{"id":9246,"date":"2013-01-01T11:21:41","date_gmt":"2013-01-01T10:21:41","guid":{"rendered":"https:\/\/www.gioventurapiemonteisa.net\/2020\/?p=9246"},"modified":"2013-01-01T11:21:41","modified_gmt":"2013-01-01T10:21:41","slug":"un-poeta-e-n-magister-pinin-pacot","status":"publish","type":"post","link":"https:\/\/www.gioventurapiemonteisa.net\/2020\/?p=9246","title":{"rendered":"Un poeta e 'n magister: Pinin Pac\u00f2t"},"content":{"rendered":"

Censin Pich<\/strong><\/a> (“La Sl\u00f2ira” – n.2\/1999)<\/span><\/em><\/p>\n

Pinin Pac\u00f2t a l’\u00e9 da ch\u00e8ich ani che i lo comemoroma soens: d\u00ebl ’94, a 30 ani da la\u00a0m\u00f2rt; d\u00ebl ’97, a 70 ani da la surt\u00eca dla prima serie d’ “<\/span>Ij Brand\u00e9<\/a><\/strong>“; e st’ann, a 100 ani da\u00a0la nassita e 35 da la m\u00f2rt.<\/span>
\nMa, da s\u00ec an peui, a mancran pa d’autre ocasion p\u00ebr arcord\u00e9 soa p\u00ebrson-a e soa euvra,\u00a0e a sar\u00e0 bin felo p\u00ebrch\u00e8 gnun, p\u00ebr nen con\u00f2ss-lo, ch’a buta an dubi che a sia st\u00e0it\u00a0un dij m\u00e8j poeta piemont\u00e8is pa mach \u00ebd n\u00f2st s\u00e9col, ma ‘d tuta n\u00f2sta st\u00f2ria literaria:\u00a0un n\u00f2m da marchesse a car\u00e0ter d’\u00f2r dapress a coj, dal ‘700, dl’Isler<\/strong><\/a>, d\u00ebl Ventura, d\u00ebl\u00a0Calvo<\/strong><\/a>, \u00ebd Broferi<\/a><\/strong>, \u00ebd <\/span>C\u00f2sta<\/a><\/strong>.<\/span>
\nTutun ij s\u00f2 m\u00e9rit, che par\u00e8j a sar\u00eco gi\u00e0 grand, as f\u00ebrmo pa s\u00ec. I podoma fort\u00ec, sensa\u00a0t\u00ebmma d’esse contrad\u00ec, che, se chiel a fussa nen staje e a l\u2019av\u00e8issa nen s\u00ebmn\u00e0 an sla\u00a0t\u00e8ra piemont\u00e8isa p\u00ebr scasi quarant’ani, dal ’27 al ’64, \u00ebdc\u00f2 noi i sar\u00eco pa l\u00f2n che i soma\u00a0e ‘l Piemont as trover\u00eca tant p\u00ec andar\u00e9, tant p\u00ec ignorant dij s\u00f2 valor, ma bele tant p\u00ec\u00a0d\u00ebsconsol\u00e0 p\u00ebr nen av\u00e8j sav\u00f9 but\u00e9 a foson costa sconda part d\u00ebl s\u00e9col p\u00ebr ch\u00ebrse soa\u00a0reputassion e v\u00ebd-se arconoss\u00f9 ij t\u00ectoj lengh\u00ecstich e literari che a-j speto.<\/span>
\nAdonch, ij m\u00e9rit \u00ebd Pac\u00f2t a son gi\u00e0 straordinari p\u00ebr l\u00f2n che a riguarda soa produssion\u00a0po\u00e9tica e an pr\u00f2sa, ma chiel a l\u2019\u00e9 nen sarasse ant la tor d\u2019av\u00f2ri dle sodisfassion\u00a0p\u00ebrsonaj, dij batiman e dij compliment, che soa euvra d\u00e9 scritor a-j fas\u00eca vagn\u00e9.<\/span>
\nA l’ha fait \u00ebd p\u00ec: da v\u00e9r mag\u00ecster a l’ha pi\u00e0 p\u00ebr man ij piemont\u00e8is, compagnandje\u00a0p\u00ebr vaire ani “p\u00ebr la stra p\u00ec drita”, cola marc\u00e0 daj grand.<\/span><\/p>\n

