{"id":3862,"date":"2010-12-25T14:58:36","date_gmt":"2010-12-25T13:58:36","guid":{"rendered":"https:\/\/www.gioventurapiemonteisa.net\/2020\/?p=3862"},"modified":"2010-12-25T14:58:36","modified_gmt":"2010-12-25T13:58:36","slug":"luisin-bernard-na-lession-ed-lenga","status":"publish","type":"post","link":"https:\/\/www.gioventurapiemonteisa.net\/2020\/?p=3862","title":{"rendered":"Luisin B\u00ebrnard. \u00abNa lession \u00ebd lenga\u00bb"},"content":{"rendered":"
Na conta \u2018d Luisin B\u00ebrnard che an mostra coma l\u2019assion dij mag\u00ecster e dj\u2019ans\u00ebgnant che a-j proib\u00eco ai Piemont\u00e8is \u00ebd parl\u00e9 soa lenga fin-a ant\u00ebc\u00e0 a l\u2019era ispir\u00e0 drit da Roma. Strompene la lenga e crasene l\u2019identit\u00e0 a fas\u00eca (e a f\u00e0) part \u00ebd na strateg\u00eca\u00a0italian-a contra \u2018l Piemont.<\/em><\/span>\u00a0<\/span><\/div>\n
.<\/span><\/div>\n
<\/div>\n

Na lession \u00ebd lenga<\/span><\/strong>
\nLuisin B\u00ebrnard<\/span><\/strong>\u00a0<\/span><\/p>\n

Pen-a ch’a fiocava, \u00ebl longhd\u00f2ira as trasformava ant un patinoar riserv\u00e0 a noj\u00e0utri student d\u00ebl Ginasio. Spassios ‘ma ch’a l’era a l’amboch \u00ebd piassa IV Nov\u00e8mber, \u00ebl longhd\u00f2ira as pr\u00ebstava p\u00ebr marcheje quatr o sinch piste che – a f\u00f2rsa ‘d glisseje ansima con j\u00eb scarpon – a dventavo ‘d v\u00e9der.<\/span><\/em><\/p>\n

