{"id":3066,"date":"2010-12-28T20:48:15","date_gmt":"2010-12-28T19:48:15","guid":{"rendered":"https:\/\/www.gioventurapiemonteisa.net\/2020\/?p=3066"},"modified":"2010-12-28T20:48:15","modified_gmt":"2010-12-28T19:48:15","slug":"barba-toni-baud-rie","status":"publish","type":"post","link":"https:\/\/www.gioventurapiemonteisa.net\/2020\/?p=3066","title":{"rendered":"Barba T\u00f2ni B\u00e0ud-r\u00ece"},"content":{"rendered":"

\u00abPare, gavne ‘d sa nita, rendne la patria cita,<\/em><\/span><\/strong>
\nla sola, granda, vera, su ‘n t\u00f2 cel, cola dont<\/em><\/span><\/strong>
\na s’arpata m\u00e8 cheur, amont, p\u00ec-a-mont:<\/em><\/span><\/strong>
\nPIAMONT\u00bb<\/em><\/span><\/strong><\/p>\n

\"\"
Barba T\u00f2ni B\u00e0ud-r\u00ece
(Frasso\/Fraisso, 1921 – Coni 1999)<\/figcaption><\/figure>\n

Barba T\u00f2ni B\u00e0ud-r\u00ece – a l\u2019\u00e9 st\u00e0it n\u2019artista dla par\u00f2la ch\u2019a l\u2019ha sav\u00f9 port\u00e9 n\u00f2sta lenga ai livej ij p\u00ec \u00e0ut \u00ebd soe possibilit\u00e0 espressive: ij s\u00f2 scrit a son-o, a danso, a gestisso, a grigno e a pioro con deuit \u00ebl maleur dij pais, dij temp e dle p\u00ebrson-e ch\u2019as na van, an campand n\u2019euj malinconios ma al\u00e9gher (B\u00e0ud-r\u00ece = \u00ebl padron ch\u2019a grigna) vers \u00ebl Siel tutpotent: \u00abChe D\u00e9, che \u00f2m e, p\u00ec che tut, che amis\u00bb.<\/span><\/p>\n

Barba T\u00f2ni, dotor\u00e0 an Litre, poeta e prosador an piemont\u00e8is e an provensal, a l\u2019\u00e9 andass-ne d\u00ebl 1999, an lassand un veuid ch\u2019as sentr\u00e0 p\u00ebr v\u00e0ire an tut Piemont. Antra soe euvre le p\u00ec amportante: <\/span>Solestrelh \u00f2ucitan<\/em> (1971), <\/span>Val d\u2019Inghildon<\/em> (1974), <\/span>Sust <\/em>(1985), <\/span>Dal prim uch a l\u2019aluch<\/em> (2000).<\/span><\/p>\n

\n
\n<\/blockquote>\n

\u00abS\u2019a l\u2019\u00e9 v\u00e8ra che \u2018l Crist a l\u2019\u00e9 vn\u00f9 a port\u00e9 la spa e nen la pas, aut\u00ebrtant la par\u00f2la che a l\u2019ha toc\u00e0 barba T\u00f2ni a lo travaja e a lo tribula motoben \u00ebd p\u00ec \u2018d l\u00f2n che a lo pasia con le g\u00f2j \u00ebd j\u2019\u00e9sit creativ \u00ebd s\u00f2 filosof\u00e9 e \u2018d soe alchim\u00ece po\u00e9tiche.<\/em>
\n\"\"<\/em>An efet serve la par\u00f2la a l\u2019\u00e9 un angagi p\u00ec grev che serve \u2018l travin\u00e9 d\u2019un\u2019arserca est\u00e9tica \u2013 magara \u2018dc\u00f2 fiamenga coma cola \u2018d barba T\u00f2ni: p\u00ebr chiel serve cola par\u00f2la \u2018d vita a l\u2019\u00e9 p\u00ec che tut serve e difende la fe e la vita midema., che mach ij temp \u00ebd la “bestia”. dl\u2019Apocaliss a peulo f\u00e9 arcul\u00e9, dnans \u00ebd l\u2019ultima bataja.<\/em>
\nChi ch\u2019a l\u2019\u00e9 andrinta a le l\u00f2te etnoregionaj a s\u00e0 com a l\u2019\u00e9 mal-f\u00e9 \u2018s bad\u00f2 \u2018d b\u00f2sch verd, e com a l\u2019\u00e9 viaman p\u00ec necessari un angagi ch\u2019a va oltra le poes\u00ece, bele fin ch\u2019it veus, ma ch\u2019a pija decis le stra p\u00ec ard\u00ece: barba T\u00f2ni a l\u2019\u00e9 st\u00e0it un dij prim a capilo, con \u00ebl coragi e l\u2019umilt\u00e0 \u2018d cambi\u00e9 stra cand che le prime sernie a l\u2019han daje p\u00ec d\u2019afel che d\u2019amel, ch\u00ebrsendlo ant soa richisia coltural e etnopol\u00ectica.<\/em>
\n[…] La poes\u00eca \u2018d Bodr\u00ece as b\u00e0utia tra na s\u00f2rta \u2018d panteism d\u00ebl fons dij temp pitur\u00e0 dal cristian\u00e9sim dij pilon (p\u00ec che tut ant le prime cuj\u00ece an lenga d\u2019\u00f2ch) e n\u2019adesion f\u00ebrma e ancreusa a la Cesa (rivaje nen sensa soferensa) e a s\u00f2 magisteri, ch\u2019a l\u2019\u00e9 dc\u00f2 s\u00f2 standal e, p\u00ebr na bela mira, s\u00f2 “manifest” po\u00e9tich. \u00cbd sigur un tema ch\u2019artorna a l\u2019\u00e9 col \u00ebd la spiritualit\u00e0 dl\u2019alp, p\u00ec che tut visand a un “dov\u00e8j esse” e a na montagna m\u00ectica che miraco a l\u2019\u00e9 mai stajre (Shangri-La?) ma che a l\u2019\u00e9 f\u00f2rsa d\u2019atrassion […]\u00bb.<\/em><\/p>\n

Giusep Gor\u00eca<\/span><\/strong><\/a>\u00a0<\/span>|\u00a0<\/em>Musicalbrand\u00e9 n. 110, G<\/span>iugn d\u00ebl 1986<\/em><\/span>\u00a0<\/span><\/p>\n