{"id":24337,"date":"2013-12-25T02:08:51","date_gmt":"2013-12-25T01:08:51","guid":{"rendered":"https:\/\/www.gioventurapiemonteisa.net\/2020\/?p=24337"},"modified":"2013-12-25T02:08:51","modified_gmt":"2013-12-25T01:08:51","slug":"1946-pinin-pacot-e-la-sconda-serie-dij-brande","status":"publish","type":"post","link":"https:\/\/www.gioventurapiemonteisa.net\/2020\/?p=24337","title":{"rendered":"1946: PININ PAC\u00d2T E LA SCONDA SERIE D\u2019IJ BRAND\u00c9"},"content":{"rendered":"

\u00abNoi i vorer\u00eco che da cost n\u00f2st giornal a s\u2019auss\u00e8issa na fiama \u2018d poes\u00eca. Poes\u00eca piemont\u00e8isa. Cola poes\u00eca ch\u2019a-i \u00e9 ant ij n\u00f2stri cheur, ant n\u00f2stra st\u00f2ria, ant n\u00f2str p\u00f2pol, ant ij n\u00f2stri paisagi. E ch\u2019a peul esse scrita mach an piemont\u00e8is; p\u00ebrch\u00e9 cost a l\u2019\u00e9 \u2018l linguagi p\u00ec n\u00f2str…\u00bb<\/em> (nr 1, 15-IX-1946).<\/span><\/p>\n

Con coste \u00abDoe par\u00f2le tant p\u00ebr ancamin\u00e9\u00bb<\/em>, e d\u2019\u00e0utre, Pinin Pac\u00f2t<\/strong><\/a> a (ri)presentava ai \u00abs\u00f2\u00bb letor \u00abIj Brand\u00e9 – giornal \u00ebd poes\u00eca piemont\u00e8isa\u00bb \u00ebl 15 d\u2019\u00ebst\u00e8mber d\u00ebl 1946. E p\u00ebr dabon la poes\u00eca e la d\u00ebscussion che a na ven f\u00f2ra, bin \u00ebd soens dal\u00e0 dla lenga dovr\u00e0 p\u00ebr esprimla, a smijo esse la prima cura d\u00ebl poeta e giornalista Pinin Pac\u00f2t, a la mira che, bele considerand d\u2019arferiment ch\u2019as pod\u00eca pa f\u00e9 meno e ch\u00e8ich test, \u00ebdc\u00f2 la gu\u00e8ra a smija esse gi\u00e0 ass\u00e9 lontan-a.<\/span><\/p>\n

L\u00f2n ch\u2019a ch\u00ebrd\u00eca, Pac\u00f2t, che la gent a s\u00eb spet\u00e8issa da la parlada piemont\u00e8isa, lenga che soa publicassion a surt\u00eca tuti ij qu\u00ecndes di?<\/span>
\n\u00abGnente d\u2019\u00e0utr che un p\u00f2ch \u00ebd poes\u00eca. E noi i-j doma cola p\u00f2ca che i l\u2019avoma ant noi, sicur \u00ebd trov\u00e9 d\u2019amis ch\u2019an compagnran ant n\u00f2st travaj: modest, ma disinteress\u00e0 e sincer\u00bb,<\/em>\u00a0(idem).<\/span>
\nSa diciarassion a sar\u00e0 peui da \u201clese\u201d a la lus \u00ebd soa concession \u00ebd la poes\u00eca, che a podr\u00eca mn\u00e9 an eror chi che a la ch\u00ebrd\u00e8issa p\u00ec sempia, p\u00ec \u201cf\u00e0cila\u201d, p\u00ebrch\u00e8 piemont\u00e8isa e nen italian-a, tan da spiegh\u00e9 e but\u00e9 an ci\u00e0ir p\u00ebrch\u00e9 a Pac\u00f2t a j\u2019\u00ebstago a cheur \u00ebd tema afront\u00e0 da d\u2019\u00e0utri con \u00ebsp\u00ecrit tr\u00f2p d\u00ebsgen\u00e0: la natura midema dla poes\u00eca, \u00ebl dissegn \u00ebd na st\u00f2ria dla literatura d\u00ebl Piemont an piemont\u00e8is, soa graf\u00eca, soe tem\u00e0tiche, s\u00f2i rap\u00f2rt con la region ant un moment \u00ebd cangiament \u00ebsvicc.<\/span><\/p>\n

