{"id":24685,"date":"2013-12-31T14:40:51","date_gmt":"2013-12-31T13:40:51","guid":{"rendered":"https:\/\/www.gioventurapiemonteisa.net\/2020\/?p=24685"},"modified":"2013-12-31T14:40:51","modified_gmt":"2013-12-31T13:40:51","slug":"el-testament-del-marches-ed-salusse-1528-29","status":"publish","type":"post","link":"https:\/\/www.gioventurapiemonteisa.net\/2020\/?p=24685","title":{"rendered":"\u00cbl testament d\u00ebl marches \u00ebd Salusse (1528-'29)"},"content":{"rendered":"
\"\"
\u00cbl bust d\u00ebl marches Michel-Ant\u00f2ni
‘d Salusse an sla tomba a l’Aracoeli
(Alinari, anv. 1890)<\/figcaption><\/figure>\n

Canson d\u00ebl Sincsent ch\u2019a conta j\u2019\u00f9ltime ore \u2018d vita d\u00ebl Marches Mich\u00e9l-Ant\u00f2ni \u2018d Salusse (1495-1528), public\u00e0 la prima v\u00f2ta da Costantin Nigra d\u00ebl 1858.<\/span>
\n\u00a0<\/span>
\nMich\u00e9l-Ant\u00f2ni, cont \u00ebd Carmagn\u00f2la, peui ond\u00e9cim marches \u00ebd Salusse, fieul \u00ebd Ludvich II e \u2018d Margarita \u2018d Foix, a l\u2019era n\u00e0 ai 26 \u00ebd mars d\u00ebl 1495. A l\u2019av\u00eca ardit\u00e0 \u2018l Marches\u00e0 d\u00ebl 1504 ch\u2019a l\u2019era na masn\u00e0 e, a s\u00f2 p\u00f2st, da prinsipi a l\u2019av\u00eca govern\u00e0 soa mare, na fomna grimpeura e dal cheur \u00ebd pera. An coj temp Salusse a l\u2019era za an d\u00ebscadensa e ant la condission d\u00eb Stat sat\u00e9lit \u00ebd la Fransa.<\/span>
\n\u00a0<\/span>
\nLuis XII \u00ebd Fransa a l\u2019av\u00eca falo governador d\u2019Ast a d\u00f3d\u00ebs agn, e a quat\u00f2rdes a l\u2019era za con chiel a la gu\u00e8ra dla Lija \u2018d Cambrai contra la Seren\u00ecssima peui, d\u00ebl 1512, ali\u00e0 \u2018d costa-s\u00ec.\u00a0<\/span>D\u00ebl 1513 ij mersenari sv\u00ecsser dla Lija Santa, ch\u2019a tnis\u00eco Noara p\u00ebr cont \u00ebd j\u00eb Sforza, a l\u2019av\u00eco sb\u00ebrgiair\u00e0 ij Frans\u00e8is e coruje dapress fin-a a Digion, amponend \u00ebd gr\u00f2sse contribussion \u00ebd gu\u00e8ra a tute le sit\u00e0 andova ch\u2019a passavo e mnassand \u00ebd port\u00e9 la gu\u00e8ra a Salusse s\u2019a l\u2019av\u00e8issa nen viraje le spale a la Fransa. Mont\u00e0 an s\u00ebl tr\u00f2no \u2018d Fransa Fransesch I e t\u00f2st pront a invade la Lombard\u00eca, j\u2019\u00cbsv\u00ecsser, ch\u2019a j\u2019ero prontasse a la gu\u00e8ra an Piemont, a l\u2019av\u00eco ocup\u00e0 Salusse p\u00ebr tre m\u00e8is e sach\u00ebzz\u00e0 \u2018l castel, an c\u00e0usa a l\u2019arfud \u00ebd Margarita \u00ebd dej-je n\u2019agiut. Pronta l\u2019arvangia dij Frans\u00e8is, ch\u2019a rivr\u00e0 al moment bon con la gran vit\u00f2ria \u2018d Marignan (1515) andova che Mich\u00e9l-Ant\u00f2ni a comandava na part \u00ebd la vanguardia frans\u00e8isa.<\/span>\u00a0<\/span><\/p>\n

\"\"<\/a>
\u00cbl Marches\u00e0 ‘d Salusse. Stat nass\u00f9 d\u00ebl 1142,
d\u00ebl 1548 a sar\u00e0 an\u00ebtt\u00f9 a la Fransa e dal 1601
a far\u00e0 part \u00ebd j’\u00cbstat \u00ebd Sav\u00f2ja.<\/figcaption><\/figure>\n

