{"id":24290,"date":"2013-12-24T21:47:28","date_gmt":"2013-12-24T20:47:28","guid":{"rendered":"https:\/\/www.gioventurapiemonteisa.net\/2020\/?p=24290"},"modified":"2013-12-24T21:47:28","modified_gmt":"2013-12-24T20:47:28","slug":"poesia-poesia-piemonteisa-ontologia-e-partecipassion","status":"publish","type":"post","link":"https:\/\/www.gioventurapiemonteisa.net\/2020\/?p=24290","title":{"rendered":"Poes\u00eca – Poes\u00eca piemont\u00e8isa | Ontolog\u00eca e Partecipassion"},"content":{"rendered":"

\u00a0<\/span>
\nConsiderassion an sla po\u00e9tica d\u00ebl \u2018900 Piemont\u00e8is<\/span><\/strong><\/em>\u00a0<\/span><\/h3>\n

\u00a0<\/span>
\nA l\u2019\u00e9 sicurament p\u00ebr la necessit\u00e0 istintiva d\u2019artorn\u00e9 a gropesse a le radis p\u00ec v\u00e0lide e aut\u00e9ntiche dla sivilt\u00e0 e dla coltura esprim\u00f9e da la T\u00e8ra Piemont\u00e8isa e \u2018dc\u00f2 p\u00ebr un sens d\u2019arvira interior al martiri in\u00f9til caus\u00e0 da la ret\u00f2rica rissorgimental fond\u00e0 an sla gu\u00e8ra, che la Leteratura Piemont\u00e8isa d\u00ebl prim d\u00f2p-gu\u00e8ra as duverta vers un\u2019espression l\u00ecrica che a romp con la ps\u00e8udo-po\u00e9tica provincial grop\u00e0 a j\u00eb scritor d\u00ebl Birichin.<\/span><\/p>\n

L\u00eb bz\u00f2gn profond d\u2019arnovament che ant \u00ebl contest \u00ebd l\u2019Europa a l\u2019\u00e9 rapresent\u00e0 dal moviment o corent coltural che a va sota \u2018l n\u00f2m d\u2019Espressionism, an Piemont a soleciter\u00e0 j\u00eb scritor e ij poeta p\u00ec sens\u00ecbij a gropesse dantorn al moviment o corent coltural che, ant j\u2019ani Tranta, a dar\u00e0 peui vita a la Compan\u00eca dij Brand\u00e9<\/strong><\/a>.<\/span><\/p>\n

\u00abSotr\u00e9 \u2018l vej p\u00ebr f\u00e9 p\u00f2st al neuv\u00bb a l\u2019\u00e9 mach n\u00eb sl\u00f2gan pol\u00e9mich esterior che a lassa antrav\u00ebdde ij prop\u00f2sit \u00ebd riv\u00e9 a cheuje \u00ebd motiv po\u00e9tich e colturaj da tr\u00f2p temp d\u00ebsmenti\u00e0 o coat\u00e0 sota le banalit\u00e0 d\u00ebl p\u00ec bass romanticism.<\/span>
\n[…] sota \u2018l profil cronol\u00f2gich l\u2019espression po\u00e9tica-leteraria an Piemont a marca un pass p\u00ec meusi, rispet a l\u00eb sp\u00ecrit inchiet \u00ebd la leteratura Europea (se as f\u00e0 eccession pr\u00f2pi p\u00ebr l\u2019inchiet\u00f9din po\u00e9tica universal\u00ecstica \u2018d L.Olivero<\/strong><\/a> e d\u2019U.L. R\u00f2nco<\/strong><\/a>).<\/span><\/p>\n

\u00cbl Piemont \u2013 p\u00ebr la vrit\u00e0 \u2013 a riv\u00ebr\u00e0 a super\u00e9 le conseguense fataj \u00ebd l\u2019unit\u00e0 italian a mach d\u00f2p l\u2019esperiensa tr\u00e0gica d\u00ebl fassism e \u2018l rec\u00f9per \u00ebspiritual e popolar solecit\u00e0 da la Resistensa (1943-1945).<\/span><\/p>\n

J\u2019anterogativ che as p\u00f2rto andrinta, ancora ancheuj, a ven-o da l\u00eb sbuj pat\u00ec da l\u2019industrialism, dal militarism, da le bataje p\u00ebr \u00ebl ric\u00f9per \u00ebd p\u00ebrsonalit\u00e0 d\u00ebl p\u00f2pol e p\u00ebr le riforme sociaj, da l\u2019esaltassion p\u00ebr le d\u00ebscuverte sient\u00ecfiche, dal massacri \u2018d soa giovent\u00f9 ant le gu\u00e8re dij primi quarant\u2019ani d\u00ebl s\u00e9col, […] fin-a a la delusion sangonanta p\u00ebr \u00ebl faliment total \u00ebd j\u2019ideaj visc\u00e0 da la ps\u00e8ud-sivilt\u00e0 material\u00ecstica e edon\u00ecstica che a st\u00e0 campand la giovent\u00f9 dla fin d\u00ebl s\u00e9col an brass a la m\u00f2rt p\u00ebr dr\u00f2ga o p\u00ebr apat\u00eca.<\/span><\/p>\n

