{"id":29278,"date":"2016-02-18T21:39:18","date_gmt":"2016-02-18T20:39:18","guid":{"rendered":"https:\/\/www.gioventurapiemonteisa.net\/2020\/?p=29278"},"modified":"2016-02-18T21:39:18","modified_gmt":"2016-02-18T20:39:18","slug":"litalia-ladra-a-massa-piemonteis-ancheuj","status":"publish","type":"post","link":"https:\/\/www.gioventurapiemonteisa.net\/2020\/?p=29278","title":{"rendered":"L'italia, \u00ebl pais dij l\u00e0der, a massa "Piemont\u00e8is Ancheuj""},"content":{"rendered":"

\"cotl\u00e0\"<\/a><\/p>\n

Editorial d\u00ebl m\u00e8is \u00ebd Gen\u00e9 <\/em><\/p>\n

Il paese della stupidit\u00e0 contro le riviste piemontesi<\/strong><\/em><\/p>\n

NA COTL\u00c0 A LA SCHIN-A<\/p>\n

Amis e amise ch\u2019i lese Piemont\u00e8is Ancheuj a l\u2019\u00e9 pr\u00f2pi con un gr\u00f2ss magon ch\u2019i soma s\u00ec a scrive coste righe.<\/p>\n

I l\u2019avreve gi\u00e0 cap\u00ec dal tard\u00e9 \u2019d cost n\u00f9mer e da la forma con la qual as presenta a v\u00f2stra letura, ch\u2019a l\u2019\u00e9 capitaje quaic\u00f2s. I sareve \u2019dc\u00f2 ancorsuve che \u2019nt \u00ebl n\u00f9mer d\u00eb dz\u00e8mber a mancava \u2019l boletin \u00ebd cont corent postal p\u00ebr arnov\u00e9 l\u2019abonament. A l\u2019\u00e9 st\u00e0ita na mesa d\u00ebsmentia che tutun a veul march\u00e9 col moment grev ch\u2019a smijava ch\u2019i sent\u00e8isso an ariv. Ebin adess\u00a0 i soma s\u00ec a conteve, con la p\u00ec granda sincerit\u00e0 poss\u00ecbil, coj ch\u2019a son j\u2019aveniment ch\u2019a stan dar\u00e9 a la situassion atual.<\/p>\n

An rincress d\u2019esse un p\u00f2ch longh e miraco fin-a nojos, ma tant a l\u2019\u00e9 ch\u2019a venta nen \u00ebst\u00ebrm\u00e9 gnente p\u00ebr dimostr\u00e9 n\u00f2stra bon-a f\u00e9, onest\u00e0 \u2019nt \u00ebl masent\u00e9 e n\u00f2stra bon-a volont\u00e0.<\/p>\n

Piemont\u00e8is Ancheuj a l\u2019\u00e9 na publicassion ch\u2019a esist da dz\u00e8mber d\u00ebl 1982 e a l\u2019\u00e9 nass\u00f9a su inissiativa \u2019d n\u00f2str mag\u00ecster Camillo Brero, ancheuj Pressident Onorari, coma vos d\u00ebl Piemont piemont\u00e8is e dl\u2019Associassion \u00abCentro Studi Don Minzoni – Ca d\u00eb Studi Pinin Pac\u00f2t\u00bb, fond\u00e0 da Brero con d\u2019\u00e0utri s\u00f2cio e dla qual a l\u2019\u00e9 st\u00e0ita registr\u00e0 l\u2019\u00f9ltima version \u00ebd l\u00eb stat\u00f9t ant \u00ebl 2003. Pr\u00f2pi coma ch\u2019a l\u2019\u00e9 specific\u00e0 \u2019nt l\u00eb stat\u00f9t, miraco con \u00ebd par\u00f2le ch\u2019a venta lese da bin ma a l\u2019\u00e9 scrit, minca s\u00f2cio dl\u2019Associassion a l\u2019ha \u2019l drit d\u2019ars\u00e8ive an omagi \u2019l giornal. La qualifica \u2019d s\u00f2cio as oten pagand un cotis ch\u2019a l\u2019\u00e9 col che tuti voj\u00e0utri i paghe sota forma d\u2019abonament. Costa qualifica \u2019d s\u00f2cio as oten, an manera autom\u00e0tica, pagand \u00ebl cotis\/abonament, ciamelo coma ch\u2019av pias, e as perd quand ch\u2019as paga p\u00ec nen. An par\u00f2le sempie tuti j\u2019abon\u00e0 a son s\u00f2cio fin-a a quand ch\u2019a pago l\u2019abonament e a l\u2019\u00e9 nen necessari present\u00e9 na litra \u2019d disdeta o d\u2019\u00e0utr.<\/p>\n

