{"id":23537,"date":"2013-12-11T23:35:59","date_gmt":"2013-12-11T22:35:59","guid":{"rendered":"https:\/\/www.gioventurapiemonteisa.net\/2020\/?p=23537"},"modified":"2013-12-11T23:35:59","modified_gmt":"2013-12-11T22:35:59","slug":"silvio-faccenda-el-confin","status":"publish","type":"post","link":"https:\/\/www.gioventurapiemonteisa.net\/2020\/?p=23537","title":{"rendered":"Silvio Faccenda. \u00ab\u00cbl confin\u00bb"},"content":{"rendered":"

Milen-e e milen-e d\u00eb st\u00f2rie parije a son perdusse antra l\u2019afann \u00ebd tuti ij di e le busiardar\u00ece \u2018d v\u00e0ire tonel\u00e0 \u2018d pap\u00e9 d\u00eb st\u00f2rie ufissiaj, p\u00ebr la p\u00ec part f\u00e0usse e domesti\u00e0.<\/span><\/em>
\nCheidun a l\u2019ha scrivune d\u00eb s-cianch, e p\u00ebr s\u00f2n i podoma ancor lese e arcordesse – a l\u2019\u00e9 mai pro, da gi\u00e0 ch\u2019i seguitoma a falisse – dle conseguense ch\u2019a l\u2019ha portane l\u2019av\u00e8j vors\u00f9 deje a d\u2019\u00e0utri le ciav \u00ebd n\u00f2sta ca.<\/span><\/em>
\n\u00a0<\/span><\/p>\n

\u00cbl confin<\/span><\/strong>
\nSilvio Faccenda<\/strong><\/p>\n

L\u2019ava fioc\u00e0 tut \u00ebl di. \u00cbl silensi dla giorn\u00e0 l\u2019era stat rot mach dai breugg \u00ebd le vache ant la stala e dal cioson\u00e9 dij passar\u00f2t che rivavo fin-a sota al p\u00f2rti a pitoch\u00e9 le brise da l\u2019arbi\u00f2t 1<\/span><\/em> dij crin sensa lassesse ciap\u00e9 ant le trape. \u00cbdc\u00f2 ij passar\u00f2t son bon con la polenta p\u00ebr pasi\u00e9 la fam.<\/span>
\n\u00ab…Va sav\u00e8j se coj p\u00f2vri fieuj an Russia ancheuj l\u2019avran da mang\u00e9 na scuela \u2018d queic\u00f2s \u00ebd cad… magara l\u2019av\u00e8isso scarament na f\u00ebtta \u2018d polenta fumanta…\u00bb<\/span>
\nLa testa e \u2018l cheur l\u2019ero mach sempe l\u00e0.<\/span><\/p>\n

Antramentre che rangiava \u2018l roet \u00ebd la sl\u00f2ira a-j tornava a la ment la soa gu\u00e8ra, cola che an sle colin-e d\u00ebl Carso l\u2019ava robaje \u00ebl mej \u00ebd soa gioventura.<\/span>
\n\u00cbl man-i neuv p\u00ebr \u00ebl trent l\u2019era anco\u2019 nen basta svir\u00e0 da pod\u00e8jlo ambranch\u00e9 con l\u2019andi giust.<\/span>
\n\u00ab…Ah! Ij m\u00e8i fieu\u2019 son l\u00e0 a f\u00e9 na gu\u00e8ra f\u00f2ra \u2018d n\u00f2stra t\u00e8ra e va sav\u00e8j p\u00ebrch\u00e8…\u00bb.<\/span>
\nAnt l\u00eb scur \u00ebd la s\u00e8ira riessiva p\u00ec nen a giust\u00e9 ij dent al rast\u00e9l e i-j na grevava intr\u00e9 ant\u00ebc\u00e0 p\u00ebr nen sente l\u00f2n che chiel pensava da le ciance \u2018d chila ch\u2019a mitonava j\u00eb stessi pens\u00e9.<\/span><\/p>\n

P\u00f2che f\u00ebtte dla polenta \u2018d mesd\u00ec, rust\u00ece an sla bresa, soagn\u00e0 con na carbon\u00e0 \u2018d bross 2<\/span><\/em> e \u2018n bicer \u00ebd vinet, an sla paciara, l\u2019\u00e9 st\u00e0ita la sin-a soa e dla fomna. P\u00ebr ij doi mat\u00f2t, na f\u00ebtta \u2018d polenta ant na scuela pin-a \u2018d lat pen-a monz\u00ec da la vaca giaja e na pugn\u00e0 \u2018d castagne bro\u00e0.<\/span><\/p>\n