D’antorn a chiel, par\u00e8j \u00ebd bianche ven-e,\u00a0<\/span>
\np\u00ebr monta e cala a van le stra paisan-e,\u00a0<\/span>
\nche a coro tute a j\u00eb stradon dle pian-e<\/span>
\ndova ti, n\u00f2no, certe neuit seren-e,<\/span><\/p>\n

na s-cirpa rossa grop\u00e0 antorn dla vita,<\/span>
\nit n’andas\u00ece con l’anima contenta,<\/span>
\ns-ciopatand con \u00ebl fo\u00e8t n\u2019aria rijenta;<\/span>
\ne it n’andas\u00ece p\u00ebr la stra pi drita.<\/span><\/p><\/blockquote>\n

(Ij m\u00e8 vej<\/em>, da Crosiere<\/em>, 1935)<\/span><\/p><\/blockquote>\n

A l\u2019\u00e9 par\u00e8j che ‘l Piemont a l’ha pod\u00f9 deurbe n’autr cap\u00ectol dij p\u00ec fosonant e anciarmant\u00a0\u00ebd soa st\u00f2ria, andoa le vocassion p\u00ebr le bele litre nostran-e a son fior\u00ece p\u00ec\u00a0che ant \u00ebl pass\u00e0 e, tut d’antorn a la Compan\u00eca dij Brand\u00e9, a l’\u00e9 ch\u00ebrsuje la consiensa\u00a0dla lenga e dla sivilt\u00e0 piemont\u00e8isa.<\/span>
\nDabon, p\u00ebrch\u00e8 la virt\u00f9 la p\u00ec granda d’un \u00f2m a l’\u00e9 pa miraco d\u2019esse grand chiel, \u00ebd\u00a0frap\u00e9 dc\u00f2 d\u00f2p \u00ebd soa m\u00f2rt la rason e ‘l sentiment \u00ebd coj che a l’han conossulo ‘d p\u00ebrson-a o da soa euvra, fasendje sente soa mzura superior che a podran mai avzin\u00e9.<\/span>
\nLa virt\u00f9 la p\u00ec granda a l’\u00e9 ‘d but\u00e9 j’\u00e0utri an condission \u00ebd marc\u00e9 dasp\u00ebrlor, valad\u00ec,\u00a0scot\u00e0 s\u00f2 m\u00ebssagi, \u00ebd pratichelo e passelo, andasend ancor \u00ebd pi ant ij detaj e adatandlo\u00a0ai temp neuv, a na caden-a sensa fin d’autre creature.<\/span><\/p>\n

Dov\u00e9r dl\u00eb scritor piemont\u00e8is<\/strong>
\nCom a arc\u00f2rda Dario Pas\u00e9<\/a><\/strong> an <\/span>Pacotian-a: s-cianch \u00ebd savi\u00ebssa e d\u00eb st\u00f2ria<\/em> (v. l\u00eb\u00a0scartari n.r 17, 1999, d\u2019 <\/span>La Sl\u00f2ira<\/em>, a le p\u00e0gine 2 e 3), pr\u00f2pi ant s\u00f2 scrit an pr\u00f2sa riv\u00e0\u00a0fin-a a noi Pac\u00f2t a dis\u00eca:<\/span><\/p>\n