\u00cbl \u00abCentro Studi Don Minzoni – Ca d\u00eb Studi Pinin Pac\u00f2t\u00bb, p\u00ebr vive e p\u00ebr publich\u00e9 Piemont\u00e8is Ancheuj a l\u2019ha d\u00eb sp\u00e8ise da sosten-e (afit \u00ebd la sede, stampa d\u00ebl giornal, sp\u00e8ise postaj p\u00ebr \u00ebspedilo, sp\u00e8ise \u2019d cartoler\u00eca p\u00ebr i materiaj \u00ebd consum e via f\u00f2rt) ch\u2019a paga regolarment, coma ch\u2019a l\u2019ha s\u00e8mper pag\u00e0, p\u00ebr coat\u00e9 le fature ch\u2019a ven-o f\u00e0ite dai fornitor dij servissi e dij materiaj. Le fature a fan arferiment a la Part\u00eca IVA dl\u2019Associassion, ch\u2019a paga donca costa taja coma tuti a fan (o almeno a dovr\u00eco f\u00e9 s\u2019a fusso tuti onest) an cost pais balarin ciam\u00e0 Italia.<\/p>\n

An costi ani pass\u00e0, coma ch\u2019a fan tante societ\u00e0, \u00ebl \u00abCentro Studi Don Minzoni – Ca d\u00eb Studi Pinin Pac\u00f2t\u00bb a l\u2019ha s\u00e8mper usufru\u00ec dla possibilit\u00e0 \u2019d ciam\u00e9 un rimbors \u00ebd costa taja e l\u2019ent prep\u00f2st, che ancheuj as ciama Agens\u00eca dj\u2019Intrade (intrade soe e surt\u00ece dj\u2019\u00e0utri), a l\u2019ha paganlo con \u00ebd valor ch\u2019a cambiavo vira p\u00ebr vira, ma sensa gnun-a d\u00ebscussion, inchiesta o arcesta particolar. Costi s\u00f2ld a son s\u00e8mper fin\u00ec dovr\u00e0 p\u00ebr tir\u00e9 anans la b\u00e0rziga e pagh\u00e9 le sp\u00e8ise corente dl\u2019Associassion.<\/p>\n

Ant j\u2019ani pass\u00e0, da gi\u00e0 che mach ij cotis dij s\u00f2cio abon\u00e0 (che p\u00ebr esse ci\u00e0ir a son meno che dosent, coj ch\u2019a pago regolarment e se a fusso almanch sent \u00ebd p\u00ec i l\u2019avr\u00eco tut l\u00f2n ch\u2019an serv) a bastavo nen p\u00ebr coat\u00e9 tute le sp\u00e8ise, a l\u2019\u00e9 s\u00e8mper arcorusse a j\u2019agiut da f\u00f2ra e visad\u00ec a j\u2019istitussion p\u00f9bliche e priv\u00e0, dzorp\u00ec \u2019d cole donassion che qu\u00e0ich s\u00f2cio o amis a fas\u00eca al \u00abCentro Studi Don Minzoni – Ca d\u00eb Studi Pinin Pac\u00f2t\u00bb. A c\u00f2st \u00f9ltim prop\u00f2sit i l\u2019avreve vist che normalment, ant ij prim m\u00e8is \u00ebd l\u2019ann, an s\u00ebl giornal as v\u00ebdd\u00eca \u2019l quadr\u00e8t color\u00e0 con ij ringrassiament a j\u2019amis ch\u2019an giutavo oltra a l\u2019abonament.<\/p>\n