Anv\u00ebrtoj\u00e0 ant le mantlin-e, un caplass forgi\u00e0 dal temp e da le pieuve an sla misura \u2018d soe teste, ij s\u00f2ch sar\u00e0 ai p\u00e9 con na branc\u00e0 \u2018d paja, rivavo a Catalan ant la stala \u2018d Tist\u00f2t da le cassin-e dj\u2019anviron. Cola s\u00e8ira i ero tanti: Masin dle Carbonere, Cech dj\u2019Ochet, \u00ebl Gi\u00f2ri, Carlo dla Rian-a, Miclin d\u00ebl Canton, Gir\u00f2ni dla Botega, Cian\u00f2t, Cech dij Bened\u00e9t 3<\/em><\/span> e peul esse ancora d\u2019\u00e0utri; l\u2019han tac\u00e0 a d\u00ebscore. La matin al m\u00ebrc\u00e0 a Canal l\u2019era cor\u00ece la vos che j\u2019Alpini j\u2019ero squasi a la riva d\u00ebl D\u00f2n e continuavo \u00abl\u2019avanzata vittoriosa\u00bb<\/em> ant \u00ebl cheur \u00ebd la Russia.<\/span><\/p>\n

\u00ab… Ma c\u00f2s l\u2019ha-ni fane ij Russi p\u00ebr andeje a mass\u00e9 par\u00e8j?… e a fesse mass\u00e9… La fomna d\u00ebl Melo l\u2019ha dime che \u2018l fieu\u2019 \u00ebd Michina l\u2019\u00e9 st\u00e0 m\u00f2rt an Grecia… P\u00f2vra d\u00f2na, sola, vidoa da la gu\u00e8ra d\u2019\u00c0frica, adess \u00ebdc\u00f2 \u00ebl fieu\u2019 l\u2019han massaje!… Le gu\u00e8re son pes \u00ebd le pestilense… P\u00f2r Melo, o j\u2019era fasse l\u2019id\u00e8ja che \u2018l mat\u00f2t \u00ebd Michina l\u2019avr\u00eca mari\u00e0 soa fija Teresin, \u00ebdc\u00f2 p\u00ebr but\u00e9 ansema un t\u00f2ch \u00ebd t\u00e8ra \u00ebd p\u00ec da travaj\u00e9 e vive p\u00ec tranquij… L\u2019ha-ti 4<\/em><\/span> sent\u00ec?… Testa Pl\u00e0 5<\/span><\/em> o dis che l\u2019oma \u00abla vittoria in pugno\u00bb<\/em> Soma bej! Andoma a bostich\u00e9 le vespe!… La Russia l\u2019ha nen \u00ebd confin tant a l\u2019\u00e9 granda. Adess an fan crij\u00e9 \u201cH\u00e8ja h\u00e8ja<\/em>\u201d\u00a06<\/span><\/em> ma pen-a a vira l\u2019oma peui da crij\u00e9 H\u00e0ja h\u00e0ja<\/em>… e sti pl\u00f9fer, 7<\/em><\/span> sempe st\u00e0 n\u00f2stri nemis 8<\/span><\/em>, an comando lor… a costi falurco i lo gavroma \u2018l \u201cfesso\u201d<\/em> d\u2019an testa!\u00bb.<\/span><\/p>\n

Angelina, p\u00ebr rompe sti discors, l\u2019ava pogi\u00e0 an sl\u00eb scagnet ij bicer e Tist\u00f2t, <\/span>9<\/span><\/em> sdassne d\u2019av\u00e8j dit tr\u00f2p, l\u2019era and\u00e0 a tir\u00e9 un pinton d\u00ebl nebieu\u2019 neuv \u00ebd col bon p\u00ebr la compan\u00eca dj\u2019amis. Tuti l\u2019avo dit la soa an sla gu\u00e8ra e Cen <\/span>10<\/span><\/em> l\u2019ava tac\u00e0 a parl\u00e9 d\u00ebl m\u00ebrc\u00e0, dl\u2019amass, <\/span>12<\/em><\/span> dle requisission d\u00ebl gran e d\u00ebl vin e dle bestie. Angelina l\u2019era scociolasse an s\u00ebl bal\u00f2t \u00ebd paja dar\u00e9 a Tist\u00f2t, squasi a goernelo ch\u2019o dissa nen tr\u00f2p, e con la r\u00f2ca an man filava la lan-a toson\u00e0 a le soe feje; \u00ebl p\u00ec cit l\u2019era andurmisse con la testa an sij znoj \u00ebd mama e la mat\u00f2ta rosiava l\u2019\u00f9ltime castagne rest\u00e0 al fond \u00ebd la bronza.<\/span>
\nLa neut coatava \u2018d fi\u00f2ca le pian\u00e0, ij caplass e le mantlin-e ch\u2019a portavo tuti a soe ca.<\/span>\u00a0<\/span><\/p>\n