Antlora a ancaminava l’amusament p\u00ec tapagios che un a peussa anmaginesse. I pijavo l’andi andova che la fi\u00f2ca a l’era ancor molzin-a e fr\u00ebsca, peui, al prinsipi dla pista giass\u00e0, is campavo a pansa m\u00f2la con la cartela pogi\u00e0 a l’\u00ebst\u00f2mi. I part\u00eco anlora par\u00e8j \u00ebd fus\u00ebtte, tra ij batiman e le crijade ‘d cissagi dij compagn ch’a no dirig\u00eco ‘ma ch’as men-o ij beu: “Cisste!” p\u00ebr dine d’\u00ebsquar\u00e9 a drita, e “Tale!” p\u00ebr fene driss\u00e9 a g\u00e0ucia. Le piste a j’ero larghe mes m\u00e9ter, ma a l’era malf\u00e9 p\u00ebrcorje p\u00ebr tuta soa longh\u00ebssa ‘d na quaranten-a ‘d pass, d\u00ebst\u00e8is an sla cartela, le ponte dle scarpe ch’a sfrisavo la giassa ma sensa tochela, ij brass \u00ebslarg\u00e0 an sij fianch p\u00ebr manten-e l’echilibri e nen \u00ebscart\u00e9 da gnun-e bande e and\u00e9 a antampesse andrinta a la fi\u00f2ca sp\u00ebssa an sle doe c\u00f2ste. \u00cbl “tifo” dij present a spriciava fogos, bon da capisse. Coj ch’a rivavo a f\u00e9 tuta na pista fin-a al fond sensa scart\u00e9, e a fin\u00eco con la testa ant \u00ebl baron \u00ebd bianca ch’a marcava ‘l termo, a j’ero aclam\u00e0 campion e consider\u00e0 ij vasco, da trat\u00e9 con r\u00ebsguard e amirassion.<\/span>
\n\u00cbl divertiment a durava p\u00f2ch, tutun. La prima matin d\u00f2p la fiocada a andas\u00eca tut bin, ma p\u00ec nen la sconda. Coma ch’i rivavo an s\u00ebl longhd\u00f2ira, mes’ora anans ch’a son\u00e8issa la “nojosa”, la ci\u00f2ca ch’a preven\u00eca la ciusa d\u00ebl porton \u00ebd la sc\u00f2la, \u00ebl cap \u00ebd le vardie s\u00ecviche a l’era gi\u00e0 l\u00e0 a spetene. I fas\u00eco finta ‘d gnente e tiravo drit. S’a l’av\u00e8issa mai cuc\u00e0 quaidun a sghij\u00e9 e bate le piste ‘d giassa, beh, i l’avr\u00eco ancontr\u00e0 ‘d guaj pit\u00f2st fosonant!<\/span>
\nIs n’andas\u00eco antlora a fene dj’\u00e0utre dar\u00e9 d\u00ebl Cast\u00e9l, ma i sav\u00eco gi\u00e0 ch’a sar\u00eco mai st\u00e0ite bele, seulie, drite e glissose ‘ma an s\u00ebl longhd\u00f2ira. La matin \u00ebd le gare scariol\u00f2ire (ch’a pod\u00eco magara esse dontr\u00e8 matin, se ‘l cap \u00ebd le vardie a l’era cogi\u00e0 con la costipassion che an tuta inossensa e sensa la m\u00ecnima malissia… i j’auguravo), i intravo an classe pien d’entusiasm, d’alegr\u00eca. Fin-a ‘l <\/span>“lungo e magro professor d’italiano che quasi odiar mi fece il divo Dante” <\/em> ‘ma i parafrasavo la poes\u00eca famosa ‘d Milio Praga, a no smijava p\u00ec simp\u00e0tich d\u00ebl s\u00f2lit.<\/span>
\nA l’era ‘n giovn\u00f2t (p\u00ebr noj\u00e0utri: un “befano” o un “grisantem”) \u00ebd vintequatr o vintessinch ani, un b\u00ebl \u00f2m, drit, mairolin, ma pien \u00ebd salute, ij cav\u00e8j rissolin, toscan fin-a a la miola. A s’\u00ebsforsava ‘d mostrene l’italian con passiensa e art, ma as \u00ebscontrava con \u00ebd birichin \u00ebd piassa ch’a-j das\u00eco ‘d b\u00e9l fil da t\u00f2rze.<\/span>
\nA l’av\u00eca per\u00f2 ‘n gr\u00f2ss dif\u00e9t: a vor\u00eca pa sentne parl\u00e9 an piemont\u00e8is tra ‘d noi compagn, n\u00ec con ij bidej o con ij n\u00f2stri parent d\u00ebdnans a chiel. Ansi, a pretend\u00eca che fin-a ant\u00ebc\u00e0 i parl\u00e8isso italian. Disposission pol\u00ectiche ch’a vnis\u00eco da Roma, a dis\u00eca… Vira volt\u00e0, a crijassava ch’a l’av\u00eca mai trov\u00e0 na gineuria andissiplin\u00e0 par\u00e8j \u00ebd noj\u00e0utri (e a l’era magara v\u00e8ra), ch’i provavo gnun r\u00ebsp\u00e9t p\u00ebr gnun (e a l’era ass\u00e8 v\u00e8ra), ch’i j’ero d\u00e9 “<\/span>scarponacci<\/em>” ch’a praticavo pa ‘l b\u00ebl deuit (ma a l’era nen colpa n\u00f2stra se d’invern ij parent a pod\u00eco pa catene d’\u00ebstival\u00f2t da galantin \u00ebd sit\u00e0); a fin\u00eca sempe j’arbuf con na surt\u00eca bin dr\u00f2la: <\/span>“Voi Piemontesi siete soltanto capaci a bere “bote” di barbera”<\/em>! A vor\u00eca d\u00ec “bote”, ma a prononsiava pr\u00f2pi “b\u00f2te”.<\/span>
\nNoi is fas\u00eco nen d’\u00ebscrupoj da beatej, e is butavo a rije ‘ma ‘d mat. E chiel a tacava torna dal con al ron.<\/span>
