{"id":31467,"date":"2013-01-02T20:42:25","date_gmt":"2013-01-02T19:42:25","guid":{"rendered":"https:\/\/www.gioventurapiemonteisa.net\/2020\/?p=18510"},"modified":"2013-01-02T20:42:25","modified_gmt":"2013-01-02T19:42:25","slug":"rico-lion-fin-1861-1935-poeta-dla-famija-2","status":"publish","type":"post","link":"https:\/\/www.gioventurapiemonteisa.net\/2020\/?p=31467","title":{"rendered":"Rico (Lion Fin, 1861-1935), poeta dla famija"},"content":{"rendered":"

Tavo Burat<\/strong><\/a> |\u00a0<\/span>Musicalbrand\u00e9 N. 89 | Mars 1981<\/span>\u00a0<\/span><\/p>\n

\"\"<\/a>
Rico a la Vnera ‘d Vi\u00f9, con j’anvodin Dolino, Mirela e Rir\u00ec (1928)<\/figcaption><\/figure>\n

La poes\u00eca \u2018d Rico a l\u2019\u00e9 st\u00e0ita apressi\u00e0 com as dev dai presentator dij s\u00f2 l\u00ecber: Corrado Corradino (Gri\u00f2te<\/em>, 1906), Guido Marangoni (Fr\u00f2le… Frolon…<\/em>, 1925) e Saverio Fino, autor \u00ebd l’achit \u00ebd l’\u00f9ltim l\u00ecber (More<\/em>, 1928) doa as treuvo, con na sernia dj’\u00e0utri doi volum, \u00ebdc\u00f2 le poes\u00ece dle prime\u00a0<\/span>doe plaquettes: M\u00e8 fieul – impression e mac\u00ebtte<\/em>\u00a0(1890) e Son\u00e8t… al\u00e9gher<\/em>\u00a0(A l’ans\u00ebgna d\u00ebl Birichin<\/em>, 1891 e peui, an sconda edission, 1903. <\/span><\/p>\n

Ij \u201cBrand\u00e9<\/strong><\/a>\u201d a L\u2019han pro renduje omagi, con Walter Agostini (La poes\u00eca \u2018d Rico<\/em>, n.r 106, 1951) e Pinin Pac\u00f2t<\/strong><\/a> (Rico – palinod\u00eca<\/em>, n.r 187, 1954). Ant la prima serie (1927) dij \u201cBrand\u00e9\u201d an doi art\u00eccoj (n.r 3 e n.r 5), n\u00f2str magister, tut ciap\u00e0 da la bela bataja p\u00ebr liber\u00e9 la poes\u00eca piemont\u00e8isa dal bosset \u00ebd manera, e arlam\u00e9 soe vele al vent (na frisa d\u00eb Sturm und Drang<\/em>, ansoma…) p\u00ebr aramb\u00e9 la rivera dla l\u00ecrica, a strompa, con \u00ebl g\u00e9ner car a\u00a0<\/span>Rico, \u00ebdc\u00f2 ij vers d\u00ebl poeta dle More<\/em>\u00a0pen-a smon\u00f9e da le giojere dij libr\u00e9. Ma Rico, da col gentil\u00f2m ch’a l’era, nop\u00e0 \u2018d pijessla (e, belavans, ij Brand\u00e9 a dov\u00eco peui pat\u00ec v\u00e0ire abandon \u00ebd \u201ccoi ch’a s’ofendo\u201d!) a manda le des lire dl’abonament sostenitor con un bijet pont\u00f9, ma grassios, \u00ebd coment al leturil \u00ebd Pac\u00f2t (\u00abStroncatura, ma garbata; garbata, ma stroncatura. Il meno ch’io possa farle \u00e8 di mandarle l’abbonamento. Cordialmente. Rico\u00bb<\/em>). Scasi vint agn apress la m\u00f2rt d\u00ebl poeta, ant \u00ebl 1954, Pac\u00f2t a torna a Rico con n’\u00e0utr cheur e d\u2019\u00e0utri euj, e a-i d\u00e0 l’onor ch’a-i ven. A l\u2019\u00e9 franch cost’artreta tocanta \u2018d Pac\u00f2t ch’a l’ha cissame a lese Rico e a l’ha mostrame a vor\u00e8j-je bin. <\/span><\/p>\n