La Region Piemont a l\u2019\u00e9 st\u00e0ita, fin-a al 2009, un dij sostenitor p\u00ec vajant \u00ebd n\u00f2stra ativit\u00e0, ma dal 2010 tut a l\u2019\u00e9 chit\u00e0. It veule p\u00ebr la crisi, it veule p\u00ebr la mancansa \u2019d na vera lej regional ch\u2019a pod\u00e8issa guern\u00e9 \u2019l piemont\u00e8is e and\u00e9 contra a cola ch\u2019a l\u2019\u00e9 la legislassion nassional, it veule p\u00ebr la mancansa \u2019d volont\u00e0 \u2019d vard\u00e9 a le c\u00f2se dla n\u00f2stra coltura e nen mach a la dif\u00e8isa d\u00ebl cadreghin, f\u00e0it a st\u00e0 che a l\u2019\u00e9 p\u00ec nen rivaje gnente.<\/p>\n

D\u2019\u00e0utri agiut, ma mach p\u00ebr \u00ebd proget s\u00ecngoj coma la publicassion \u00ebd l\u2019Armanach dij Brand\u00e9 e l\u00eb svolgiment dij Concors \u00ebd Piemont\u00e8is Ancheuj, a son riv\u00e0 p\u00ebr un p\u00f2ch d\u2019ani da part d\u00ebl Cons\u00e8j Regional d\u00ebl Piemont che nop\u00e0 a l\u2019ha mai d\u00e0it gnente p\u00ebr \u00ebl giornal, s\u00f2n p\u00ebr ij s\u00f2 regolament.<\/p>\n

Quand ch\u2019a l\u2019ha chit\u00e0 la Region a l\u2019\u00e9 anandiasse la stra dla Provinsa \u2019d Turin (ancheuj Sit\u00e0 Metropolitan-a \u2019d Turin). Ambelel\u00ec la problem\u00e0tica d\u2019av\u00e8j na considerassion, vist che lor a ten\u00eco man mach a cole lenghe minoritarie ch\u2019a son arconoss\u00f9e a la t\u00f9a da l\u00eb stat italian (Provensal alpin, Ocitan, Franch-provensal e Walser), a l\u2019\u00e9 st\u00e0ita super\u00e0 modificand l\u2019intestassion d\u00ebl giornal e dovrand la dicitura \u00abant le lenghe d\u00ebl Piemont\u00bb e sensa specifich\u00e9 mach \u00ebl Piemont\u00e8is. Con \u00ebl cambiament \u00ebd l\u2019organisassion da Provinsa \u2019d Turin a Sit\u00e0 Metropolitan-a a l\u2019\u00e9 staje n\u2019interussion dij contrib\u00f9 che, pr\u00f2pi adess i pensavo \u2019d torna ciam\u00e9, ma i l\u2019oma ten\u00f9 ferm \u00ebl tut p\u00ebr ij motiv ch\u2019i andoma a spiegheve p\u00ec anans.<\/p>\n

\u00d9ltima benefatriss d\u00ebl \u00abCentro Studi Don Minzoni – Ca d\u00eb Studi Pinin Pac\u00f2t\u00bb a l\u2019\u00e9 st\u00e0ita la Fondassion \u00abCassa di Risparmio di Torino\u00bb, che tutun a l\u2019ha dane na man fin-a al 2014 e peui a l\u2019\u00e9 chit\u00e0 \u2019dc\u00f2 chila, sensa ch\u2019i na sapio \u2019l motiv da gi\u00e0 che la negassion \u00ebd l\u2019agiut a ven mai spieg\u00e0, al di d\u2019ancheuj as va mach p\u00ec anans con le c\u00f2se inform\u00e0tiche sensa parl\u00e9 con \u00ebd p\u00ebrson-e an cicin e \u00f2ss.<\/p>\n

Coms\u00eca, fasend le furm\u00ece e nen le siale, i j\u2019ero riuss\u00ec a but\u00e9 da part \u00ebl necessari p\u00ebr survive con la publicassion p\u00ebr tut \u00ebl 2015 e \u2019l 2016. Ant la carz\u00e0 d\u00ebl f\u00e9 econom\u00eca, vist \u00ebdc\u00f2 j\u2019arsult\u00e0 dle v\u00e8ndite d\u00ebl 2015 ch\u2019a l\u2019av\u00eco nen coat\u00e0 le sp\u00e8ise, a l\u2019era fasse st\u2019otogn la sernia dolorosa \u2019d nen publich\u00e9 l\u2019Armanach dij Brand\u00e9 p\u00ebr \u00ebl 2016.<\/p>\n