\n

Ma se scrive ‘n piemont\u00e8is, a l’\u00e9 ‘l prim dov\u00e8r dl\u00eb scritor piemont\u00e8is, cost\u00ec a l\u2019ha\u00a0<\/span>dc\u00f2 n’autr dov\u00e8r: col \u00ebd f\u00e9 nasse ant \u00ebl p\u00f2pol che a lo circonda s\u00f2 istess amor p\u00ebr \u00ebl\u00a0parl\u00e9 che ij n\u00f2stri vej a l’han lassane, col \u00ebd deje al p\u00f2pol \u00ebl sens \u00ebd n\u00f2stra rassa,\u00a0l’orgheuj \u00ebd n\u00f2stre tradission e ‘d n\u00f2stra st\u00f2ria, \u00ebl sentiment dla bl\u00ebssa ‘d n\u00f2stre t\u00e8re.\u00a0P\u00ebrch\u00e8 ch’a bz\u00f2gna nen che l\u00eb scritor, \u00ebl poeta, as sara ant la tor d’av\u00f2ri dla poes\u00eca,\u00a0ma bz\u00f2gna ch\u2019a intuissa ch’a spiega chiel col ch’a l\u2019\u00e9 l\u00eb bz\u00f2gn popolar, a bz\u00f2gna\u00a0ch’a-j mostra a j’\u00e0utri l\u00f2n ch’a l’\u00e9 sta lingua ch’a serco, a bz\u00f2gna ch’a fasa chiel \u00ebl difensor\u00a0\u00ebd le tradission, l\u2019ilustrator d\u00ebl pass\u00e0 e ‘l maestro dl\u2019avn\u00ec. P\u00ebrch\u00e8 ch\u2019a bz\u00f2gna\u00a0che al seugn dij poeta a corisponda le bz\u00f2gn d\u00ebl p\u00f2pol. Un a l’\u00e9 necessari a l’autr.
\n(Dial\u00e8t o lingua?<\/em>, “Ij Brand\u00e9 Arvista piemont\u00e8isa<\/em>“, n. 1,5 mars 1927)<\/p>\n<\/blockquote>\n

A l’\u00e9 s\u00f2n ch’a l’ha fait Pac\u00f2t e che i dovoma memori\u00e9 sempe: chi ch’a l’ha ancontralo\u00a0<\/span>‘d p\u00ec o, parej \u00ebd noi, mach an brova dla m\u00f2rt; e chi a l’ha lesulo o sentune parl\u00e9, ma\u00a0a l’\u00e9 st\u00e0it testim\u00f2ni ‘d l\u00f2n che s\u00f2 diss\u00e9poj, spece j’amis p\u00ec giovo dla bela Compan\u00eca, a\u00a0l’han sav\u00f9 realis\u00e9 d\u00f2p soa partensa, tr\u00f2p prest, a sessantesinch ani cand che n’\u00f2m a\u00a0peul av\u00e8j ancor tant da d\u00ec e da f\u00e9.<\/span><\/p>\n

D\u00f2p cola neuit dal 15 al 16 d\u00eb dz\u00e8mber, a-i n\u00eb restava v\u00e0ire dla prima generassion\u00a0dij Brand\u00e9 form\u00e0 da coj che a j\u2019ero unisse al Mag\u00ecster gi\u00e0 anans dla sconda gu\u00e8ra mondial:\u00a0<\/span>Armando Motura<\/a><\/strong>, <\/span>Alfredino<\/a><\/strong>, Oreste Galin-a<\/strong><\/a>, <\/span>Luis Olivero<\/a><\/strong>, Carlotin-a\u00a0Rocco<\/strong><\/a>, Franco Bertoni<\/strong><\/a>, <\/span>Giovanin Bono<\/a><\/strong>, Renato Bertol\u00f2t, Aldo Daverio<\/strong><\/a>, <\/span>Arrigo\u00a0Frusta<\/a><\/strong>, Galucio e d\u2019autri.<\/span><\/p>\n