La festa apress, d\u00f2p M\u00ebssa, an sla piass\u00ebtta aranda dla gesa, le fomne favo reu p\u00ebr s\u00f2 cont contandse miserie e segret. Le fije as davo litura con le larme a j\u2019euj dle litre militar s\u00ebrcand d\u2019andvin\u00e9 le par\u00f2le scancel\u00e0 da la censura e arvivivo ij temp dle p\u00ec bele speranse pass\u00e0 con ij moros adess lontan coma ij p\u00ec bej seugn.<\/span>
\nIj mat\u00f2t, trames na sghijar\u00f2la, doe bal\u00f2te \u2018d fi\u00f2ca e tanti disp\u00e9t a le mat\u00f2te, favo un ciad\u00e9l \u00ebd la forca.<\/span>
\nJ\u2019\u00f2m parlavo d\u00ebl p\u00ec e d\u00ebl meno e queidun a arpijava ij d\u00ebscors dla vij\u00e0 ant la stala \u2018d Tist\u00f2t.<\/span>
\n\u00cbl vicepodest\u00e0 e \u2018l maressial an pension a passavo \u2018d cobia da \u2018n reu a l\u2019atr e, con la scusa \u2018d consgn\u00e9 dij pap\u00e9 d\u00ebl Comune, s\u00ebrcavo d\u00eb scot\u00e9 tuti ij d\u00ebscors.<\/span><\/p>\n

Pass\u00e0 p\u00f2chi di l\u2019ero ancamin\u00e0 \u2018d perquisission ant le ca, varda \u2018l cas, \u00ebd tuti coj che l\u2019avo vij\u00e0 da Tist\u00f2t e, l\u2019era da spetesslo, son \u00ebst\u00e0it tuti port\u00e0 an caserma p\u00ebr n\u2019interogat\u00f2ri. Pront\u00e0 a la lesta ij verbaj, na bon-a part dij convoc\u00e0 dai Carabign\u00e9 a Canal, son st\u00e0 port\u00e0 a Coni sensa gnanca pod\u00e8j f\u00e9 sav\u00e8j cheic\u00f2s a le famije che afan\u00e0 l\u2019han spet\u00e0 con \u00ebl magon a c\u00f2l, tuta na neuit \u00ebd pior sensa av\u00e8j \u2018d neuve. L\u2019han dnonch 12<\/em><\/span> fat un process a la lesta e Tist\u00f2t \u00ebd Catalan con Cech \u00ebd Beta, sensa \u2018l temp \u00ebd capine un-a, son trovasse an via Leutrom, 13<\/em><\/span> an p\u00ebrzon coma \u2018d delinquent.<\/span><\/p>\n

Ant la neuit, travers la sit\u00e0 b\u00f2rgna p\u00ebr l\u2019oscurament total, son st\u00e0 compagn\u00e0 da \u2018d fiolastron an camisa n\u00e8ira, a biton 14<\/span><\/em> e a p\u00e9 ant \u00ebl cul fin-a a la stassion e con un treno mal combin\u00e0 son riv\u00e0 sota sc\u00f2rta a Pisticci. 15<\/em><\/span> L\u2019avo arfilaje na condana a ses m\u00e8is \u00ebd confin p\u00ebr av\u00e8j parl\u00e0 malament d\u00ebl \u201cregime fascista\u201d<\/em> e p\u00ebr av\u00e8j minaci\u00e0 16<\/span><\/em> soversion e arvire, coma dis la sentensa d\u00ebl process \u00ebd Coni.<\/span><\/p>\n