\nI sent\u00eco pr\u00f2pi pa na gen-a f\u00f2la p\u00ebr \u00ebsto professor d’italian. A no smijava ‘n s\u00e8rber sensa gnun-e piet\u00e0 mach an aparensa, vn\u00f9 a Susa da s\u00f2 pais dle colin-e fiorentin-e p\u00ebr fene dan\u00e9, p\u00ebr rompne ij ciap e gavene la g\u00f2j \u00ebd vive…<\/span>
\nIm arc\u00f2rdo che na v\u00f2lta, an sconda Ginasio, a l’av\u00eca dane ‘n tema an classe: <\/span>“Nobilt\u00e0 dei mestieri artigiani”<\/em>. Mi i j’era angagiame a parl\u00e9 d\u00ebl ciavatin ch’a stas\u00eca a randa ‘d ca mia. A na mira, duvend d\u00ebscrive com a travajava sto ciavatin, sustandme an ant\u00ecssip \u00ebl d\u00ebsp\u00e9t d\u00ebl professor, im buto a scrive ch’a cus\u00eca d\u00eb scarpe bele, <\/span>“non delle crinade”<\/em>. I peule anmagineve ‘l s\u00e9guit! P\u00ebr sav\u00e8j c\u00f2s ch’a l’era na “crinada” a l’\u00e9 anformasse da la professor\u00ebssa ‘d latin, ch’a l’ha r\u00ebsponduje an rijand da ch\u00ebrp\u00e9.<\/span>
\nA l’av\u00eca arfrlame 5, \u00ebdc\u00f2 p\u00ebr d’\u00e0utre “indecense lengh\u00ecstiche”. Quand ch’a l’han ciairije ‘ma ch’as virava an italian la par\u00f2la “crinade”, a l’ha torna ciamame andar\u00e9 ‘l feuj ch’am tocava f\u00e9 sotsign\u00e9 da m\u00e8 pare, a l’ha d\u00ebscancel\u00e0 ‘l 5 e marc\u00e0 gr\u00f2ss mesa p\u00e0gina ‘n b\u00ebl 3.<\/span>
\nLe scaramusse tra ij gabassin \u00ebd la 2a e s\u00f2 professor d’italian a l’han seguit\u00e0 tut l’ann \u00ebscol\u00e0stich. I cor\u00eco vers l’ultima sman-a ‘d lession e ‘l n\u00f2str a l’era dvent\u00e0 p\u00ec m\u00e0ir e pat\u00ec ancora. A dov\u00eca mang\u00e9 tanta ‘d cola rabia! Giumai n\u00f2stra s\u00f2rt d’\u00ebstudent, bon-a o grama ch’a fussa, a par\u00ebss\u00eca: i duvinavo gi\u00e0 chi ch’a l’era prom\u00f2ss an 3a e i pod\u00eco arlam\u00e9, coms\u00ebssia, la tension \u00ebd cole giorn\u00e0 fataj.<\/span>
\n“Fomje n’\u00ebschers al professor”?<\/span>
\n“Al\u00e9”!<\/span>
\n“Scrivomje na litra ‘d ringrassiament fars\u00eca ‘d m\u00f2t an piemont\u00e8is”?<\/span>
\n“D\u00e0j, d\u00e0j”!<\/span>
\n\u00d2j, i l’oma pr\u00f2pi scrivujla cola litra. I l’oma faje ven-e le lerme a j’euj dal ghignon.<\/span>
\nA l’ha mand\u00e0 a ciam\u00e9 m\u00e8 pare. Mach \u00ebl m\u00e8: a l’av\u00eca arconoss\u00f9 stil e caligrafia d\u00ebl… libelista.<\/span>
\nCon l’aria bin meusia, a l’ha contajla coma ch’a bzognava e mi, a testa bassa, ch’i fas\u00eca finta d’esse pent\u00ec e confus antramentre che m\u00e8 vej, impass\u00ecbil, a lo scotava e minca tant am adressava d’uciade al fulmicoton.<\/span>
\nFin\u00ec ch’a l’ha av\u00f9 ‘l professor d’arbufeme, m\u00e8 pare a-j f\u00e0 segn che a l’ha bin cap\u00ec. Peui as buta a parl\u00e9 chiel, con soa vos pasia ma franca. An bon italian, as capiss.<\/span>
\n“I prov\u00ebdrai mi a pun\u00ec sto vorien p\u00ebr av\u00e8je manc\u00e0 ‘d r\u00ebspet, p\u00ebr av\u00e8j pij\u00e0 sotgamba l’\u00ebstudi e la bon-a creansa. I lo castigh\u00ebrai p\u00ebr nen av\u00e8j studi\u00e0 e amprend\u00f9 coma ch’a dov\u00eca l’italian. I son d’ac\u00f2rde con chiel, mons\u00f9 ‘l professor, che, p\u00ebr capisse an costa Italia neuva, f\u00e0ita da p\u00f2ch, a l’\u00e9 giust ch’i parlo tuti l’istess lengagi. Ma, per l\u00f2n ch’a r\u00ebsguarda ‘l piemont\u00e8is, a f\u00e0 bin na desen-a ‘d generassion ch’i lo parloma a ca n\u00f2stra (prima i parlavo frans\u00e8is). A l’\u00e9 la lenga ‘d n\u00f2stre mare, e da noj\u00e0utri as dis: “Parla coma toa mare a l’ha mostrate”! A val \u00ebdc\u00f2 p\u00ebr m\u00e8 fieul. A l’\u00e9 la lenga ‘d n\u00f2stra coltura, e i n\u00eb soma fier. A seguit\u00ebr\u00e0 a parlela ‘dc\u00f2 sto morf\u00e9l”!<\/span>
\nF\u00f2ra dla sc\u00f2la i son ciapame quatr \u00ebscopasson \u00ebd coj ch’a fan \u00e9poca.<\/span>
\n“An italian, p\u00ebr ij maleduc\u00e0 tr\u00f2p \u00ebspiritos, as ciamo “<\/span>schiaffoni<\/em>“, am grogner \u00ebl gris anrabi\u00e0. An piemont\u00e8is “sgiaflon” o “palavir\u00e9”: sern ti”!<\/span>
\nMalgr\u00e9 ij pap\u00e0ver, im sent\u00eca orgojos d’av\u00e8j un pare par\u00e8j!<\/span><\/p>\n