Walter Agostini a l’av\u00eca furn\u00ec s\u00f2 bel t\u00f2ch s\u00ebl poeta par\u00e8j: \u00abI savr\u00eca nen c\u00f2sa dive dla vita \u2018d Leone\u00a0<\/em><\/span>Fino; i peuss tut al p\u00ec riport\u00e9 l’epitafi che chiel, modest e spiritos come sempre, a l’era scrivusse:<\/em> “Mezzo poeta e mezzo ragioniere: \/ non fu n\u00e9 l’un n\u00e9 l’altro. Miserere\u00bb. Noi i podoma d\u00ec che poeta a l\u2019\u00e9 stalo; ragioni\u00e9 peui… am anteressa nen. Leone Fino, ch’a l’era n\u00e0 a Turin ant \u00ebl 1861, a l’\u00e9\u00a0<\/span>manc\u00e0 ‘l 16 \u00ebd mars 1935\u00bb.\u00a0<\/span>L\u00f2 che, p\u00ebr na biograf\u00eca, a l’\u00e9 nen ass\u00e9… e antlora i son butame a l’arserca, slargandla a la famija, a coj cit ch’a son dvent\u00e0 \u2018dc\u00f2 lor n\u00f2stri amis p\u00ebr la poes\u00eca d\u00ebl pare, e che i regretava d’av\u00e8j p\u00ebrd\u00f9.<\/span><\/p>\n

* * *<\/span><\/p>\n

Leone Fino a l’era n\u00e0 ant \u00ebl 1861, da Gioann e da Ana V\u00f2la; ma la famija, coma tuti ij Fino (1)<\/span>, a vnis\u00eca da le valade \u2018d Lans. Coma p\u00ebr n’artorn a l’adoss, chiel as catr\u00e0 na cassin\u00f2ta, la Rivalta<\/em>, a la Vnera (\u00abVnera tranquila, e fr\u00ebsca, \/ e solitaria! \/ Mi ‘t veuj na ben, na ben ch’i sai nen dite…\u00bb<\/em> da Salut a la Vnera<\/em>, Fr\u00f2le… Frolon)<\/em>, na borg\u00e0 a doi km da Vi\u00f9 (ant\u00e9 ancheuj a far\u00eco bin a ‘rcordelo, con \u00ebl n\u00f2m a na stra, o na l\u00f2sa su soa veja cassin-a, doa chiel soens a andas\u00eca a scot\u00e9 la canson dla Stura <\/span><\/p>\n

\u00abTut silensio, d’antorn. Lagi\u00f9 la Stura, \/ st\u00ebrm\u00e0 da j’erbo, a canta soa canson \/ ch’a son-a f\u00f2rt, sonora, ant l’aria pura… \/ Cala gi\u00e0 ‘l sol, as sento ij prim frisson \/ dla s\u00e8ira: e la valada as f\u00e0 p\u00ec scura…\u00bb,\u00a0 S\u00e8ira an montagna<\/em>, da More<\/em>.<\/span><\/p>\n