Pisticci l\u2019\u00e9 pa mach l\u00ec a doi pass! La gent d\u00ebl p\u00f2st l\u2019\u00e9 tut \u00e0utr che grama, ma gi\u00e0 fin dal parl\u00e9 l\u2019\u00e9 pa f\u00e0cil capisse. Tuti ij di \u00ebl contr\u00f2l dai Carabign\u00e9. Mang\u00e9 \u2018l p\u00f2ch ch\u2019a-i era con ij bolin dla t\u00e9ssera anonaria, a smijava rob\u00e0 a le masn\u00e0; deurme ant n\u2019alogiament a randa dla caserma d\u2019andova as surtiva mach p\u00ebr f\u00e9 \u2018d travaj sempre sorveli\u00e0 e maltrat\u00e0 da coj plandron dla \u201cMilizia\u201d<\/em>: costa la vita grama \u00ebd tuti ij di. Le giorn\u00e0 son longhe lontan da ca e da la famija abandon\u00e0 p\u00ebr f\u00f2rsa, e a ca le fomne tend\u00eco nen a cud\u00ec le masn\u00e0, ij vej, le bestie e la campagna, e peui core a anrambesse a tute le conossense p\u00ebr av\u00e8j \u2018d neuve dj\u2019\u00f2mo lontan e dij fieu\u2019 an gu\u00e8ra.<\/span>
\nLe litre quandi rivavo l\u2019era p\u00ebr met\u00e0 d\u00ebscancel\u00e0 da la censura e ampinivo \u2018l cheur \u00ebd sangiut sar\u00e0 ant \u00ebl c\u00f2l p\u00ebr nen sagrin\u00e9 tr\u00f2p le masn\u00e0.<\/span><\/p>\n

A Cech, gi\u00e0 pit\u00f2st an l\u00e0 ant j\u2019agn, l\u2019avo condon\u00e0 tre m\u00e8is, e quandi l\u2019era part\u00ec squasi da scondon Tist\u00f2t l\u2019\u00e9 trovasse sensa gnanca \u2018l conf\u00f2rt \u00ebd n\u2019amis davzin p\u00ebr d\u00e9 sfogh a s\u00f2 sentiment an parland soa lenga \u2018d ca.<\/span>
\n\u00cbl di dla Mad\u00f2na d\u2019Agost, da n\u2019Ast, Tist\u00f2t l\u2019ha telefon\u00e0 ai s\u00f2 parent a Canal. I era gnun-e \u00e0utre manere \u2018d d\u00e9 la neuva a ca. Gidio 17<\/em><\/span> l\u2019era part\u00ec come un balin da s-ci\u00f2p con soa bici e l\u2019era riv\u00e0 stranfiand a Catalan; a ca i era gnun, j\u2019ero tuti a la M\u00ebssa Granda a port\u00e9 soe larme e s\u00f2 rosari a la Mad\u00f2na.<\/span>
\nLeone con \u00ebl camioncin che o j\u2019era fasse tajand la vitura sinchsentequat\u00f2rdes Fiat p\u00ebr nen che a-j la requisisso e p\u00ebr pod\u00e8j f\u00e9 s\u00f2 comersi, l\u2019\u00e9 riv\u00e0 ant un n\u00e8n, as f\u00e0 p\u00ebr d\u00ec con le stra d\u2019antlora, a la stassion d\u2019Ast, e l\u2019ava port\u00e0 Tist\u00f2t a ambrass\u00e9 fomna e masn\u00e0, ch\u00ebrs\u00f9e \u00ebd na spana.<\/span><\/p>\n

Arpijasse da le larme \u2018d comossion e da le prime conte dij tanti di pass\u00e0 lontan, l\u2019\u00e9 fasse na gran festa. Peui \u2018l travaj l\u2019ha comand\u00e0 le giorn\u00e0 longhe p\u00ebr la gu\u00e8ra, ch\u2019a fin\u00eca mai, e curte p\u00ebr tut \u00ebl travaj ch\u2019a l\u2019era mugiasse ant\u00ebc\u00e0 e ant le vigne travaj\u00e0 a la bel e mej da la fatiga dla fomna, rid\u00f2ta squasi a n\u2019ombra, e da le masn\u00e0 ch\u2019avo prov\u00e0 le prime brute esperiense dla vita.<\/span><\/p>\n

Fin\u00ec tut \u00ebl batibeuj dla gu\u00e8ra, l\u2019\u00e9 restaje \u2018l ric\u00f2rd \u00ebd tante prepotense, dij d\u00ebsgust, dle soferense e peu\u2019, dzoratut, \u00ebl pior p\u00ebr parent e amis m\u00f2rt sota le bombe, p\u00ebr ij fieu\u2019 che la gu\u00e8ra l\u2019ava mass\u00e0 al front e la speransa che ij tanti d\u00ebspers ant t\u00e8re lontan-e un di sar\u00eco torn\u00e0.<\/span>
\nGu\u00e8ra \u2018d p\u00f2vra gent! P\u00ebr c\u00f2sa?<\/span>
\n\u00a0<\/span>
\n(Parlada \u2018d Canal – Ro\u00e9)<\/span><\/p>\n