Pr\u00f2pi p\u00ebr ten-e bon con costa congiuntura, ant \u00ebl 2014, i l\u2019av\u00eco mand\u00e0 anans l\u2019arcesta d\u00ebl rimbors \u00ebd l\u2019IVA pag\u00e0, vist che l\u00f2n ch\u2019i l\u2019av\u00eco gi\u00e0 pagane a l\u2019era na bela cifra. A la fin a l\u2019\u00e9 rivane, sensa ch\u2019a n\u00eb vn\u00e8isso f\u00e0ite \u2019d domande o d\u2019arceste d\u00eb spiegassion o \u2019d documentassion, tut \u00ebl rimbors ciam\u00e0 e s\u00f2n a l\u2019av\u00eca fin-a lassane na frisa stup\u00ec vist ij temp \u00ebd la crisi generala. Belavans, a parte dal m\u00e8is \u00ebd f\u00ebrv\u00e9 d\u00ebl 2015, a l\u2019han ancamin\u00e0 a riv\u00e9 d\u2019arceste da part \u00ebd cola famosa Agens\u00eca dj\u2019Intrade p\u00ebr av\u00e8j d\u2019informassion an m\u00e9rit al \u00abCentro Studi Don Minzoni – Ca d\u00eb Studi Pinin Pac\u00f2t\u00bb, a soa ativit\u00e0 e an sij contrib\u00f9 arseiv\u00f9 \u2019nt j\u00f9ltim sinch ani. Tut l\u00f2n ch\u2019a l\u2019han ciam\u00e0 a l\u2019\u00e9 st\u00e0it mand\u00e0 p\u00ebr mojen \u00ebd n\u00f2str comercialista.<\/p>\n

A l\u2019\u00e9 andasse anans con cost tira e m\u00f2la fin-a a la fin \u00ebd giugn, quand che ansema a j\u2019\u00e0utri pap\u00e9 i l\u2019oma mandaje \u2019dc\u00f2 l\u00eb stat\u00f9t e l\u2019at costitutiv d\u00ebl \u00abCentro Studi Don Minzoni – Ca d\u00eb Studi Pinin Pac\u00f2t\u00bb. Peui p\u00ec gnente. Silensi total e noi i poponavo gi\u00e0 \u2019l pens\u00e9 che tut a fussa fin\u00ec par\u00e8j. Nop\u00e0 la cotl\u00e0 \u2019nt la schin-a a l\u2019era pronta a riv\u00e9 e a l\u2019\u00e9 riv\u00e0 pr\u00f2pi qu\u00e0ich di anans d\u00ebl Natal 2015. Un bel cad\u00f2, gnente da d\u00ec.<\/p>\n

La litra dl\u2019Agensia dj\u2019Intrade, con tuti j\u2019arferiment ai decret e a le lej anmagin\u00e0bij, an dis\u00eca, an par\u00f2le p\u00f2vre che noi i l\u2019av\u00eco ciam\u00e0 \u2019l rimbors \u00ebd l\u2019IVA sensa che s\u00f2n a fussa \u2019nt ij n\u00f2stri drit. Nen mach, ma noi i l\u2019av\u00eco ciamalo \u2019dc\u00f2 \u2019nt \u00ebl 2010 e donca ancora \u2019d p\u00ec delinquent.<\/p>\n