Le generassion d\u00f2p Pac\u00f2t<\/strong>
\nMa, se la p\u00ec part \u00ebd lor, fin-a ch’a l’han pod\u00f9, a l’\u00e9 segnalasse ancor p\u00ebr \u00ebd contrib\u00f9,\u00a0cheidun grand dabon, a la madurassion coltural d\u00ebl Piemont, a son st\u00e0it ij p\u00ec giovo,\u00a0coj dla sconda generassion, a deje p\u00ec d\u2019andi al d\u00f2p-Pac\u00f2t. Pensoma al travaj \u00ebd <\/span>Milo\u00a0Bre<\/a><\/strong> e \u2018d <\/span>Tavo Burat<\/a><\/strong>: a j\u2019angage che a l\u2019han piaje tut s\u00f2 temp e soe f\u00f2rse, a la mira da\u00a0intr\u00e9 an concorensa, vagnandla, con ij soen dj\u2019af\u00e9, dl\u2019ancreus p\u00ec p\u00ebrsonal, dla famija.<\/span>
\nAn efet, m\u00f2rt Pac\u00f2t e scasi a vor\u00e8isso compens\u00e9 l\u00eb s-cianch riv\u00e0 a l’improvista, a l’\u00e9\u00a0staje, con Bre e Burat, \u00ebd gent, nen peui v\u00e0ire, ma tuti, ‘ma ch’as dis, ard\u00ec an sla\u00a0pi\u00f2ta, che a l’ha p\u00ec nen s-ciair\u00e0 che ‘l Piemont, e par\u00e8j a dov\u00eca esse se n\u00f2st p\u00f2pol a l’av\u00eca\u00a0damanca d’un p\u00ebrfond \u00ebd r\u00f2be: dle gram\u00e0tiche e dij dissionari o vocabolari, coma\u00a0un a l’ha p\u00ec car ciameje, dle st\u00f2rie e antolog\u00ece ‘d n\u00f2sta literatura e dj\u00eb studi ‘d lengh\u00ecstica\u00a0piemont\u00e8isa, dij test \u00ebd poes\u00eca e ‘d pr\u00f2sa, oltra ai nen v\u00e0ire public\u00e0, spece p\u00ebr la\u00a0pr\u00f2sa, fin-a a col moment, dij l\u00ecber p\u00ebr le masn\u00e0 e dle sc\u00f2le ‘d lenga piemont\u00e8isa,\u00a0dj’associassion colturaj che a port\u00e8isso anans, mincaun-a an s\u00f2 camp, ma con un foson\u00a0\u00ebd travaj mai fin\u00ec, j’ideje ‘d Pac\u00f2t e dij Brand\u00e9.<\/span>
\nA l’\u00e9 par\u00e8j che a l’\u00e9 mai chitasse <\/span>Ij Brand\u00e9 – Armanach \u00ebd poes\u00eca piemont\u00e8isa<\/em>,\u00a0anandi\u00e0 da Pac\u00f2t d\u00ebl ’60 e peui seguit\u00e0 p\u00ebr n’ann da Renso Gandolf e, apress,\u00a0sempe da Bre; che ‘l <\/span>Musicalbrand\u00e9<\/em><\/a><\/strong> a l’\u00e9 surt\u00ec ancor p\u00ebr tranta e passa ani fin-a al\u00a0’95, e che s\u00f2 p\u00f2st a l’\u00e9 stait ardit\u00e0 da <\/span>La Sl\u00f2ira<\/em>; che a l’\u00e9 creasse, dal ’68, le Feste d\u00ebl\u00a0Piemont, riv\u00e0 st\u2019ann, an Valsesia, a cola che a f\u00e0 32 e, da l\u201982, ij R\u00ebscontr Ant\u00ebrnassionaj d\u00eb studi an sla Lenga e la Literatura piemont\u00e8isa; che a l’\u00e9 surtije,\u00a0an v\u00e0ire edission, le gram\u00e0tiche e ij vocabolari ‘d Bre e ij dissionari ‘d Gianfranco\u00a0Grib\u00e0ud, le st\u00f2rie e antolog\u00ece dla literatura piemont\u00e8isa ‘d Gandolf e Bre.\u00a0Che a l’\u00e9 nassuje la <\/span>Ca d\u00eb studi piemont\u00e8is<\/a><\/strong>, vors\u00f9a da Renso Gandolf, gran valorisador\u00a0\u00ebd la poes\u00eca ‘d Pac\u00f2t, e da d’autri tra ij pi angagi\u00e0 p\u00ebr la lenga piemont\u00e8isa, e\u00a0l’<\/span>Union \u00ebd j’associassion piemont\u00e8ise ant \u00ebl mond<\/a><\/strong>, con prim pressident\u00a0Gianni Oberto, un pol\u00ectich che a l’avia bin car n\u00f2sta lenga e s\u00f2 poeta p\u00ec rapresentativ,\u00a0C\u00f2sta e Pac\u00f2t; che Bre a l’ha fond\u00e0 ‘l mensil <\/span>Piemont\u00e8is ancheuj<\/em>; che, dal ’68 al\u00a0Santuari ‘d Graja, selebrant <\/span>don Mich\u00e9l Fus\u00e9<\/a><\/strong>, ant \u00ebl di dla prima Festa d\u00ebl Piemont, a\u00a0l’\u00e9 ancaminasse a di la M\u00ebssa an lenga piemont\u00e8isa; che la Region a l’\u00e9 dasse na\u00a0<\/span>legislassion<\/a><\/strong> a t\u00f9a e valorisassion d\u00ebl patrim\u00f2ni lengh\u00ecstich original d\u00ebl Piemont, adot\u00e0\u00a0n\u00eb stema e ‘n <\/span>drap\u00f2<\/a><\/strong>, che a son l’ans\u00ebgna d\u00ebl Prinsip\u00e0 ‘d Piemont, istitu\u00ec ai 15 d’agost\u00a0d\u00ebl 1424; che la Region Piemont a l’ha fait sente soa par\u00f2la ‘d dif\u00e8isa e d’arvangia dla\u00a0lenga piemont\u00e8isa; a l’\u00e9 par\u00e8j che i soma anandi\u00e0, coma miraco i j’ero mai stalo, p\u00ebr f\u00e9\u00a0con\u00f2sse ij valor d\u00ebl Piemont e ch\u00ebrse-ne an pi tanti poss\u00ecbil soa consiensa.<\/span><\/p>\n