\u00cbl pap\u00e0 \u2018d Leone, Gioann, a l’era ‘n v\u00e9r p\u00ebrsonagi. \u00c0ut, maestos, con na gran barba, a smijava a ‘n r\u00e8 pastor. E, an efet, chiel con ij r\u00e8 a l’era \u2018d famija! A l’av\u00eca vir\u00e0 p\u00ebr \u00ebl mond, e a l’era dvent\u00e0 \u00f2m \u00ebd fiusa, m\u00e8istr \u00ebd ca, \u00ebd Medeo \u2018d Sav\u00f2ja duca d’Osta, peui, dal 1870 al 1873, re d\u00eb Spagna.<\/span>
\nCost-s\u00ec, pa v\u00e0ire fait\u00e0 a j’af\u00e9 \u2018d comersi, quand ch’a surt\u00eca da n’obergi o da na botega, a-j fas\u00eca s\u00e8mper con Gioann Fino: \u201cCavajer, ch’a-i pensa chiel!\u201d<\/em> (2)<\/span>. Fin\u00ec s\u00f2 servissi al r\u00e8, chiel a finiss ij s\u00f2 \u00f9ltim agn a la Vnera. Leone a l’ha donca av\u00f9 ant\u00ebca la sc\u00f2la p\u00ebr esse anlev\u00e0 da gentil\u00f2m; mag\u00ecster s\u00f2 pare, costum\u00e0 a trat\u00e9 con r\u00e8 e prinsi; n\u00eb stil ch’a l’ha r\u00ebspir\u00e0 fin-a da cit, e ch’a l’ha falo \u00f2m generos, con deuit, da grand \u00ebsgnor. <\/span><\/p>\n

Leone a studia da ragioni\u00e9 (na profession sern\u00f9a da v\u00e0ire\u00a0<\/span>poeta piemont\u00e8is modern!), ma as passion-a a le litre italian-e e strangere, fasend \u00ebdc\u00f2 \u2018d tradussion da E. Heine (v. la plaquette M\u00e8 fieul<\/em>: da le poes\u00ece postume<\/em>\u00a0e dal Lazarus<\/em>; e an More<\/em>: A j’\u00e0ngej<\/em>). A l’\u00e9 ant \u00ebl vir dij giovo giornalista piemont\u00e8is, a varda a Enrico Augusto Berta, diretor dla \u201cGazzetta del Popolo della Domenica\u201d<\/em>, com a s\u00f2 \u00abpapal\u00f2to spiritual\u00bb<\/em> (v. la d\u00e9dica an Gri\u00f2te<\/em>) e a l’\u00e9 un dij p\u00ec ativ colaborador d\u00ebl Birichin<\/em>. As maria con Adele Accattino (che ant soe poes\u00ece a ciama \u201cNina\u201d), soa \u00abfomnin-a, ch’a peul nen seufre ij vers piemont\u00e8is\u00bb<\/em> (d\u00e9dica \u2018d N\u00f2sse d\u2019argent<\/em>, an Gri\u00f2te<\/em>): un destin ch’a riva \u2018dc\u00f2 a d’\u00e0iti p\u00f2ver poeta piemont\u00e8is…<\/span>
\nAnt \u00ebl 1888 a-i nass \u00ebl fieul Enrico, Rico… ch’a l’ha f\u00e0it nasse \u00ebl poeta piemont\u00e8is e a l’ha daie ‘n n\u00f2m! Scasi n’id\u00e8ja da \u201ccanson busiarda\u201d, da mond a l’ambors, poeticament fiamenga. A-i seurt antlora la prima plaquette, stamp\u00e0 da l’editris Origlia (via Garibaldi, 18). An coj agn, \u00ebl rag. Leone,\u00a0<\/span>che giumai i ciamroma Rico (pare), a intra ant l’aministrassion dle ofissin-e Michele Ansaldi doa as fan torni paralleli a mano – meccanica di precisione – ruote dentate,<\/em>\u00a0an cors Stupinis 65 (coma i lesoma s\u00ebl \u201cverso\u201d d’un pap\u00e9 dovr\u00e0 da Rico p\u00ebr \u00ebscrive na soa poes\u00eca); n’asienda motobin amportanta, che ant la prima gu\u00e8ra a fabricava fin-a ij canon. La fonder\u00eca e ‘l travaj \u2018d f\u00e0brica, a saran l’ispirassion p\u00ebr poes\u00ece (an\u00a0Gri\u00f2te<\/em>) sla vita dj’ovri\u00e9; vers pa tant arcord\u00e0 p\u00ebrch\u00e8 Rico a l\u2019\u00e9, an general, pens\u00e0 pit\u00f2st coma ‘l poeta dla famija e dle mac\u00ebtte turin\u00e8ise. Nop\u00e0 an costi vers, se nen la poes\u00eca d’arvira d’un Luis Valsoano<\/strong><\/a>, che ant le ofissin-e a travajava, i trovoma \u2018d frisson… la testimoniansa dla sensibilit\u00e0 ch’a possava d\u00eb student e d\u00eb scritor sle posission d\u00ebl sossialism\u00a0<\/span>umanitari.<\/span><\/p>\n

