusch dla spalera ‘d buss, l’odor vert e piasos d\u00ebl fen, la c\u00e0ud dla stala, ch’am ciapa con l’odor del liam\u00e9, f\u00f2rt e tr\u00f2p grev p\u00ebr mi – cita sitadin-a – …i sento ‘l romor sclint dla cassa ch’as duvrava p\u00ebr pij\u00e9 l’eva dal sigilin e beivila, e ‘l romor dij s\u00f2co sla st\u00ebrn\u00eca… i sento an boca ‘l gust dla marenda ‘d pan e brossa… i v\u00ebddo ‘d p\u00ebrson-e an camin a f\u00e9 cheic\u00f2s, ch’a son cristalisasse ‘nt j’arc\u00f2rd e a son stam\u00adpasse p\u00ebr sempe, ancreus a mi, coma na f\u00f2to… i sento ‘ndrinta mia ment l’arson ‘d ch\u00e8iche par\u00f2la, na vos con l’acsan \u00ebd Coni: ambeless\u00ec a-i \u00e9 mie r\u00e8is, fonghe… a son d’arc\u00f2rd scurp\u00ec dz\u00f2ra mie c\u00e9lule, antortovign\u00e0 a le fibre ‘d m\u00e8 cheur coma ‘l gl\u00ecssin a la ringhera, mi i son ch\u00ebrs\u00f9a con lor, e adess a son un t\u00f2ch \u00ebd mi.<\/p>\n

Ma l’arc\u00f2rd p\u00ec bel ch’as f\u00e0 anans an mia ment a l’\u00e9 col \u00ebd mia n\u00f2na da la part \u00ebd mare – l’\u00f9nica ch’i l’hai conoss\u00f9 – con soa coron-a ‘d cav\u00e8j bianch…<\/p>\n

Peul esse che ij cit e ij vej a s\u00eb smijo e a l’\u00e9 p\u00ebr l\u00f2n che ij n\u00f2no a son v\u00e0ire amportant ant la vita dle masn\u00e0: la mia a l’ha lassame na marca dlic\u00e0 e fonga. I l’hai av\u00f9 ‘l boneur d’av\u00e8j na n\u00f2na forav\u00eca, ch’an portava a spass, mi e mia seure, a la Fontan-a d\u00ebl Beu, o a cheuje barbaboch e lacet e d’\u00e0utre erb\u00ebtte – \u00ebl cioch\u00e9 a sonava l’Angelus – p\u00ebr fene la frit\u00e0 o “la pasta a la cassar\u00f2la”, e an portava a Coni, con la filov\u00eca, minca m\u00e0rtes e v\u00ebnner, ij di ch’a-i era ‘l m\u00ebrc\u00e0… e i la v\u00ebddo ‘ncora daranda a noi, an mentre ch’a conta st\u00f2rie, f\u00e0ule e drolar\u00ece e an mostra ‘d gieugh e ‘d tradission – ch’a\u00a0s’arfas\u00eco a s\u00f2 mond \u00ebd campagnin-a – an piemont\u00e8is, l’\u00f9nica lenga che chila a parlava.<\/span><\/p>\n

E noj\u00e0utre i la scotavo anciarm\u00e0 e i j’ero mai stofie ‘d sentije, bele ch’i-j sav\u00e8isso tute a ment. \u00abConta, n\u00f2na, conta ‘ncora!\u00bb. E chila an beicava da dzora j’uciaj e a sorid\u00eca e, sensa chit\u00e9 ‘d f\u00e9 scapin, a contava e a contava, sempe con passion…<\/p>\n

Mi i penso d’av\u00e8j ardit\u00e0 da chila ‘l piasi dla conta, la passion p\u00ebr le f\u00e0ule, le drolar\u00ece, le filastr\u00f2cole. E i l’hai contaje ‘dc\u00f2 mi ste st\u00f2rie, v\u00e0ire e v\u00e0ire v\u00f2lte, a mie fije, ai m\u00e8 novod, ai fieuj \u00ebd mie amise… e i l’av\u00eca fin-a scrivuje, perch\u00e9 a fusso nen d\u00ebsmenti\u00e0, p\u00ebrch\u00e8 l\u00ec ‘ndrinta a-i \u00e9 cheic\u00f2s \u00ebd mia n\u00f2na ch’a l’\u00e9 viv ancreus a mi e ‘n p\u00f2ch \u00ebd mie r\u00e8is. Ma i l’av\u00eco scrivuje an italian e… a l’era nen l’istess, a-i era nen ij son, le nuanse, cole manere ‘d d\u00ec ch’as peulo nen trasportesse an italian: a j’ero d’\u00e0utre st\u00f2rie, nen le “soe”.<\/p>\n