As dis che ij temp a son cambi\u00e0 e che la gent a sar\u00eca rivaje l\u2019istess, bele sensa \u2018d Pac\u00f2t\u00a0e dij Brand\u00e9. A peul \u00ebdc\u00f2 desse, ma, se a sto mond a-i \u00e9 na l\u00f2gica dla st\u00f2ria, coma\u00a0figuresse na coalera \u2018d cause e d\u2019efet, che a peussa f\u00e9 a meno dle prime? Valad\u00ec: a-i \u00e9\u00a0gnun efet che a l\u2019abia pa, amont, na poss\u00e0 anvers \u00ebd col arzult\u00e0. Ma la midema considerassion\u00a0as dev fesse visav\u00ec \u2018d l\u00f2n che Pac\u00f2t e ij Brand\u00e9 a l\u2019han av\u00f9 a soe spale: la\u00a0st\u00f2ria \u2018d n\u00f2sta lenga e \u2018d n\u00f2sta literatura, daj Sermon subalpin d\u00ebl s\u00e9col XII fin-a\u00a0a la lus che <\/span>Nino C\u00f2sta<\/a><\/strong> a l\u2019ha visc\u00e0 an Neuvsent. E si lassoma parl\u00e9 Pac\u00f2t:<\/span><\/p>\n

\n

La poes\u00eca \u2018d Nino C\u00f2sta e l\u2019\u00e9 vn\u00f9a al moment giust. Quand che j\u00eb scritor d\u00ebl temp\u00a0<\/span>\u00ebd Viriglio, e ij s\u00f2 imitator, a l\u2019av\u00eco ormai dit soa \u00f9ltima par\u00f2la neuva, e quand che\u00a0le tendense giovo \u2018d n\u00f2stra poes\u00eca, preanunsi\u00e0 da Alfonso Ferrero<\/strong><\/a> e da Giovanni\u00a0Gianotti<\/strong><\/a>, a l\u2019av\u00eco ancor nen trov\u00e0 la tonalit\u00e0 giusta p\u00ebr esprimse. Ant col moment\u00a0che la poes\u00eca piemont\u00e8isa a smijava che a st\u00e8issa p\u00ebr fin\u00ec, Nino C\u00f2sta, cujend l\u00f2n che\u00a0a j\u2019era ancor \u00ebd viv ant l\u2019eredit\u00e0 d\u00ebl pass\u00e0, rimontand ansi quaich v\u00f2lta p\u00ec an su, fin-a\u00a0a Brofferio, fin-a a Calvo, e interpretand le aspirassion \u00ebd rinovament\u00a0ch\u2019ancaminavo a fior\u00ec d\u2019antorn a chiel, a l\u2019ha sav\u00f9 fonde, ant soa ispirassion, \u00ebl vej\u00a0con \u00ebl neuv, e tenendse bin atac\u00e0 a n\u00f2stra tradission nostran-a, sensa arnegh\u00e9 la viva\u00a0esperiensa po\u00e9tica moderna, a l\u2019ha dane cola soa poes\u00eca, cos\u00ec piemont\u00e8isa e cos\u00ec\u00a0soa, che partend da na manera squasi popolar a l\u2019\u00e9 riv\u00e0, travers a na decantassion
\ninterior e sutila, a d\u2019espression l\u00ecriche da gran poeta.
\n(La poes\u00eca \u2018d Nino Costa, “Ij Brand\u00e9 – Giornal \u00ebd poes\u00eca piemont\u00e8isa<\/em>“, n.r 2, 1\u00a0d\u2019otober 1946, p. 5)<\/p>\n<\/blockquote>\n