\u00abLe stra d\u00ebl borgh son pien-e d’ovri\u00e9 \/ ch’a speto ‘n b\u00f2t e mes, e ‘l son dla ci\u00f2ca, \/ p\u00ebr ritorn\u00e9 a le f\u00f2rge, a travaj\u00e9. \/ L’han \u2018d face n\u00e8ire, sp\u00f2rche dal carbon: \/ giache e braje stripl\u00e0, ch’a van a t\u00f2ch… \/ a smijo l’es\u00e8rcit dla disperassion\u00bb.<\/span><\/em><\/p>\n

E sempe an sa poes\u00eca (Paper-Hunt<\/em>, da Gri\u00f2te<\/em>), d\u00f2p che \u00abdoi giovn\u00f2t a caval, con \u00ebl frach ross, \/ e ‘n mes a lor na Sgnora, a ven-o ‘n s\u00e0\u00bb<\/em>, \u00abtraversand a la corsa, indiferent, \/ cost furmij\u00e9 n\u00e8ir ch’a bogia, ch’as desvija\u00bb<\/em>, an mes a j’insolense, a la fin: \u00aba p\u00f2ch a p\u00f2ch cole doi n\u00f2te rosse \/ p\u00ebr lor as cambio ant na vision afrosa, \/ na vision color ross, color d\u00ebl sangh…\u00bb.\u00a0<\/em>\u00a0Paper-Hunt<\/em> a l’\u00e9 la \u201ccassa a la volp\u201d: e ant la poes\u00eca, ij cassador, an cors Stupinis, a dvento lor, la volp…<\/span>
\nDa ste poes\u00ece d’ispirassion ovriera a nass l’iron\u00eca d\u00ebl poeta ch’a st\u00e0 da la part dij p\u00f2vr\u2019\u00f2m (v\u00ebdde Question social<\/em>, s\u00e8mper ant le Gri\u00f2te<\/em>\u00a0d\u00ebl 1906) . Un Rico tut da d\u00ebscheurbe… un poeta dla famija, ma laico<\/em>, (3)<\/span> e sens\u00ecbil a la protesta ovriera.<\/span><\/p>\n

Bele ch’a sia st\u00e0it anvit\u00e0 da d’\u00e0utre gr\u00f2sse asiende, e \u2018dc\u00f2 da la FIAT, Rico a resta coma factotum a l’Ansaldi fin-a a quand a l’andr\u00e0 an pension. Con \u00ebl fassism, bele sensa, figur\u00e9 coma n’opositor c\u00e0ud, chiel a pija soe distanse: anans che \u2018d na ch\u00ebstion pol\u00ectica, p\u00ebr chiel a l’\u00e9 n’af\u00e9 d’educassion e \u2018d bon gust; e torna a seurte cola s\u00e0tira pont\u00f9a dla Question social<\/em>\u00a0e ch’a l’ha gnanca risparmi\u00e0 la Ca real (v. Assistend al bat\u00e9sim d’un prinsipin<\/em>\u00a0an Gri\u00f2te<\/em>; e, p\u00ec che tut, Il lutto di Corte, di tre mesi, verr\u00e0 sospeso per le nozze della principessa Jolanda,<\/em>\u00a0an Fr\u00f2le… Frolon…<\/em>). <\/span><\/p>\n