A l’\u00e9 p\u00ebr l\u00f2n ch’i son iscrivume ai cors \u00ebd Lenga e Literatura Piemont\u00e8isa, p\u00ebr realis\u00e9 m\u00e8 seugn: i vor\u00eco amprende la graf\u00eca e la gram\u00e0tica piemont\u00e8ise p\u00ebr pod\u00e8j scrive, an soa lenga, tut l\u00f2n che mia n\u00f2na an contava. E a l’\u00e9 st\u00e0it \u00ebd bel f\u00e9: i l’hai camp\u00e0 gi\u00f9 tut, an s\u00ebl feuj bianch, press\u00e0, sensa esitassion, perch\u00e9 a l’era gi\u00e0 tut pront, scrit ant m\u00e8 cheur.<\/p>\n

Peui, un p\u00f2ch a la v\u00f2lta, a l’\u00e9 surtime ‘ndrinta n’\u00e0utr seugn: col \u00ebd cont\u00e9 ste r\u00f2be ‘dc\u00f2 a d’\u00e0utre masn\u00e0, e ‘d trasm\u00ebtte mia lenga-mare, l’\u00e0nima ‘d mia gent, p\u00ebrch\u00e8 a l’\u00e9 an camin ch’a s\u00eb sm\u00f2rta, adasi adasi, p\u00ebrch\u00e8 ij cit “modern” a parlo p\u00ec nen \u00ebl piemont\u00e8is, ma l’angl\u00e8is – gnanca v\u00e0ire bin – e a san tut dj’er\u00f2e giapon\u00e8is o merican, \u00ebd Robin Hood o Z\u00f2rro, ma a san pa p\u00ec chi ch’a l’\u00e9 ‘l Baron Litron o Gariboja e a l’han mai ancontr\u00e0 Petin e Manin… a fan la festa d’Halloween, ma a san nen chi ch’a son le masche…<\/p>\n

A l’\u00e9 na bela r\u00f2ba che n\u00f2ste masn\u00e0 a studio l’angl\u00e8is e l’inform\u00e0tica – a diso tuti che ancheuj i podoma pi nen st\u00e9 sensa! – ma a mi m\u00eb smija nen giust divent\u00e9 tuti istess, tuti fotoc\u00f2pie ‘d modej televisiv, e perde n\u00f2ste r\u00e8is, n\u00f2sta identit\u00e0.<\/p>\n

I l’oma ‘d tes\u00f2r ardit\u00e0 da n\u00f2sti vej, grop\u00e0 a n\u00f2sta t\u00e8ra, cha val bin la pen-a ‘d cud\u00ec e trasm\u00ebtte, e i l’oma ‘l dover \u00ebd deje cheic\u00f2s \u00ebd p\u00ec a n\u00f2ste masn\u00e0 che nen lasseje ch\u00ebrse copianda j’\u00e0utri coma ‘d sumi\u00f2t!<\/p>\n

E a l’\u00e8 p\u00ebr s\u00f2n ch’i son divent\u00e0 magistra ‘d piemont\u00e8is e i son an camin ch’i serco ‘d mostrelo ai cit propi coma i l’hai amprendulo mi, giuganda e scotanda f\u00e0ule, filastr\u00f2cole e canson d\u00ebsmenti\u00e0, ma ‘dc\u00f2 amparanda ch\u00e8iche bela poes\u00eca d’autor cl\u00e0ssich. Mi i penso ch’a sia essensial present\u00e9 n\u00f2sta coltura nen mach da na mira folclor\u00ecstica, ma ‘dc\u00f2 eufre la possibilit\u00e0 ‘d d\u00ebscuvr\u00ec l’esistensa d’ “egregie cose” ch’a peulo anvisch\u00e9 j’\u00e0nime e cha l’han n\u00e8n d’anvidi\u00e9 a j’\u00e0utre culture, che i podoma acet\u00e9, confrontesse con lor, e da lor amprende v\u00e0ire, ma mach s’i soma cossient \u00ebd n\u00f2sta identit\u00e0…<\/p>\n