P\u00ebr conclude al moment un d\u00ebscors che a ciama tant p\u00ec d\u00eb studi e an spece an s\u2019”Ij\u00a0<\/span>Brand\u00e9”, 1946-57, i voroma ancor giont\u00e9 che, \u00ebd tute le lession \u00ebd Pac\u00f2t, cola dl\u2019union\u00a0e dl\u2019amicissia, tant coma virt\u00f9 dasp\u00ebrlor che vista dj\u2019arzult\u00e0 che a peulo fene vagn\u00e9, a\u00a0smija un-a dle pi amportante p\u00ebr cap\u00ec, \u00ebdc\u00f2 pensand a n\u00f2st avn\u00ec, le stra che i dovoma\u00a0mai chit\u00e9. E, a cost riguard, i l\u2019avroma ocasion \u00ebd torn\u00e9.<\/span><\/p>\n

\u25c4<\/span>\u00a0Pinin Pac\u00f2t<\/a><\/strong><\/p>\n","protected":false},"excerpt":{"rendered":"

Censin Pich (“La Sl\u00f2ira” – n.2\/1999) Pinin Pac\u00f2t a l’\u00e9 da ch\u00e8ich ani che i lo comemoroma soens: d\u00ebl ’94, a 30 ani da la\u00a0m\u00f2rt; d\u00ebl …<\/p>\n

Un poeta e 'n magister: Pinin Pac\u00f2t<\/span> Leggi tutto \u00bb<\/a><\/p>\n","protected":false},"author":2,"featured_media":19129,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[9],"tags":[142,144,150,58,145,84,85,86,59,21,22,37,38,39,23,61,40,62,88,89,25,147],"class_list":["post-9246","post","type-post","status-publish","format-standard","has-post-thumbnail","hentry","category-literatura-2","tag-anon","tag-castello-di-annone","tag-censin-pich","tag-compania-dij-brande","tag-giuseppe-pacotto","tag-identita-piemonteisa","tag-identita-piemontese","tag-identite-piemontaise","tag-ij-brande","tag-langue-piemontaise","tag-lenga-piemonteisa","tag-letteratura-piemontese","tag-lettere-piemontesi","tag-lettres-piemontaises","tag-lingua-piemontese","tag-literatura-piemonteisa","tag-litterature-piemontaise","tag-piedmontese-literature","tag-piemont","tag-piemonte","tag-piemontese-language","tag-pinin-pacot"],"_links":{"self":[{"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/posts\/9246","targetHints":{"allow":["GET"]}}],"collection":[{"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/posts"}],"about":[{"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/users\/2"}],"replies":[{"embeddable":true,"href":"https:\/\/www.gioventurapiemonteisa.net\/2020\/index.php?rest_route=%2Fwp%2Fv2%2Fcomments&post=9246"}],"version-history":[{"count":0,"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/posts\/9246\/revisions"}],"wp:featuredmedia":[{"embeddable":true,"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/media\/19129"}],"wp:attachment":[{"href":"https:\/\/www.gioventurapiemonteisa.net\/2020\/index.php?rest_route=%2Fwp%2Fv2%2Fmedia&parent=9246"}],"wp:term":[{"taxonomy":"category","embeddable":true,"href":"https:\/\/www.gioventurapiemonteisa.net\/2020\/index.php?rest_route=%2Fwp%2Fv2%2Fcategories&post=9246"},{"taxonomy":"post_tag","embeddable":true,"href":"https:\/\/www.gioventurapiemonteisa.net\/2020\/index.php?rest_route=%2Fwp%2Fv2%2Ftags&post=9246"}],"curies":[{"name":"wp","href":"https:\/\/api.w.org\/{rel}","templated":true}]}}