P\u00ebrpar\u00e8j \u2018dc\u00f2 Mussolini a l’ha la soa: Rico a \u00e0ussa ‘l brass p\u00ebr f\u00ebrm\u00e9 \u2018l tramvaj, ma ‘l condutor a lo pija p\u00ebr un fassista ch’a f\u00e0 ‘l salut roman, a r\u00ebspond e a tira via; e antlora val\u00e0 la conclusion: \u00abSi, ‘l <\/em>fascismo, l’\u00e9 v\u00e8ra, a serv a tut: \/ ma dijomla pura (pian, fomse nen sente!) \/ n’assident e na gheuba al s\u00f2 salut, \/ che p\u00ebr ferm\u00e9 ij tranwaj a serv a gnente!\u00bb<\/em>\u00a0(Stass\u00ec i la devo a Mussolini<\/em>, an Fr\u00f2le… Frolon…<\/em>); p\u00ec greva ancora a l’\u00e9 la b\u00f2ta ch’a-j d\u00e0 ant la poes\u00eca Un <\/em>fascista:<\/span><\/p>\n

\u00abS’am pias f\u00e9 ‘l rogneur e ‘l prepotent \/ (Le Guardie regie ansema, al moment bon). \/ ‘M la g\u00f2do a f\u00e9 ‘l Cirano, a mostr\u00e9 ij dent, \/ a f\u00e9 ‘n p\u00f2ch, tuti ij di, rrrivolussion!… \/ Ma ai ross ch’a tiro… \u2018d pere (p\u00f2vra gent!) \/ l’\u00e9 ‘n gust pod\u00e8j respondje… a colp \u00ebd canon\u00bb. <\/span><\/em><\/p>\n

E Fr\u00f2le… Frolon…<\/em>\u00a0a maduro tre agn\u00a0<\/span>d\u00f2p la marcia su Roma<\/em>…<\/span><\/p>\n

J’\u00f9ltim agn da pension\u00e0 Rico a l’ha passaje an via Millaures, 6 (\u00e0ngol cors Fransa) doa l’av\u00eca catasse doe ca, un-a p\u00ebr chiel e l’\u00e0utra p\u00ebr s\u00f2 fieul, con un bel giardin doa as pod\u00eca respiresse \u00ab’n p\u00f2 d’aria pura, e ‘l verd dle piante e ‘l profum dle fior…\u00bb \u00ab… tra ij viol\u00e9 e ij geranio, le verbene e le reuse…\u00bb<\/em> (S\u0153ur Paule<\/em>, an More<\/em>). Chiel a l’era teroris\u00e0 dla decadensa f\u00ecsica, \u00ebd dov\u00e8j magara vive f\u00f2ra \u2018d sentiment, veget\u00e9; e a s\u00f2 m\u00e9dich a-j disia: \u201cNeh, dotor, im arcomand: s’i perdo la cognission, ch’an daga na cita p\u00eclola e ch’a sia fin\u00eca! I faso fiusa an chiel…\u201d<\/em>. \u00cbl m\u00e9dich a-j dis\u00eca d\u00eb st\u00e9 tranquil.<\/span>
\nP\u00f2ver poeta! \u00cbl destin a l’han franch prontaje l\u00f2 dont chiel a l’av\u00eca t\u00ebmma, e ij s\u00f2 doi \u00f9ltim agn a son \u00ebst\u00e0it ter\u00ecbij p\u00ebr n’arterioscler\u00f2si progressiva ch’a l’ha portalo f\u00f2ra \u2018d pianta, e anciodalo a la poltron-a. Mach \u00ebl 13 \u2018d mars 1935 (nen \u00ebl 16) Nosgnor a l\u2019ha daje cola liberassion che chiel a l’av\u00eca ciam\u00e0 tant prima al dotor.<\/span>\u00a0<\/span><\/p>\n

* * *<\/span><\/p>\n

\u00abCom a saran p\u00ebr ti, j’onde dla vita, \/ o mia bela barch\u00ebtta camp\u00e0 an mar? \/ bon vent, bon vent \u00f2h mia barch\u00ebtta cita! \/ Ma se ‘l cel as f\u00e0 brut e l’aria scura \/ torna sempre con mi, ven al ripar: f\u00e0 toa cas\u00f2ta, coma ‘n p\u00f2rt, sicura…\u00bb<\/em> (Prim pass<\/em>, IV sonet \u00ebd M\u00e8 fieul<\/em>,\u00a0<\/span>ch’i trovoma \u2018dc\u00f2 an <\/span>Gri\u00f2te<\/em> e an <\/span>More<\/em>). <\/span><\/p>\n