La l\u00f2gica comun-a a far\u00eca pens\u00e9 che quand che mi i ciamo na r\u00f2ba ch\u2019a m\u00eb speta nen la risp\u00f2sta p\u00ec preved\u00ecbila a sia un: \u00abn\u00f2, it la dago nen p\u00ebrch\u00e8 a t\u00eb speta nen\u00bb. S\u00f2n a sar\u00eca l\u00f2gich s\u2019i viv\u00e8isso \u2019nt un mond normal e nen ant un pais dij falabrach. Da gi\u00e0 che l\u2019Italia a l\u2019\u00e9 l\u00eb stat dij l\u00e0der, i veule nen che a s\u2019anvento un sistema p\u00ebr rob\u00e9 ai p\u00f2ver p\u00ebr d\u00e9 a j\u00eb sgnor, che an cost cas a sar\u00eco coj ch\u2019a comando la baraca dij buratin? Ebin la facenda a fonsion-a par\u00e8j: mi i ciamo \u2019l rimbors e se, p\u00ebr ignoransa o bon-a f\u00e9, a m\u00eb speta nen (p\u00ebrch\u00e8 lor a l\u2019han cambi\u00e0 le r\u00e9gole coma ch\u2019a-j pias) am lo dan l\u2019istess. Se peui am va bin tut a finiss ambelel\u00ec e mi im ten-o ij s\u00f2ld e i savrai mai ch\u2019a m\u00eb spetavo nen da gi\u00e0 che gnun am dis gnente. Se nop\u00e0 la cifra ch\u2019am dan a supera un cert n\u00f9mer (va a sav\u00e8j qual ch\u2019a l\u2019\u00e9) alora a scato ij contr\u00f2j, coj ch\u2019a l\u2019han f\u00e0it ant ij n\u00f2stri confront ant \u00ebl 2015, ma \u2019l tut s\u00e8mper sensa parl\u00e9 diretament con l\u2019interess\u00e0, s\u00e8mper p\u00ebr litra o p\u00ebr e-mail.<\/p>\n

A la fin \u00ebd l\u2019istrut\u00f2ria, col brav fonsionari che, varda mach che combinassion a l\u2019\u00e9 nen piemont\u00e8is ma giargian\u00e8is, a trasm\u00ebt l\u2019arcesta \u2019d restitussion. Ma a finiss nen l\u00ec p\u00ebrch\u00e8 \u2019nt \u00ebl mentre a l\u2019\u00e9 passaje n\u2019ann antregh e donca ciamomje \u2019dc\u00f2 j\u2019interessi, par\u00e8j la supa a ven p\u00ec bondosa. Vist ch\u2019a l\u2019\u00e9 an bal e ch\u2019a l\u2019\u00e9 pistin e\u00a0 pontual, a varda \u2019dc\u00f2 andarera \u2019d sinch ani, coma che la lej a-j consent. E l\u00ec, fasend un s\u00e0ut \u00ebd g\u00f2j pura, as n\u2019antaja che gi\u00e0 quatr ani anans a l\u2019era st\u00e0it conced\u00f9 un rimbors \u00ebd l\u2019IVA a col \u00abCentro Studi Don Minzoni – Ca d\u00eb Studi Pinin Pac\u00f2t\u00bb ch\u2019a podr\u00eca esse na congregassion d\u2019evasor dij p\u00ec f\u00f2rt al mond.<\/p>\n

P\u00ebr deje la gionta dla bonaman a ven \u2019dc\u00f2 calcol\u00e0 na multa p\u00ebr nen av\u00e8j ten\u00f9 na dobia contabilit\u00e0 p\u00ebr la part comerciala. Darmagi che \u2019l \u00abCentro Studi Don Minzoni – Ca d\u00eb Studi Pinin Pac\u00f2t\u00bb a l\u2019abia mai f\u00e0it \u00ebd comersi. La motivassion a l\u2019\u00e9 s\u00ec tant angavign\u00e0 che p\u00ebr capila a-i va na bi\u00f2ca p\u00ec che fin-a. La spiegassion, s\u2019i riesso a capila a l\u2019\u00e9 costa, tenive f\u00f2rt: ij rimbors \u00ebd l\u2019IVA, second un decret che gnun \u00ebd noi a conoss\u00eca, a speto mach a chi ch\u2019a sv\u00f2lgg n\u2019ativit\u00e0 comerciala e se \u2019l \u00abCentro Studi Don Minzoni – Ca d\u00eb Studi Pinin Pac\u00f2t\u00bb a l\u2019ha ciamalo a deuv esse (suposission soa nen document\u00e0 da gnente) ch\u2019a fasa cost comersi p\u00ebr \u00ebl qual a l\u2019ha nen ten\u00f9 la giusta registrassion e alora fomje na multa.<\/p>\n

A part tute le convulsion mentaj ch\u2019i peusso f\u00e9 a resta \u2019l f\u00e0it che an ciamo \u2019d pagh\u00e9 (sensa gnanca dene la ratealisassion) la bl\u00ebssa \u2019d 10.482,1 \u20ac!<\/p>\n