Bele ancheuj \u2013 squasi a la fin \u00ebd l\u2019esperiensa leteraria dij Poeta dla Sconda Generassion \u00ebd la Compan\u00eca dij Brand\u00e9 \u2013 l\u2019espression dij Poeta giovo a manifesta n\u2019atmosfera insicura, che a f\u00ebrmiola spetand quaic\u00f2sa che a s\u00e0 nen c\u00f2s sia: un clima sosp\u00e8is tra l\u2019orgheuj e la paura p\u00ebr l\u00f2n che a sar\u00e0 doman, ant la misura e f\u00f2ra dla misura, p\u00ebr l\u2019\u00f2m e contra l\u2019\u00f2m.<\/span><\/p>\n

P\u00ebr arpij\u00e9 \u2018l fil \u00ebd cost giudissi complessiv an sla din\u00e0mica po\u00e9tica e coltural \u00ebd la prima met\u00e0 d\u00ebl \u2018900 piemont\u00e8is, i diroma che j\u00eb sp\u00ecrit p\u00ec sens\u00ecbij e antivist fra ij n\u00f2stri scritor a l\u2019han avert\u00ec (come ant s\u00f2 profond a avert\u00eca n\u00f2stra gent) la derota catastr\u00f2fica dla p\u00ebrson-a danans a l\u2019incombe dla rivolussion tecnol\u00f2gica-industrial e, \u2018d conseguensa, la sistem\u00e0tica strumentificassion d\u00ebl Podej… e peui soa strumentalisassion.<\/span><\/p>\n

An lor a l\u2019\u00e9 arvelasse la necessit\u00e0 (e Lor a l\u2019han esprimunla esaltandla) \u00ebd salvaguard\u00e9 l\u2019interiorit\u00e0, la spiritualit\u00e0, la moralit\u00e0 \u2018d n\u00f2stra coltura, ansema a tuti ij valor e tut \u00ebl Bin che coste virt\u00f9 a p\u00f2rto andrinta.<\/span>
\nA l\u2019\u00e9 cost \u00ebbz\u00f2gn \u00ecntim \u00ebd vita coltural genita che a l\u2019ha fin\u00ec p\u00ebr form\u00e9 an Piemont (come an coj ani an tuta Eur\u00f2pa) \u00ebd grup d\u00eb scritor e \u2018d poeta an pol\u00e9mica rivalit\u00e0 tra \u2018d lor, ma un\u00ec dal midem ideal (J\u2019Amis d\u00ebl Dialet, la Compan\u00eca dij Brand\u00e9<\/em>, ij nost\u00e0lgich d\u00ebl Birichin<\/em>, etc.): col \u00ebd costr\u00f9e n\u2019avn\u00ec neuv e ard\u00ec ant la novit\u00e0, ma an coerensa e ant \u00ebl rispet \u00ebd l\u2019originalit\u00e0 dle radis. A l\u2019\u00e9 sentiment istintiv che, bin cud\u00ec, a l\u2019ha cre\u00e0 cola atmosfera che, vista ancheuj, a peul bin definisse na rivolussion ant la manera \u2018d sente e \u2018d consider\u00e9 la coltura piemont\u00e8isa.<\/span><\/p>\n

A l\u2019\u00e9 an costa atmosfera, an efet, che a pijer\u00e0 vita la neuva concession d\u2019una \u00abLeteratura\u00bb e d\u2019una \u00abPo\u00e9tica\u00bb piemont\u00e8isa, che a s\u2019esprimer\u00e0 an pien e con nen p\u00f2che contradission con ij poeta e j\u00eb scritor che a ven-o d\u00f2p j\u2019Ani \u201860 (d\u00f2p la d\u00ebspart\u00eca \u2018d Pinin Pac\u00f2t<\/strong><\/a> \u2013 1964, \u00ebd Mario Albano<\/strong><\/a> \u2013 1963, d\u2019Arrigo Frusta<\/strong><\/a> \u2013 1965, etc.). A l\u2019\u00e9 an costi ani che la Poes\u00eca, e \u2018dc\u00f2 la nen \u00ebscarsa produssion leteraria an pr\u00f2sa, a manifesta ci\u00e0ira la convinsion che la Poes\u00eca o l\u2019Art an g\u00e9ner a son un f\u00e0it nen uman, come D\u00e9 (\u00abDie Kunst, sie ist unmeschlich vie Gott\u00bb<\/em>, L\u2019art… chila a l\u2019\u00e9 nen uman-a… come D\u00e9, a dis\u00eca \u2018l tedesch Herwarth Walden). A l\u2019\u00e9 costa na posission p\u00ec che mai coerenta con ij prinsipi p\u00ec antich e, ancora, p\u00ec viv e atuaj \u00ebd n\u00f2stra Gent piemont\u00e8isa.<\/span><\/p>\n