Rico (fieul) a dventa grand e gr\u00f2ss, a pija la l\u00e0urea an siense comersiaj e ant \u00ebl 1911 as maria con Anna Maria Giacobino. An-namor\u00e0 dla val Var\u00e0ita, a pija na cas\u00f2ta a San P\u00e8ire doa a s’artira dal 1940 e a meuir dontr\u00e8 agn d\u00f2p la gu\u00e8ra.<\/span><\/p>\n

Lidia (\u00abUn profum dij t\u00f2 lavrucio \/ l’ha ‘l profum d\u00ebl gelsomin; \/ l’\u00e9 na reusa, t\u00f2 morucio: \/ son doi more ij bej ojin\u00bb<\/em>. Ghiribiss<\/em>, an Gri\u00f2te<\/em>; \u00abE quand ch’i v\u00ebddo Lidia ch’as d\u00ebmora, \/ ch’a s\u00e0uta, alegra e svicia, tut \u00ebl di… \/ son p\u00ec nen bon a rije \u2013 e i penso, anlora\u00bb<\/em>, Contrast<\/em>, un dij sonet mej costru\u00ec dle Gri\u00f2te<\/em>), as maria con \u00ebl rag. Tomaso Avandino, \u00ebd na famija biel\u00e8isa, ant \u00ebl 1914 (v. A mia Lidia, sposa<\/em>, feuj volant (4)<\/span>; a-i \u00e9 ancora, a l’ha 93 agn, a l’\u00e9 svicia e tant grassiosa: a chila e a soa fija, Mirela, i dovoma motobin \u00ebd costa n\u00f2ta\u00a0<\/span>[l\u2019autor a scriv d\u00ebl 1981, ndr].<\/em><\/p>\n

<\/em>Rico e Lidia a l’han daje al poeta tre anvodin: Rir\u00ec e Dolino Fino, e Mirella Avandino, che ‘l poeta a l’ha vors\u00f9 arcord\u00e9 an More<\/em>\u00a0dedicandje ‘l l\u00ecber. An Fr\u00f2le… Frolon…<\/em> i trovoma le poes\u00ece p\u00ebr sti cit, ch’a \u2018rneuvo ant \u00ebl cheur \u00ebd Rico ij sentiment \u00ebd la prima plaquette: <\/span><\/p>\n

\u00abQuand che m\u00e8 fieul a l’era come ti, \/ un bel gognin ard\u00ec \/ quanti sonet, quante canson l’hai faje \/ che \u2018d rime i l’hai trovaje!\u00bb<\/em> (A Rir\u00ec<\/em>), <\/span><\/p>\n

ma a-i \u00e9 na gena, coma se ‘l poeta, an soa modestia, a ch\u00ebrda nen al valor \u00ebd soa poes\u00eca e a s’ancal\u00e8issa nen \u00ebd f\u00e9 ancor \u00ebd sonet p\u00ebr dle masn\u00e0. tant p\u00ec vere, p\u00ec vive dij vers… <\/span><\/p>\n

\u00abmi i sento ch’a val p\u00f2ch, ogni di \u2018d p\u00ec, \/ l\u00f2n ch’i l’hai sav\u00f9 d\u00ec… \u2013 It ses tr\u00f2p bel, Rir\u00ec! ‘t veuj tr\u00f2pa ben! \/ \u2018d sonet na fas p\u00ec nen!\u00bb<\/em> (Rir\u00ec)<\/em>; \u00abL’\u00e9 che p\u00ebr ti, mia fior, la rima a manca…\u00bb \u00ab… mi i ripensrai p\u00ebr ti \/ j’incant e ij seugn, profum e melod\u00ece \/ che l’\u00e0nima a sospira \u2013 e a s\u00e0 nen dije: \/ tut ansema ant un mass, grop\u00e0… cos\u00ec! \/ Che bel sonet p\u00ebr ti, Mirela mia! \/ sensa rime, ma \u2013 forse \u2013 poes\u00eca\u00bb<\/em>\u00a0(A Mirela<\/em>). <\/span><\/p>\n

