{"id":30538,"date":"2006-08-15T17:37:36","date_gmt":"2006-08-15T15:37:36","guid":{"rendered":"https:\/\/www.gioventurapiemonteisa.net\/2020\/?p=30538"},"modified":"2018-06-27T12:21:23","modified_gmt":"2018-06-27T10:21:23","slug":"la-reusa-bianca","status":"publish","type":"post","link":"https:\/\/www.gioventurapiemonteisa.net\/2020\/?p=30538","title":{"rendered":"La Reusa Bianca (A Turin a la Reusa Bianca)"},"content":{"rendered":"
\"Turin,
Turin, P\u00f2rta Palass d\u00ebl S\u00e9col XVIII (Ignassi Scl\u00f2pis D\u00ebl Borgh (Turin, 1727-1793)<\/figcaption><\/figure>\n

La Reusa Bianca<\/span><\/h2>\n\n\n\n
\n

A Turin, a la Reusa Bianca<\/strong>
\n i \u00e9 na fija da marid\u00e9.<\/strong><\/p>\n

E soa mama ch’a la penten-a<\/strong>
\n con un pento d’or e d’argent.<\/strong><\/p>\n

L’ha pa ancora fin\u00ec ‘d pentnela<\/strong>
\n che ‘l r\u00e8 ‘d Fransa a l’\u00e9 riv\u00e0 l\u00ec:<\/strong><\/p>\n

\u2500 Ven-o v\u00ebde la v\u00f2stra fija<\/strong>
\n s’i vor\u00e8isse demla a mi.<\/strong><\/p>\n

\u2500 La mia fija a l’\u00e9 picin\u00f2ta,<\/strong>
\n l’\u00e9 pa ‘ncora da marid\u00e9,<\/strong><\/p>\n

e quand ben ch’i la marid\u00e8issa<\/strong>
\n mi a voi i la veuj nen d\u00e9.<\/strong><\/p>\n

Ma s\u00e0 pare a veul maridela,<\/strong>
\n al r\u00e8 ‘d Fransa a la veul d\u00e9.<\/strong><\/p>\n

Fratelino da la fenestra:<\/strong>
\n \u2500 Mare mia, lassela ‘nd\u00e9.<\/strong><\/p>\n<\/td>\n

A l’han ben vestila d\u00eb seda,<\/strong>
\n a caval s’a l’\u00e9 mont\u00e0.<\/strong><\/p>\n

E soa mama da la f\u00ebnestra:<\/strong>
\n \u2500 Drint al mar it pod\u00e8isse nij\u00e9!<\/strong><\/p>\n

Quand l’\u00e9 st\u00e0ita an riva d\u00ebl mar<\/strong>
\n \u00ebl caval comensa a fond\u00e9.<\/strong><\/p>\n

\u2500 Tente, tente, la mia sposeta,<\/strong>
\n a la sela d\u00ebl m\u00e8 caval.<\/strong><\/p>\n

\u2500 \u00d2, p\u00ebr ten-e che mi am ten-a<\/strong>
\n la mia mare a l’ha sentensi\u00e0.<\/strong><\/p>\n

La sentensa d\u00eb la mia mare<\/strong>
\n l’ha da esse la v\u00ebrit\u00e0.<\/strong><\/p>\n

An disend \u00ebste parolin-e<\/strong>
\n ant \u00ebl mar s’a l’\u00e9 sprofond\u00e0.<\/strong><\/p>\n

L’han s\u00ebrcala tre di, tre neuit,<\/strong>
\n bela bionda l’han p\u00ec trov\u00e0.<\/strong><\/p>\n<\/td>\n<\/tr>\n<\/tbody>\n<\/table>\n

Costa a l’\u00e9 la lession p\u00ec completa ‘d na balada antra le\u00a0p\u00ec conoss\u00f9e e che, dal soget, a podr\u00eca fin-a armont\u00e9 a l’Et\u00e0 ‘d Mes. La canson a l’\u00e9 testimoni\u00e0 da la mit\u00e0 dl’Eutsent (La maledizione della Madre<\/em>:\u00a0Nigra 23;\u00a0La bella del re di Francia\u00a0<\/em>– \u00ebl test s\u00ec public\u00e0: Sinigaglia;<\/a>\u00a0Ferraro e v.f.) dc\u00f2 ant l’italia cisalpin-a, an Provensa e fin-a an Inghilt\u00e8ra e Sc\u00f2ssia, bele che soa or\u00ecgin a sia piemont\u00e8isa e che an Piemont a sio goernasse le lession p\u00ec sclinte.<\/p>\n

La survivensa dla mem\u00f2ria d’\u00ebsta balada as d\u00ebv a na rielaborassion, nass\u00f9a an Piemont ai temp \u00ebd la gr\u00f2ssa emigrassion vers la M\u00e9rica an conseguensa a l’unificassion italian-a, Mamma mia dammi cento lire<\/em>,\u00a0intr\u00e0 ant \u00ebl repert\u00f2ri ‘d v\u00e0ire cantant. \u00cbl soget a l’\u00e9 r\u00ebspet\u00e0 dc\u00f2 ant \u00ebl test an italian local, scriv\u00f9 antra ij s\u00e9coj XIX e XX, ma l\u00ec la fija a dzubidiss a la mare nen p\u00ebr spos\u00e9 ‘l r\u00e8 ‘d Fransa o ‘n gen\u00e9rich gentil galant<\/em>, ma p\u00ebr and\u00e9 an M\u00e9rica e, an paga ‘d soa dzubidiensa, a f\u00e0\u00a0l’istessa bruta fin. Costa version neuva an sl’istessa melod\u00eca a l’\u00e9 peui \u00ebntasse ant le lession p\u00ec antiche fin-a a deje na forma ch’a m\u00ebs-cia ansema le doe st\u00f2rie e le doe lenghe.<\/p>\n

La Reusa Bianca<\/em> a l’era n’\u00f2sto a P\u00f2rta Pila (P\u00f2rta Vit\u00f2ria apress la bataja ‘d Turin d\u00ebl 1706) ant l’\u00ecsola ‘d Sant Ignassi (contr\u00e0 Blessia, contr\u00e0 dla Bas\u00eclica, piassa e contr\u00e0 d’Italia – ciam\u00e0 par\u00e8j p\u00ebrch\u00e8 ch’a mnava a la p\u00f2rta dla sit\u00e0 vers l’Italia\u00a0–\u00a0ancheuj via Milan).<\/p>\n

La Reusa Bianca<\/em>\u00a0a l’\u00e9 st\u00e0ita anregistr\u00e0 da v\u00e0ire artista; i arcordoma\u00a0\u00ebl\u00a0Coro La Grangia<\/a> (Canti di montagna del Piemonte<\/em>, 1958),\u00a0Gipo Farassin (Le canson \u00ebd P\u00f2rta Pila 2<\/em>, 1962), \u00ebl c\u00f2ro Edelweiss d\u00ebl CAI \u00ebd Turin (ant j’agn 60),\u00a0Mario Piovano<\/a> (Va canson bela<\/em>, 1973 – ant na version p\u00ec “rom\u00e0ntica”), \u00cbl c\u00f2ro\u00a0La Lusentela<\/a> ‘d Pian\u00ebssa (La bela al mulin<\/em>,\u00a01999) e ‘l nissard C\u00f2rou de Berra<\/a> (Peluenia<\/em>, 1991).<\/p>\n