[…] Sota \u2018n profil p\u00ec general, ma forse nen secondari, a n\u00eb smija \u2018d pod\u00e8j aferm\u00e9 che la spiritualit\u00e0 p\u00ec profonda che a ven caraterisand la po\u00e9tica d\u00ebl Neuvsent piemont\u00e8is a nass da na p\u00ec larga partecipassion d\u00eb scritor e \u2018d poeta d\u2019estrassion p\u00f2vra e popolar. An efet, la squasi totalit\u00e0 dij poeta e dj\u00eb scritor registr\u00e0 da la Leteratura piemont\u00e8isa a vnis\u00eca, ant ij temp pass\u00e0, da la borghes\u00eca sitadin-a o rural, dal clero (e fin-a da l\u2019aristocrass\u00eca), combin che, nen da r\u00e0ir, a esprim\u00e8isso un pathos social e sivil an contrast con l\u00eb sp\u00ecrit borgh\u00e8is d\u00ebl temp.<\/span>
\nA l\u2019\u00e9 \u2018dc\u00f2 p\u00ebr tute coste considerassion (n\u00e0 da la vision nen mach contemplativa dl\u2019espression po\u00e9tica e leteraria d\u00ebl Neuvsent piemont\u00e8is) che i pensoma \u2018d pod\u00e8j giustifich\u00e9 la definission d\u2019Espressionism Moder\u00e0 d\u00e0ita a l\u2019euvra leteraria piemont\u00e8isa realis\u00e0 ant la prima part d\u00ebl s\u00e9col.<\/span><\/p>\n

Na definission che a peul d\u00ec tut, ma che a peul d\u00ec gnente a chi a s\u00e9guita a consider\u00e9 la Poes\u00eca piemont\u00e8isa da lontan, artenendla ant s\u00f2 \u00ecntim \u201cincompetenta\u201d a \u00f2gni esam, a \u00f2gni cr\u00ectica e, adonch, a \u00f2gni definission.<\/span>
\nDal moment \u00ebd l\u2019Espressionism as passa al moment Rom\u00e0ntich-Parnassian che a cheuj l\u2019euvra \u2018d Pinin Pac\u00f2t e dij Poeta grop\u00e0 a la Compan\u00eca dij Brand\u00e9 fin-a al 1960, che a cons\u00ecdera l\u2019atension stil\u00ecstica e la p\u00ebrfession lengh\u00ecstica come agiut a l\u2019elevassion l\u00ecrica e po\u00e9tica.<\/span><\/p>\n

A l\u2019\u00e9 la convinsion \u2013 nen sempre present an tanti scritor \u00ebd jer e, p\u00ec che mai, d\u2019ancheuj \u2013 che \u00abant la Poes\u00eca \u00ebl contn\u00f9 e la forma a son tut un\u00bb, come a fort\u00eca Benedetto Croce.<\/span><\/p>\n

[…] A venta d\u00ec […] che l\u2019atension e l\u2019arserca dla par\u00f2la precisa a l\u2019ha port\u00e0 a d\u2019esagerasion pur\u00ecstiche.<\/span>
\nSe a l\u2019\u00e9 giust che la lenga leteraria a esprima n\u2019assion moderatris e \u2018d fren a la tendensa tr\u00f2p bogiarin-a dla lenga parl\u00e0, a l\u2019\u00e9 aut\u00ebrtant giust che la lenga parl\u00e0 \u2013 che a l\u2019ha \u2018l P\u00f2pol coma creator e plasmator (parloma dla lenga piemont\u00e8isa, cos\u00ec coma \u2018d tute le lenghe nen condission\u00e0 dal pod\u00e8j o da la coltura ufissial) \u2013 a sia scot\u00e0 e acet\u00e0 quand a sp\u00f2rz soe novit\u00e0 e soe ant\u00ebrpretassion \u00ebd la realt\u00e0 neuve dla vita.<\/span>
\nAnt la din\u00e0mica dla moderna espression leteraria piemont\u00e8isa as manifesta ancheuj \u2013 com i l\u2019oma gi\u00e0 av\u00f9 manera \u2018d d\u00ec \u2013 na tendensa a la p\u00ebrsonalisassion \u00ebd la Lenga che a p\u00f2rta l\u00eb scritor a p\u00ebsch\u00e9 dai diversi dialet nen mach la par\u00f2la \u2013 che a l\u2019\u00e9 patrim\u00f2ni \u2018d tuti \u2013 ma \u2018dc\u00f2 d\u2019espression e \u2018d forme gr\u00e0fiche e f\u00f2niche dialetaj \u2013 carater\u00ecstiche dle parlade locaj. A l\u2019\u00e9 par\u00e8j che as crea n\u2019espression \u00ecbrida piemont\u00e8isa sensa radis naturaj. A l\u2019\u00e9 na tendensa da condan\u00e9, p\u00ebrch\u00e8 a finiss p\u00ebr port\u00e9 a la distrussion \u00ebd cola unit\u00e0 lengh\u00ecstica, consacr\u00e0 travers ij s\u00e9coj, che a l\u2019ha da sempre carateris\u00e0 l\u2019espression leteraria piemont\u00e8isa.<\/span><\/p>\n