N’\u00e0utra vira, l’anvodin a dventa testim\u00f2ni dl’\u00f9ltima anv\u00eca, p\u00ebrch\u00e8 chiel \u201ca s\u00e0\u201d:\u00a0<\/span>\u00abMi veuj ch’am p\u00f2rto s\u00ec, sla\u00a0<\/span><\/em>stra dla Pronda \/ ‘nt \u00ebl m\u00e8 bel Camposanto \u2018d Poss-d\u00eb Stra…\u00bb<\/em>\u00a0(Sonet al\u00e9gher<\/em>, \u00a0A Dolino ch’a s\u00e0<\/em>).<\/span><\/p>\n

Eriberto Fino (Rir\u00ec) a l’\u00e9 m\u00f2rt leugn dal Piemont, dontr\u00e8 agn f\u00e0 \u00a0an Canad\u00e0, doa a viv\u00eca travajand p\u00ebr la Martini e Rossi<\/em>, mari\u00e0 ma sensa famija.<\/span>
\nLeonardo Fino (Dolino), a San P\u00e8ire, doa a l’era tramudassi con s\u00f2 pare, a l’ha conoss\u00f9 Tina Anghilante e a l’ha mariala; a son and\u00e0it a travaj\u00e9 an Sv\u00ecssera (adess a vivo a Pont-Tresa), doa a l’han av\u00f9 doi cit: la fija a l’\u00e9 m\u00f2rta ant la tragedia d\u00ebl Mattmark, ant\u00e9 ch’a l’era and\u00e0ita con la sc\u00f2la,\u00a0<\/span>an gira, p\u00ebr v\u00ebdde ij travaj d\u00ebl canti\u00e9; \u00ebl fieul a l’\u00e9 ant l’\u00c0frica, doa a viv con soa famija, al servissi d\u00ebl ters mond.<\/span>
\nMirella Avandino, fija \u2018d Lidia ch’a l’ha vors\u00f9 deje ‘s n\u00f2m franch p\u00ebr onor\u00e9 la poes\u00eca dla Mireio<\/em> \u2018d Mistral, a s’\u00e9 mariasse con Mons\u00f9 Renso Masante. Con la mama Lidia, a vivo tuti tre an via Camburzano 12. <\/span><\/p>\n

An cors Fransa, a l’\u00e0ngol con via Millaures 6, la ca d\u00ebl poeta a l’era st\u00e0ita vend\u00f9a al\u00a0<\/span>m\u00e9dich prof. Martini, e peui demol\u00eca, e cola \u2018d Rico (fieul) a l’\u00e9 st\u00e0ita camp\u00e0 gi\u00f9 da le bombe \u2018d sa gu\u00e8ra. Tra ij palass dij neuv condomini<\/em> a l’\u00e9 mach restaje un vej pin a arcord\u00e9 ‘l giardin d\u00ebl poeta.<\/span>\u00a0<\/span><\/p>\n