Luisin B\u00ebrnard<\/em><\/strong>
\nMusicalbrand\u00e9<\/a> – Arvista piemont\u00e8isa | n. 129, Mars 1991<\/span><\/em>\u00a0<\/span><\/h5>\n
\n

\u25c4<\/span>\u00a0Mila agn \u00ebd Literatura Piemont\u00e8isa<\/a><\/strong><\/em>
\n\u25c4<\/span>\u00a0Cheur Piemont\u00e8is<\/a><\/strong><\/p>\n","protected":false},"excerpt":{"rendered":"

Na conta \u2018d Luisin B\u00ebrnard che an mostra coma l\u2019assion dij mag\u00ecster e dj\u2019ans\u00ebgnant che a-j proib\u00eco ai Piemont\u00e8is \u00ebd parl\u00e9 soa lenga fin-a ant\u00ebc\u00e0 a …<\/p>\n

Luisin B\u00ebrnard. \u00abNa lession \u00ebd lenga\u00bb<\/span> Leggi tutto \u00bb<\/a><\/p>\n","protected":false},"author":2,"featured_media":12478,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[77,18,9],"tags":[60],"class_list":["post-3862","post","type-post","status-publish","format-standard","has-post-thumbnail","hentry","category-cheur-piemonteis","category-euvre-literarie","category-literatura-2","tag-literatura"],"_links":{"self":[{"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/posts\/3862","targetHints":{"allow":["GET"]}}],"collection":[{"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/posts"}],"about":[{"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/users\/2"}],"replies":[{"embeddable":true,"href":"https:\/\/www.gioventurapiemonteisa.net\/2020\/index.php?rest_route=%2Fwp%2Fv2%2Fcomments&post=3862"}],"version-history":[{"count":0,"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/posts\/3862\/revisions"}],"wp:featuredmedia":[{"embeddable":true,"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/media\/12478"}],"wp:attachment":[{"href":"https:\/\/www.gioventurapiemonteisa.net\/2020\/index.php?rest_route=%2Fwp%2Fv2%2Fmedia&parent=3862"}],"wp:term":[{"taxonomy":"category","embeddable":true,"href":"https:\/\/www.gioventurapiemonteisa.net\/2020\/index.php?rest_route=%2Fwp%2Fv2%2Fcategories&post=3862"},{"taxonomy":"post_tag","embeddable":true,"href":"https:\/\/www.gioventurapiemonteisa.net\/2020\/index.php?rest_route=%2Fwp%2Fv2%2Ftags&post=3862"}],"curies":[{"name":"wp","href":"https:\/\/api.w.org\/{rel}","templated":true}]}}