[…] P\u00f2chi, forse, as rendo cont che diversa a l\u2019\u00e9 la reassion, a le condission ambientaj, \u00ebd l\u2019ispirassion ant le scritor o ant \u00ebl poeta che a s\u2019esprim an piemont\u00e8is, da cola che as manifesta ant un \u00ebscritor d\u2019espression italian-a.<\/span>
\nA-i \u00e9 n\u00eb sp\u00ebssor divers da trav\u00ebrs\u00e9, e l\u2019espression piemont\u00e8isa a-j eufr a l\u2019ispirassion na colaborassion istintiva, aliment\u00e0 da la caria spiritual che a caraterisa l\u2019ambient che, p\u00ebr soa natura, a arfuda d\u2019esse ant\u00ebrpret\u00e0 o traduv\u00f9.<\/span>
\nA l\u2019\u00e9 cost un motiv che a pretend da l\u00eb scritor (dal poeta dnans a tuti) la completa adesion, la partecipassion total a l\u00eb sp\u00ecrit, a la st\u00f2ria e a la vita dl\u2019ambient che a sol\u00e9cita soa ispirassion. S\u00f2n p\u00ebr evit\u00e9 le stonadure che a nasso da la superficialit\u00e0 e che a rendo n\u2019euvra alien\u00e0, ret\u00f2rica o banal. […]<\/span>\u00a0<\/span><\/p>\n

\u25c4<\/span>Camillo Brero<\/a><\/strong>\u00a0<\/span><\/p>\n

Ij Brand\u00e9, Armanach \u00ebd Poes\u00eca Piemont\u00e8isa | 1999<\/span><\/h5>\n","protected":false},"excerpt":{"rendered":"

\u00a0 Considerassion an sla po\u00e9tica d\u00ebl \u2018900 Piemont\u00e8is\u00a0 \u00a0 A l\u2019\u00e9 sicurament p\u00ebr la necessit\u00e0 istintiva d\u2019artorn\u00e9 a gropesse a le radis p\u00ec v\u00e0lide e aut\u00e9ntiche …<\/p>\n

Poes\u00eca – Poes\u00eca piemont\u00e8isa | Ontolog\u00eca e Partecipassion<\/span> Leggi tutto \u00bb<\/a><\/p>\n","protected":false},"author":2,"featured_media":24294,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[9],"tags":[],"class_list":["post-24290","post","type-post","status-publish","format-standard","has-post-thumbnail","hentry","category-literatura-2"],"_links":{"self":[{"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/posts\/24290","targetHints":{"allow":["GET"]}}],"collection":[{"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/posts"}],"about":[{"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/users\/2"}],"replies":[{"embeddable":true,"href":"https:\/\/www.gioventurapiemonteisa.net\/2020\/index.php?rest_route=%2Fwp%2Fv2%2Fcomments&post=24290"}],"version-history":[{"count":0,"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/posts\/24290\/revisions"}],"wp:featuredmedia":[{"embeddable":true,"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/media\/24294"}],"wp:attachment":[{"href":"https:\/\/www.gioventurapiemonteisa.net\/2020\/index.php?rest_route=%2Fwp%2Fv2%2Fmedia&parent=24290"}],"wp:term":[{"taxonomy":"category","embeddable":true,"href":"https:\/\/www.gioventurapiemonteisa.net\/2020\/index.php?rest_route=%2Fwp%2Fv2%2Fcategories&post=24290"},{"taxonomy":"post_tag","embeddable":true,"href":"https:\/\/www.gioventurapiemonteisa.net\/2020\/index.php?rest_route=%2Fwp%2Fv2%2Ftags&post=24290"}],"curies":[{"name":"wp","href":"https:\/\/api.w.org\/{rel}","templated":true}]}}