Tavo Burat<\/a><\/span><\/strong><\/p>\n

\u00a0<\/span><\/p>\n

(1)<\/strong><\/span> Saverio Fino, autor \u00ebd la prefassion \u00ebd \u201cMore\u201d, a l’era \u2018d n’\u00e0utra famija, ma \u2018dc\u00f2 chiel a vnis\u00eca da le valade \u2018d Lans.<\/span>
\n(2)<\/span> <\/strong>An famija, as dis ch’a l’era st\u00e0it al servissi d\u00ebl R\u00e8 d\u00eb Spagna, sensa d’\u00e0utre precisassion. Combin ch’a col temp-l\u00e0 \u2018d r\u00e8 dij Spagna a-i n’era pro (Fransesch d’Assisi, \u00f2mo dla regin-a Isabela II; \u00ebl fieul Alfonso XII; ij don Carlos, pretendent carlista) a n’\u00ebsmija che ‘l p\u00ec prob\u00e0bil a fussa franch Medeo \u2018d Sav\u00f2ja-Osta che, tramudandse da Turin a Madrid, a sar\u00e0 pro portasse apress \u00ebd gent \u2018d soa fiusa, \u00ebdc\u00f2 p\u00ebr parleje an piemont\u00e8is…<\/span>
\n(3)<\/strong><\/span> An efet, ant la poes\u00eca \u2018d Rico as peul disse ch’a manca l’ispirassion religiosa; na poes\u00eca \u2018d Pasqua a l’\u00e9 ‘n cant \u00ebd primavera e coma t\u00ectol a l’ha mach tre asterisch a tri\u00e0ngol ch’a la d\u00ebstaco da la\u00a0<\/span>poes\u00eca s\u00ebl carlev\u00e9 (p.87 dle Gri\u00f2te<\/em>). I soma donca ant la tradission broferian-a, o s’i voroma ancor p\u00ec veja, ch\u00e9 ij sentiment religios a s-ciodran peui p\u00ec che tut con \u00ebl C\u00f2sta e con ij Brand\u00e9.<\/span>
\n(4)<\/strong><\/span> R. Gandolfo, ant l’antolog\u00eca La letteratura in Piemontese<\/em>\u00a0a scriv: \u00abNel ’14 un opuscolo, “A mia Lidia, sposa,” fuori commercio\u00bb. An vrit\u00e0 a l’\u00e9 nen na plaquette, ma mach un feuj volant stamp\u00e0 da\u00a0<\/span>Wolf [com a dis giustament la Bibliografia ragionata etc.<\/em>\u00a0d’A. e G.R. Clivio (n.r 2184].
\n<\/span><\/p>\n

\n

\u00a0\u25c4<\/span>\u00a0Mila agn \u00ebd Literatura Piemont\u00e8isa<\/a><\/em><\/strong><\/p>\n

<\/em><\/strong><\/p>\n

\n","protected":false},"excerpt":{"rendered":"

Tavo Burat |\u00a0Musicalbrand\u00e9 N. 89 | Mars 1981\u00a0 La poes\u00eca \u2018d Rico a l\u2019\u00e9 st\u00e0ita apressi\u00e0 com as dev dai presentator dij s\u00f2 l\u00ecber: Corrado Corradino …<\/p>\n

Rico (Lion Fin, 1861-1935), poeta dla famija<\/span> Leggi tutto \u00bb<\/a><\/p>\n","protected":false},"author":2,"featured_media":18527,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[18,9,10],"tags":[],"class_list":["post-31467","post","type-post","status-publish","format-standard","has-post-thumbnail","hentry","category-euvre-literarie","category-literatura-2","category-scritor"],"_links":{"self":[{"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/posts\/31467","targetHints":{"allow":["GET"]}}],"collection":[{"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/posts"}],"about":[{"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/users\/2"}],"replies":[{"embeddable":true,"href":"https:\/\/www.gioventurapiemonteisa.net\/2020\/index.php?rest_route=%2Fwp%2Fv2%2Fcomments&post=31467"}],"version-history":[{"count":0,"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/posts\/31467\/revisions"}],"wp:featuredmedia":[{"embeddable":true,"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/media\/18527"}],"wp:attachment":[{"href":"https:\/\/www.gioventurapiemonteisa.net\/2020\/index.php?rest_route=%2Fwp%2Fv2%2Fmedia&parent=31467"}],"wp:term":[{"taxonomy":"category","embeddable":true,"href":"https:\/\/www.gioventurapiemonteisa.net\/2020\/index.php?rest_route=%2Fwp%2Fv2%2Fcategories&post=31467"},{"taxonomy":"post_tag","embeddable":true,"href":"https:\/\/www.gioventurapiemonteisa.net\/2020\/index.php?rest_route=%2Fwp%2Fv2%2Ftags&post=31467"}],"curies":[{"name":"wp","href":"https:\/\/api.w.org\/{rel}","templated":true}]}}