An realt\u00e0 ant l\u2019istessa col\u00f2na Pac\u00f2t a f\u00e0 na precisassion che an buta sla stra giusta p\u00ebr n\u2019indicassion p\u00ec precisa \u2018d s\u00f2i but, \u00ebd col p\u00f9blich che a-j ten, e \u2018d soa proporsion.<\/span>
\n\u00abE a sar\u00e0 un p\u00f2ch come na conversassion an p\u00f2chi, su d\u2019argoment ch\u2019a n\u00eb stan a cheur…\u00bb,<\/em>\u00a0(idem).<\/span>
\nCosta afermassion a l\u2019\u00e9 pit\u00f2st particolar, p\u00ebr un poeta che, apress \u00ebl 1927, a (ri)propon na soa arvista: a b\u00f9stica nen \u00ebl p\u00f9blich gr\u00f2ss, gnanca a lo susna, tansip\u00f2ch p\u00ebr chiel, e an arciama dun-a a la ment l\u00f2n che a scrivr\u00e0 peui v\u00e0ire agn d\u00f2p su le p\u00e0gine dla midema publicassion:<\/span>
\n\u00abBasta che a-i sia ancora un, un sol che a lo parla, che a lo scriv, che a lo d\u00f2vra, che a-j veuja bin, e \u2018l piemont\u00e8is a sar\u00e0 ancor viv, l\u2019istess coma se a fussa dovr\u00e0 da \u2018d milion \u00ebd p\u00ebrson-e. L\u2019\u00e9 nen la quantit\u00e0, l\u2019\u00e9 la qualit\u00e0 ch\u2019a conta, e costa, quand che a l\u2019\u00e9 f\u00e0ita d\u2019amor, a l\u2019\u00e9 sempe r\u00e0ira e pressiosa\u00bb<\/em>, (nr 238-239, 15-VIII-1956).<\/span><\/p>\n

A ven a taj, donca, tn\u00ec da ment costa dimension d\u2019\u00e9lite literaria ant\u00e9 che as f\u00f2rgia \u2018l travaj \u00ebd Pac\u00f2t, quand che as cons\u00ecdera soa produssion pa mach po\u00e9tica ma dc\u00f2 giornal\u00ecstica, dimension d\u2019\u00e9lite duverta \u2018d v\u00f2lte a d\u2019\u00ebscritor pa sempe a l\u2019auteur \u00ebd la \u201creusa\u201d che a l\u2019av\u00eca creasse dantorn, ma tutun \u201cgiustific\u00e0\u201d pr\u00f2pi da soa afession a la lenga piemont\u00e8isa, \u00ebl sol ideal che as compagna, an definitiva, a soa po\u00e9tica.<\/span><\/p>\n

\u00ab… a l\u2019\u00e9 pr\u00f2pi costa la bl\u00ebssa dle c\u00e0use perse, cola d\u2019esse p\u00ebrd\u00f9e an partensa, cola d\u2019esse guadagn\u00e0 gi\u00e0 prima \u2018d combatje<\/em>\u00bb, (idem).<\/span>
\nA m\u2019\u00ebsmija che na conclusion parija dl\u2019art\u00eccol sit\u00e0 dzora a sia motben amportanta, almanch p\u00ebr l\u00f2n ch\u2019a toca s\u00f2 \u201cesclusivism\u201d d\u00ebdnans a s\u00f2 ideal, e \u2018d coma ch\u2019a sia nen port\u00e0 a f\u00e9 \u2018d concession.<\/span><\/p>\n

A peul esse anteressant, p\u00ebr s\u00f2n, \u00ebd d\u00ec doe par\u00f2le su na pol\u00e9mica (f\u00e0ita con deuit, an vrit\u00e0) che gi\u00e0 \u2018l prim n\u00f9mer \u00ebd la neuva serie a l\u2019ha alv\u00e0, e pa sensa un contrast real \u00ebd concession art\u00ecstiche an tra ij doi oposidor, Pinin Pac\u00f2t midem e Paggio Fernando<\/a><\/strong>. La spluva p\u00ebr la querelle a l\u2019era st\u00e0it l\u2019\u00abOmagi a un poeta\u00bb (dedic\u00e0 a Gioann Gianotti<\/strong><\/a>), ant\u00e9 ch\u2019i lesoma nen mach l\u00f2n ch\u2019a l\u2019\u00e9 arport\u00e0 apress, ma d\u2019\u00e0utre c\u00f2se pien-e \u2018d signific\u00e0, che an fortisso coma \u00abIj Brand\u00e9\u00bb a ven-o nen a port\u00e9 \u2018d rime an in-a<\/em> o an \u00ebtta<\/em>, ma cheic\u00f2s \u00ebd franch divers da la poes\u00eca \u2013 o l\u00f2n ch\u2019a passava p\u00ebr chila \u2013 d\u00ebl prim \u2018900, e coma le ligne mideme d\u00ebl \u00abparnas piemont\u00e8is\u00bb a fusso da siass\u00e9 sensa piet\u00e0, a cost \u00ebd but\u00e9 an d\u00ebscussion \u00ebd n\u00f2m car a v\u00e0ire piemont\u00e8is:<\/span><\/p>\n