Mi i spero che “Cand a pieuv e a f\u00e0 sol” a reste nen mach sar\u00e0 ‘nt le sc\u00f2le, ma ch’a peussa giut\u00e9 ‘dc\u00f2 ch\u00e8iche grand a gav\u00e9 ‘n p\u00f2ch \u00ebd p\u00f3er a j’arc\u00f2rd e a cisseje, a feje vn\u00ec ‘l v\u00ebzzo ‘d conosse mej n\u00f2sta literatura, ch’a l’\u00e9 viva da mila agn e a guerna v\u00e0ire perle pressiose.<\/p>\n

Noj\u00e0utri Piemont\u00e8is i soma nen mej n\u00ec pes che j’\u00e0utri, ma noi, combinassion, i soma piemont\u00e8is… Mi i dagh sempe da ment ai seugn… A l’\u00e8 p\u00ebr l\u00f2n ch’a l’\u00e8 n\u00e0 “Cand a pieuv e a f\u00e0 sol”.<\/p>\n

I lo dago al vent, ch’a lo spant\u00eca, e, s’im giute tuti voj\u00e0utri, ‘dc\u00f2 m\u00e8 scond seugn a diventr\u00e0 realt\u00e0.<\/p>\n

Adriana Chiabrando<\/span><\/strong><\/em><\/a><\/p>\n

Una raccolta di filastrocche, canzoni, proverbi e favole piemontesi: i ricordi del tempo trascorso dall\u2019autrice con la propria nonna, ordinati in modo da essere proposti come percorso didattico-educativo. Un patrimonio con radici lontane dal tempo, da affidare ai bambini affinch\u00e8 non venga dimenticato.<\/em><\/p><\/blockquote>\n","protected":false},"excerpt":{"rendered":"

Filastr\u00f2cole, proverbi, canson, poes\u00ece e f\u00e0ule p\u00ebr amprende \u2018l piemont\u00e8is giuganda Gioventura Piemont\u00e8isa, 2003 21 x 30 – pp. 103 \u20ac 18.00 Doi seugn Se i …<\/p>\n

Adriana Chiabrando, CAND A PIEUV E A F\u00c0 SOL<\/span> Leggi tutto \u00bb<\/a><\/p>\n","protected":false},"author":2,"featured_media":9935,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[140],"tags":[],"class_list":["post-9936","post","type-post","status-publish","format-standard","has-post-thumbnail","hentry","category-liber-e-mojen-didatich"],"_links":{"self":[{"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/posts\/9936","targetHints":{"allow":["GET"]}}],"collection":[{"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/posts"}],"about":[{"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/users\/2"}],"replies":[{"embeddable":true,"href":"https:\/\/www.gioventurapiemonteisa.net\/2020\/index.php?rest_route=%2Fwp%2Fv2%2Fcomments&post=9936"}],"version-history":[{"count":0,"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/posts\/9936\/revisions"}],"wp:featuredmedia":[{"embeddable":true,"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/media\/9935"}],"wp:attachment":[{"href":"https:\/\/www.gioventurapiemonteisa.net\/2020\/index.php?rest_route=%2Fwp%2Fv2%2Fmedia&parent=9936"}],"wp:term":[{"taxonomy":"category","embeddable":true,"href":"https:\/\/www.gioventurapiemonteisa.net\/2020\/index.php?rest_route=%2Fwp%2Fv2%2Fcategories&post=9936"},{"taxonomy":"post_tag","embeddable":true,"href":"https:\/\/www.gioventurapiemonteisa.net\/2020\/index.php?rest_route=%2Fwp%2Fv2%2Ftags&post=9936"}],"curies":[{"name":"wp","href":"https:\/\/api.w.org\/{rel}","templated":true}]}}