Vn\u00f9 luctenent general \u00ebd l\u2019armeja frans\u00e8isa ant l\u2019Italia, a l\u2019av\u00eca combat\u00f9 tute le gu\u00e8re a randa \u2018d Fransesch I fin-a a la d\u00ebrota \u2018d Pav\u00eca (1525), andova che fin-a \u2018l r\u00e8 a l\u2019era st\u00e0it pij\u00e0 p\u00ebrzon\u00e9. Salusse a l\u2019era adonch tav\u00f2ta tac\u00e0 dai nimis \u00ebd la Fransa e tute ste bataje a l\u2019av\u00eco dc\u00f2 port\u00e0 la pest. Margarita a l\u2019era scap\u00e0 an Fransa, Mich\u00e9l-Ant\u00f2ni a l\u2019av\u00eca argionzula bele-l\u00e0, ma cand d\u00ebl 1526 a Salusse a l\u2019era tornaje la pas, chiel a l\u2019av\u00eca p\u00ec nen pod\u00f9 rantr\u00e9, coma ch\u2019a restava al servissi dla resiora \u2018d Fransa Luisa \u2018d Sav\u00f2ja, mare d\u00ebl r\u00e8.<\/span>
\n\u00a0<\/span>
\nA Salusse a l\u2019era torn\u00e0 mach Margarita \u2018d Foix, stabiliend na pol\u00ectica tuta frans\u00e8isa ch\u2019a trovr\u00e0 l\u2019oposission \u00ebd s\u00f2 sgond fieul Gioann-Ludvich, rangiasse da la part \u00ebd j\u2019\u00cbspagneuj; chila a l\u2019av\u00eca falo pass\u00e9 p\u00ebr f\u00f2l e saralo p\u00ebr tre agn andrinta \u2018l Castel \u00ebd V\u00ebrzeul<\/strong><\/a>. Gioann-Ludvich a sar\u00e0 d\u00ebsareit\u00e0 da Mich\u00e9l-Ant\u00f2ni a l\u2019\u00f9ltima ora a pro d\u00ebl ters fieul, s\u00f2 frel Fransesch. Tut \u00ebs ghignon andrinta la famija dij marches \u00ebd Salusse a portr\u00e0 t\u00f2st a soa ruin-a e a la fin \u00ebd l\u2019\u00cbstat.<\/span>
\n\u00a0<\/span>
\nPen-a liber\u00e0, Fransesch I a l\u2019av\u00eca torna tac\u00e0 j\u2019amperiaj an Italia, mandand Mich\u00e9l-Ant\u00f2ni \u2018d Salusse a la testa \u2018d sesmila sold\u00e0 frans\u00e8is e saluss\u00e8is, conchistand na part d\u00ebl Milan\u00e8is, Piasensa, Bol\u00f2gna, Fiorensa e, d\u00ebl 1528, pontand vers N\u00e0poli al comand d\u00ebl general Lautrec.<\/span>
\nMa l\u2019assedi a l\u2019era and\u00e0it malament: Lautrec a l’av\u00eca falisse d\u00eb strateg\u00eca, l\u2019armeja a pat\u00eca \u2018l clima, ij contagg a s\u2019\u00ebspantiavo, ij sold\u00e0 a muir\u00eco, a la fin a l’era m\u00f2rtje dc\u00f2 Lautrec midem. La situassion pass\u00e0 ant le man d\u00ebl marches Mich\u00e9l-Ant\u00f2ni, j’assediant a l\u2019av\u00eco dov\u00f9 artiresse e, bloc\u00e0 andrinta Aversa, a j’ero vn\u00f9it a esse assedi\u00e0. Ant na situassion d\u00ebspr\u00e0 e sensa speransa, antant ch\u2019a arvivava ij sold\u00e0 a la bataja, un r\u00f2ch \u00ebsfrand\u00e0 da \u2018n crep \u00ebd canon a l\u2019av\u00eca ciapalo ant un g\u00ebnoj, feriendlo an manera greva. P\u00ebr vanseje la ruin-a a la gent d\u2019Aversa a l\u2019era donca st\u00e0it oblig\u00e0 a rendse.<\/span><\/p>\n