\u00abBasta pens\u00e9 a le condission dla poes\u00eca piemont\u00e8isa, quand che chiel a l\u2019\u00e9 presentasse ant \u00ebl cit mond dij poeta dialetaj \u00ebd s\u00f2 temp, vers la fin d\u00ebl s\u00e9col pass\u00e0 e an s\u00ebl prinsipi \u2018d cost. Gav\u00e0 d\u2019Alfonso Ferrero<\/strong><\/a>, da la produssion disuguala, ma sovens \u2018d n\u2019ispirassion \u00e0uta e potenta; gav\u00e0 \u2018d certi moment delissios e dlic\u00e0 d\u2019un Fasolo<\/strong> o d\u2019un Frusta<\/strong><\/a>, o \u2018d certe ecession ant ij vers un p\u00f2 t\u00ebrbol \u00ebd Solferini<\/strong>; tut \u00ebl rest, soma sincer, as pud\u00eca nen disse vera poes\u00eca \u2013 coma ch\u2019i lo voroma adess \u2013, combin ch\u2019a-i fussa sovens d\u00eb sp\u00ecrit e \u2018d gig\u00e8t, \u00ebd bel deuit e \u2018d malissia, ancaminand pr\u00f2pi da Viriglio<\/strong><\/a>, ch\u2019a l\u2019\u00e9 st\u00e0it n\u00eb studios erud\u00ec e brilant d\u00eb st\u00f2ria e \u2018d curiosit\u00e0 piemont\u00e8ise, ch\u2019a l\u2019ha sav\u00f9 d\u00ec con bela grassia e fin\u00ebssa \u2018d c\u00f2se gentile, e d\u2019\u00e0utre spiritose e magara, ai s\u00f2 temp, scabros\u00ebtte, ma ch\u2019a l\u2019ha mai av\u00f9 un colp d\u2019ala, \u2018d coj che, fussa mach na v\u00f2lta sola ant soa vita, a fan d\u2019un rimador un poeta. L\u00f2n che, forse, Viriglio a pretend\u00eca nen d\u2019esse\u00bb<\/em>, (nr 1, cit.).<\/span><\/p>\n

Lassand p\u00ebr na sede p\u00ec giusta la concession e l\u2019ideal po\u00e9tich \u00ebd Pac\u00f2t, e an vorend mach, ora, motiv\u00e9 \u2018l signific\u00e0 d\u2019 \u00abIj Brand\u00e9\u00bb, i ch\u00ebrdo a sia bin \u00ebsp\u00f2rze an evidensa la volont\u00e0, ant \u00ebl 1946, d\u2019arzigh\u00e9 un d\u00ebscors parij, con la p\u00ec part d\u00ebl p\u00f9blich \u201cafession\u00e0\u201d a le c\u00f2se piemont\u00e8ise mach an part duvert a \u2018d neuve prop\u00f2ste e ancor grop\u00e0 a col mond \u2013 literari e n\u00f2 \u2013 \u00ebd fin \u2018800 e d\u00ebl prim \u2018900 che Pinin Pac\u00f2t a s\u2019arciama, cissand la pol\u00e9mica con Paggio Fernando.<\/span>
\nPaggio Fernando, gentil\u00f2m \u00ebd veja stampa, a difend risent\u00f9 la po\u00e9tica tradissional che Viriglio a rapresenta, s\u00ecmbol \u2013 as podr\u00eca disse \u2013 \u00ebd riferiment \u00ebd la coltura subalpin-a.<\/span><\/p>\n

\u00abPaggio Fernando e mi, i l\u2019avoma doe manere diverse \u2018d consider\u00e9 la poes\u00eca. Poes\u00eca p\u00ebr chiel a l\u2019\u00e9 tut l\u00f2n ch\u2019a l\u2019\u00e9 scrit an vers, basta ch\u2019a sia dit con bel deuit e con un p\u00f2 \u2018d rispet d\u00ebl n\u00f9mer e dj\u2019acent dle s\u00eclabe… Paggio Fernando a l\u2019\u00e9 ancora a cole teor\u00ece l\u00ec. P\u00ebr chiel tut \u00ebl pens\u00e9 modern a esist nen\u00bb<\/em>, (nr 3, 15-X-1946).<\/span><\/p>\n