\u00cbl \u00abCentro Studi Don Minzoni – Ca d\u00eb Studi Pinin Pac\u00f2t\u00bb a l\u2019ha nen tuti costi s\u00f2ld e mach dovrand\u00a0 j\u2019abonament gi\u00e0 arseiv\u00f9 p\u00ebr \u00ebl 2016 a podr\u00eca riv\u00e9 a cola cifra. An costa manera la cassia a rester\u00eca d\u00ebl tut veuida.<\/p>\n

P\u00ebr prov\u00e9 a fesse n\u00f2stre rason i soma gi\u00e0 and\u00e0it a trov\u00e9 ij mons\u00f9 e le sgnore dl\u2019Agens\u00eca dj\u2019Intrade e l\u00ec i l\u2019oma serc\u00e0 \u2019d feje cap\u00ec anans \u00ebd tut n\u00f2stra bon-a f\u00e9 e la mancansa total \u00ebd volont\u00e0 \u2019d rob\u00e9 o fesse d\u00e9 \u2019d c\u00f2se ch\u2019a n\u00eb speto nen. I l\u2019oma spiegaje ch\u2019i soma n\u2019associassion sensa but \u00ebd vagn e ch\u2019i foma gnun comersi e l\u00f2n ch\u2019a l\u2019\u00e9 capit\u00e0 a l\u2019\u00e9 mach p\u00ebr l\u2019ignoransa \u2019d cola r\u00e9gola ch\u2019a veul nen ch\u2019i l\u2019abio ij rimbors \u00ebd l\u2019IVA, ch\u2019i s\u00eb sbatoma p\u00ebr f\u00e9 vive coste inissiative e coste publicassion an lenga piemont\u00e8isa e che soens e spess i-i giontoma \u2019d n\u00f2stra sac\u00f2cia. Coms\u00eca le lej a son cole e adess i spetoma mach \u00ebd sav\u00e8j se an concedran n\u2019agreman o n\u00eb scont. L\u2019alternativa a sar\u00eca mach cola \u2019d sar\u00e9 baraca e buratin, ma nen sensa prima av\u00e8j prov\u00e0 tute le stra p\u00ebr seurte da costa situassion, compr\u00e8is \u00ebl ciam\u00e9 al comercialista, ch\u2019a l\u2019ha nen sav\u00f9 dene ij giust cons\u00e8j, \u00ebl pagament \u00ebd la multa e dj\u2019interessi. Fin-a al moment ch\u2019i scrivoma la risp\u00f2sta a l\u2019\u00e9 ancor nen riv\u00e0 e donca i soma al pian dij babi.<\/p>\n

Sincerament i sav\u00eco nen c\u00f2s f\u00e9, ma i pod\u00eco nen lasseve tuti sensa na spiegassion e alora i l\u2019oma decid\u00f9 \u2019d publich\u00e9 cost n\u00f9mer \u00ebd Piemont\u00e8is Ancheuj, tut an bianch e n\u00e8ir p\u00ebr risparmi\u00e9 \u2019l p\u00ec poss\u00ecbil, e dive cola ch\u2019a l\u2019\u00e9 la situassion e la n\u00f2stra risp\u00f2sta a chi ch\u2019a veul crasene. La fiusa a l\u2019\u00e9 cola \u2019d pod\u00e8j torn\u00e9 a esse tut coma prima.<\/p>\n

Coms\u00eca noi i voroma sper\u00e9 an v\u00f2stra comprension e i soma\u00a0 disp\u00f2st a continu\u00e9 fin-a ch\u2019as peul con cost giornal se voj\u00e0utri i vorereve giutene, an prima manera arnovand an pressa l\u2019abonament e, se quaidun al l\u2019ha an cheur, \u00ebdc\u00f2 con n\u2019agiut an p\u00ec. Costa a l\u2019\u00e9 l\u2019\u00f9nica condission p\u00ebr pod\u00e8j and\u00e9 anans fin-a ch\u2019a-i saran \u00ebd s\u00f2ld p\u00ebr pagh\u00e9 ij fornitor e la p\u00f2sta. Da part n\u00f2stra, se i l\u2019avroma la cert\u00ebssa ch\u2019i-j ten-e a f\u00e9 vive sia l\u2019Associassion che \u2019l giornal, i torneroma a and\u00e9 a tabuss\u00e9 a tuti j\u2019uss p\u00ebr av\u00e8j qu\u00e0ich contrib\u00f9 ch\u2019an fasa sovravive.<\/p>\n