Mn\u00e0 p\u00ebrzon\u00e9 a N\u00e0poli, ospit\u00e0 ant la ca d\u00ebl duca \u2018d Tr\u00e9moli p\u00ebr esse cur\u00e0, soe condission a j’ero and\u00e0ite na v\u00f2ta pes.\u00a0<\/span>Consient d\u2019esse l\u00ec p\u00ebr meuire, ai 17 d\u2019ot\u00f3ber a l\u2019av\u00eca vors\u00f9 manifest\u00e9 soe \u00f9ltime volont\u00e0 ai s\u00f2 cambrada, e \u2018l di apress a rend\u00eca l\u2019\u00e0nima, a trantetr\u00e8 agn.<\/span>
\nS\u00f2 c\u00f2rp che, conforma s\u00f2 desideri, a dov\u00eca esse str\u00e0 ant la cesa \u2018d San B\u00ebrnardin a Salusse, a l\u2019era nop\u00e0 rest\u00e0 a N\u00e0poli e, d\u00f2p n’ann, tramuv\u00e0 a Roma ant la cesa d\u2019Arac\u0153li, sota n\u2019iscrission sepolcral vors\u00f9a da l\u2019ambassador \u00ebd j\u2019\u00cbstat \u00ebd Sav\u00f2ja (nav\u00e0 da drita, pilastr d’an f\u00f2ra dla s\u00e9tima Capela, bust \u00ebscurp\u00ec d\u00ebl 1575 da G.B. D\u00f2sio).<\/span><\/p>\n

\u00cbl Nigra a scriv che la canson a l\u2019\u00e9 prob\u00e0bil ch\u2019a sia nass\u00f9a con la neuva dla fin d\u00ebl marches port\u00e0 an Piemont dai cambrada artorn\u00e0 da cola spedission malurosa, se nen \u00ebscriv\u00f9a franch da coj sold\u00e0 midem che, miraco, a l\u2019han compagn\u00e0 s\u00f2 viage nech vers ca con coste n\u00f2te, p\u00ebr f\u00e9 mem\u00f2ria \u2018d s\u00f2 comandant.<\/span><\/p>\n

Ij sold\u00e0 ‘d Michel-Ant\u00f2ni a l’av\u00eco pod\u00f9 serne se intr\u00e9 ant l’armeja spagneula o se torn\u00e9 ca soa; an ef\u00e9t la canson a parla ‘d sold\u00e0 ch’a l’han da pass\u00e9 l’arvista, donca franch nen \u00ebd p\u00ebrzon\u00e9.<\/span>
\nLa Margarita dla canson, prob\u00e0bil ch’a fussa\u00a0<\/span>Margarita Pale\u00f2loga d\u00ebl Monfr\u00e0 (1510-1566); col mariage a l’avr\u00eca riun\u00ec Salusse e Monfr\u00e0, e a l’avr\u00eca salv\u00e0 l’esistensa dij doi \u00ebstat, ma la m\u00f2rt d\u00ebl marches a l’ha cambi\u00e0 la st\u00f2ria.<\/span>\u00a0<\/span>
\nFranch prob\u00e0bil \u00ebdc\u00f2 che la volont\u00e0 d\u00ebl marches \u00ebd separ\u00e9 da s\u00f2 c\u00f2rp la testa e ‘l cheur (as rend\u00eca cont \u00ebd la dificolt\u00e0 ‘d port\u00e9 ‘l cad\u00e0ver antregh fin-a Salusse) a sia st\u00e0ita rispet\u00e0 dai s\u00f2 sold\u00e0 al moment \u00ebd l’esumassion a N\u00e0poli.\u00a0<\/span><\/p>\n

La canson a l\u2019\u00e9 st\u00e0ita arcuj\u00eca an v\u00e0ire version dal Nigra e dal Ferraro (Turin, Ast\u00e8is, Canav\u00e8is, Monfr\u00e0) ant un piemont\u00e8is che dj’arcaism d\u00ebl Sincsent a goernava mach p\u00ec d’arlichie. Costa a l\u2019era dc\u00f2 spantiasse a f\u00f2ra d\u00ebl Piemont (Venessia, Romagna) an lession s\u00e8mper p\u00ec antamn\u00e0, fin-a a esse port\u00e0 dai coscrit piemont\u00e8is a j\u2019Alpini ant la Venessia longh la gu\u00e8ra d\u00ebl \u201915. Con \u00ebd par\u00f2le miste an trentin e venessian e d\u2019arferiment diferent (El capitan de la compagnia \/ Il testamento del capitano)<\/em> a l\u2019era vn\u00f9ita a esse un dij cant militar p\u00ec conoss\u00f9.<\/span>
\n\u00a0<\/span>
\n\u00a0<\/span>
\n\u00a0<\/span><\/p>\n