A l\u2019\u00e9 pr\u00f2pi an considerand tuti si element che i podoma lese na considerassion, su \u00abPoes\u00eca e Associassion\u00bb:<\/span>
\n\u00ab… V\u00eb smij-lo che costi-s\u00ec ch\u2019i vivoma a sio ancora temp da Giandoja e da Giacom\u00ebtta?…<\/span><\/em>
\nD\u00f2p tut l\u00f2n ch\u2019a l\u2019\u00e9 staje, e ch\u2019i l\u2019avoma vist, e ch\u2019i l\u2019avoma sufert, a l\u2019\u00e9 ora \u2018d dvent\u00e9 \u00f2m. \u00d2m d\u00ebl di d\u2019ancheuj, prov\u00e0 da le gu\u00e8re, da la fam, dal dolor, da la miseria, con \u00ebd ribellion ant \u00ebl cheur e con ant \u00ebl cheur \u00ebd grande speranse, generose e uman-e\u00bb<\/em>, (nr 3, cit.).<\/span><\/p>\n

Combin, coma i l\u2019hai gi\u00e0 dit, \u00ebl mascheugn \u00ebd la gu\u00e8ra a smija esse gi\u00e0 lontan, costa afermassion, consienta d\u2019una situassion bin precisa, neuva tutaf\u00e0it p\u00ebr \u00ebl mond coltural piemont\u00e8is, a ven ancor p\u00ec pressiosa p\u00ebr \u00ebs-ciar\u00ec \u2018l vor\u00e8je \u2018d Pinin Pac\u00f2t d\u2019esse poeta neuv par\u00e8j coma d\u2019esse \u00f2m neuv d\u00ebl Piemont neuv che a viv ant na manera diversa da cola che d\u2019\u00e0utri, miraco, a s\u2019iludo \u2018d pod\u00e8j vive.<\/span>\u00a0<\/span><\/p>\n

Giusep Gor\u00eca<\/a>\u00a0<\/span><\/strong>(<\/span>Ij Brand\u00e9, Armanach \u00ebd Poes\u00eca Piemont\u00e8isa | 1982<\/span><\/p>\n

\u25c4<\/span>\u00a0Mila agn \u00ebd Literatura Piemont\u00e8isa<\/a><\/em><\/strong><\/p>\n","protected":false},"excerpt":{"rendered":"

\u00abNoi i vorer\u00eco che da cost n\u00f2st giornal a s\u2019auss\u00e8issa na fiama \u2018d poes\u00eca. Poes\u00eca piemont\u00e8isa. Cola poes\u00eca ch\u2019a-i \u00e9 ant ij n\u00f2stri cheur, ant n\u00f2stra …<\/p>\n

1946: PININ PAC\u00d2T E LA SCONDA SERIE D\u2019IJ BRAND\u00c9<\/span> Leggi tutto \u00bb<\/a><\/p>\n","protected":false},"author":2,"featured_media":18804,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[9],"tags":[],"class_list":["post-24337","post","type-post","status-publish","format-standard","has-post-thumbnail","hentry","category-literatura-2"],"_links":{"self":[{"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/posts\/24337","targetHints":{"allow":["GET"]}}],"collection":[{"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/posts"}],"about":[{"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/users\/2"}],"replies":[{"embeddable":true,"href":"https:\/\/www.gioventurapiemonteisa.net\/2020\/index.php?rest_route=%2Fwp%2Fv2%2Fcomments&post=24337"}],"version-history":[{"count":0,"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/posts\/24337\/revisions"}],"wp:featuredmedia":[{"embeddable":true,"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/media\/18804"}],"wp:attachment":[{"href":"https:\/\/www.gioventurapiemonteisa.net\/2020\/index.php?rest_route=%2Fwp%2Fv2%2Fmedia&parent=24337"}],"wp:term":[{"taxonomy":"category","embeddable":true,"href":"https:\/\/www.gioventurapiemonteisa.net\/2020\/index.php?rest_route=%2Fwp%2Fv2%2Fcategories&post=24337"},{"taxonomy":"post_tag","embeddable":true,"href":"https:\/\/www.gioventurapiemonteisa.net\/2020\/index.php?rest_route=%2Fwp%2Fv2%2Ftags&post=24337"}],"curies":[{"name":"wp","href":"https:\/\/api.w.org\/{rel}","templated":true}]}}