La redassion, \u00ebl pressident e tuti coj che an costi ani a son angagiasse an tute le manere p\u00ebr seguit\u00e9 costa inissiativa piemont\u00e8isa, a son ij prim a d\u00ec mers\u00ec a chi, ant j\u2019ani pass\u00e0, a l\u2019ha f\u00e0it l\u2019abonament e par\u00e8j a l\u2019ha d\u00e0it s\u00f2 contrib\u00f9, e adess a ch\u00ebrdr\u00e0 a n\u00f2stra sincerit\u00e0 e bon-a volont\u00e0 \u2019d nen meuire an costa manera.<\/p>\n

Noi conossoma nen \u00ebl doman, ma i l\u2019oma bin ci\u00e0ir n\u00f2str dover ant ij confront d\u00ebl Piemont san e \u2019d soa coltura e donca a podr\u00eca \u2019dc\u00f2 capit\u00e9 ch\u2019a interven-o qu\u00e0ich cambiament ant la forma e \u2019nt l\u2019intestassion d\u00ebl giornal, se s\u00f2n a servir\u00e0 p\u00ebr ten-e lontan coj ravass ch\u2019a veulo ciucene \u2019l sangh. Coms\u00eca l\u00eb sp\u00ecrit e ij prinsipi a cambieran nen fin-a ch\u2019i l\u2019avroma na stissa \u2019d fi\u00e0 e \u2019d sangh p\u00ebr combate n\u00f2stra gu\u00e8ra.<\/p>\n

Diversament, se ij n\u00f2stri amis an lasseran soj, i restroma nech e con un fot grev a coatene l\u2019\u00e0nima e l\u00eb sp\u00ecrit, ma tutun sigur ant ij n\u00f2stri cheur e an n\u00f2stre consiense, d\u2019av\u00e8j f\u00e0it tut l\u00f2n ch\u2019i j\u2019ero bon a f\u00e9 p\u00ebrch\u00e8 la fiama dij Brand\u00e9 a s\u00eb smort\u00e8issa nen.<\/p>\n

Un salut a tuti con la fiusa ch\u2019a sia nen n\u2019adieu.<\/p>\n

La redassion<\/p>\n","protected":false},"excerpt":{"rendered":"

Editorial d\u00ebl m\u00e8is \u00ebd Gen\u00e9 Il paese della stupidit\u00e0 contro le riviste piemontesi NA COTL\u00c0 A LA SCHIN-A Amis e amise ch\u2019i lese Piemont\u00e8is Ancheuj a …<\/p>\n

L'italia, \u00ebl pais dij l\u00e0der, a massa "Piemont\u00e8is Ancheuj"<\/span> Leggi tutto \u00bb<\/a><\/p>\n","protected":false},"author":2,"featured_media":5627,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[16],"tags":[3],"class_list":["post-29278","post","type-post","status-publish","format-standard","has-post-thumbnail","hentry","category-archivi-dle-neuve","tag-news"],"_links":{"self":[{"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/posts\/29278","targetHints":{"allow":["GET"]}}],"collection":[{"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/posts"}],"about":[{"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/users\/2"}],"replies":[{"embeddable":true,"href":"https:\/\/www.gioventurapiemonteisa.net\/2020\/index.php?rest_route=%2Fwp%2Fv2%2Fcomments&post=29278"}],"version-history":[{"count":0,"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/posts\/29278\/revisions"}],"wp:featuredmedia":[{"embeddable":true,"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/media\/5627"}],"wp:attachment":[{"href":"https:\/\/www.gioventurapiemonteisa.net\/2020\/index.php?rest_route=%2Fwp%2Fv2%2Fmedia&parent=29278"}],"wp:term":[{"taxonomy":"category","embeddable":true,"href":"https:\/\/www.gioventurapiemonteisa.net\/2020\/index.php?rest_route=%2Fwp%2Fv2%2Fcategories&post=29278"},{"taxonomy":"post_tag","embeddable":true,"href":"https:\/\/www.gioventurapiemonteisa.net\/2020\/index.php?rest_route=%2Fwp%2Fv2%2Ftags&post=29278"}],"curies":[{"name":"wp","href":"https:\/\/api.w.org\/{rel}","templated":true}]}}