\u00cbL TESTAMENT D\u00cbL MARCHES \u00cbD SALUSSE<\/span><\/p>\n

\u00a0<\/span>
\nSor Capitani d\u00eb Salusse<\/span>
\nl\u2019ha tanta mal ch\u2019a murir\u00e0.<\/span>
\nManda ciam\u00e8 sor Capitani,<\/span>
\nmanda a ciam\u00e8 lij s\u00f2 sold\u00e0.<\/span>
\n\u00a0<\/span>
\nLij s\u00f2i sold\u00e0 j\u2019han f\u00e0it risp\u00f2sta<\/span>
\nch\u2019a l\u2019han l\u2019arvista da pass\u00e9.<\/span>
\nQuand ch\u2019a l\u2019avran pass\u00e0 l\u2019arvista,<\/span>
\nsor Capitani andr\u00eco v\u00ebd\u00e9.<\/span>
\n\u00a0<\/span>
\n\u00abC\u00f2s a comand-lo, Capitani,<\/span>
\nc\u00f2s a comand-lo ai s\u00f2 sold\u00e0?\u00bb<\/span>
\n\u00abV\u2019aricomand la vita mia,<\/span>
\nche d\u00eb quat part na d\u00ebbie f\u00e9.<\/span>
\n\u00a0<\/span>
\nL\u2019\u00e8 d\u2019una part mandela an Fransa<\/span>
\ne d\u2019una part s\u00ebl Monf\u00ebr\u00e0.<\/span>
\nMand\u00e9 la testa a la mia mama<\/span>
\nch\u2019a s\u2019aric\u00f2rda d\u00eb s\u00f2 prim fieul.<\/span>
\n\u00a0<\/span>
\nMand\u00e9 \u2018l corin a Margarita<\/span>
\nch\u2019a s\u2019aric\u00f2rda d\u00ebl s\u00f2 amor\u00bb.<\/span>
\nLa Margarita in su la p\u00f2rta<\/span>
\nl\u2019\u00e9 casc\u00e0 an t\u00e8ra d\u00eb dolor.<\/span><\/p>\n

.<\/span><\/p>\n

\"\"<\/a><\/p>\n

Armonisassion d’Alfred Nic\u00f2la<\/strong><\/a><\/span><\/p>\n

\u00a0<\/span><\/p>\n

\u25c4<\/span>\u00a0Le Canson<\/a><\/em><\/strong><\/p>\n","protected":false},"excerpt":{"rendered":"

Canson d\u00ebl Sincsent ch\u2019a conta j\u2019\u00f9ltime ore \u2018d vita d\u00ebl Marches Mich\u00e9l-Ant\u00f2ni \u2018d Salusse (1495-1528), public\u00e0 la prima v\u00f2ta da Costantin Nigra d\u00ebl 1858. \u00a0 Mich\u00e9l-Ant\u00f2ni, …<\/p>\n

\u00cbl testament d\u00ebl marches \u00ebd Salusse (1528-'29)<\/span> Leggi tutto \u00bb<\/a><\/p>\n","protected":false},"author":2,"featured_media":24696,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[35],"tags":[155,157,159,313,163,165,167,168,170,314,315,316],"class_list":["post-24685","post","type-post","status-publish","format-standard","has-post-thumbnail","hentry","category-le-canson","tag-canson-piemonteisa","tag-canzone-piemontese","tag-chanson-piemontaise","tag-michele-antonio-di-saluzzo","tag-musica-piemonteisa","tag-musica-piemontese","tag-musique-piemontaise","tag-piedmontese-music","tag-piedmontese-song","tag-testament-del-marches-ed-salusse","tag-testamento-del-capitano","tag-testamento-del-marchese-di-saluzzo"],"_links":{"self":[{"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/posts\/24685","targetHints":{"allow":["GET"]}}],"collection":[{"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/posts"}],"about":[{"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/users\/2"}],"replies":[{"embeddable":true,"href":"https:\/\/www.gioventurapiemonteisa.net\/2020\/index.php?rest_route=%2Fwp%2Fv2%2Fcomments&post=24685"}],"version-history":[{"count":0,"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/posts\/24685\/revisions"}],"wp:featuredmedia":[{"embeddable":true,"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/media\/24696"}],"wp:attachment":[{"href":"https:\/\/www.gioventurapiemonteisa.net\/2020\/index.php?rest_route=%2Fwp%2Fv2%2Fmedia&parent=24685"}],"wp:term":[{"taxonomy":"category","embeddable":true,"href":"https:\/\/www.gioventurapiemonteisa.net\/2020\/index.php?rest_route=%2Fwp%2Fv2%2Fcategories&post=24685"},{"taxonomy":"post_tag","embeddable":true,"href":"https:\/\/www.gioventurapiemonteisa.net\/2020\/index.php?rest_route=%2Fwp%2Fv2%2Ftags&post=24685"}],"curies":[{"name":"wp","href":"https:\/\/api.w.org\/{rel}","templated":true}]}}