\u00a0<\/span>
\nIj Brand\u00e9, Armanach \u00ebd Poes\u00eca Piemont\u00e8isa 1997<\/span><\/h5>\n

\u00a0<\/span>
\n1 Arbi\u00f2t: cit arbi.<\/span>
\n 2 La carbon\u00e0 a l\u2019\u00e9 f\u00e0ita \u2018d pan e bross; \u00ebl bross a l\u2019\u00e9 na s\u00f2rt \u00ebd formagg f\u00f2rt.<\/span>
\n 3 A son ij diminutiv \u00ebd Tom\u00e0 (Masin), Fransesch (Cech), Mich\u00e9l (Miclin), Lussien (Cian\u00f2t).<\/span>
\n 4 L\u2019ha-ti?: \u2018T l\u2019has-to?<\/span>
\n 5 Benito Mussolini.<\/span>
\n 6 A l\u2019era \u2018l crij dij fassista, anvent\u00e0 da Gabriele D\u2019Annunzio.<\/span>
\n 7 Pl\u00f9fer a l\u2019\u00e9 l\u00eb stran\u00f2m che ij Piemont\u00e8is a-j dan a j\u2019Alman.<\/span>
\n 8 Nemis: inimis.<\/span>
\n 9 Tist\u00f2t: diminutiv \u00ebd Batista.<\/span>
\n 10 Cento: Vissent, Vincens.<\/span>
\n 11 Amass: an it. annona<\/em>.<\/span>
\n 12 Dnonch: dlonch, dun-a.<\/span>
\n 13 La p\u00ebrzon a l\u2019era giusta an contr\u00e0 Leutrom, a Coni.<\/span>
\n 14 Biton: arbuton.<\/span>
\n 15 An Toscan-a.<\/span>
\n 16 Minaci\u00e0: mnass\u00e0.<\/span>
\n 17 Gidio: Gili (Egidio<\/em>).<\/span>
\n\u00a0<\/span><\/p>\n

\u25c4\u00a0<\/span>Mila agn \u00ebd Literatura Piemont\u00e8isa<\/em><\/a><\/strong><\/p>\n","protected":false},"excerpt":{"rendered":"

Milen-e e milen-e d\u00eb st\u00f2rie parije a son perdusse antra l\u2019afann \u00ebd tuti ij di e le busiardar\u00ece \u2018d v\u00e0ire tonel\u00e0 \u2018d pap\u00e9 d\u00eb st\u00f2rie ufissiaj, …<\/p>\n

Silvio Faccenda. \u00ab\u00cbl confin\u00bb<\/span> Leggi tutto \u00bb<\/a><\/p>\n","protected":false},"author":2,"featured_media":23549,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[18,10],"tags":[279,280,58,281,282,59,283,37,38,39,60,61,40,62,284,285],"class_list":["post-23537","post","type-post","status-publish","format-standard","has-post-thumbnail","hentry","category-euvre-literarie","category-scritor","tag-canal","tag-canale","tag-compania-dij-brande","tag-guera","tag-guerra","tag-ij-brande","tag-langhe","tag-letteratura-piemontese","tag-lettere-piemontesi","tag-lettres-piemontaises","tag-literatura","tag-literatura-piemonteisa","tag-litterature-piemontaise","tag-piedmontese-literature","tag-roero","tag-silvio-faccenda"],"_links":{"self":[{"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/posts\/23537","targetHints":{"allow":["GET"]}}],"collection":[{"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/posts"}],"about":[{"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/users\/2"}],"replies":[{"embeddable":true,"href":"https:\/\/www.gioventurapiemonteisa.net\/2020\/index.php?rest_route=%2Fwp%2Fv2%2Fcomments&post=23537"}],"version-history":[{"count":0,"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/posts\/23537\/revisions"}],"wp:featuredmedia":[{"embeddable":true,"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/media\/23549"}],"wp:attachment":[{"href":"https:\/\/www.gioventurapiemonteisa.net\/2020\/index.php?rest_route=%2Fwp%2Fv2%2Fmedia&parent=23537"}],"wp:term":[{"taxonomy":"category","embeddable":true,"href":"https:\/\/www.gioventurapiemonteisa.net\/2020\/index.php?rest_route=%2Fwp%2Fv2%2Fcategories&post=23537"},{"taxonomy":"post_tag","embeddable":true,"href":"https:\/\/www.gioventurapiemonteisa.net\/2020\/index.php?rest_route=%2Fwp%2Fv2%2Ftags&post=23537"}],"curies":[{"name":"wp","href":"https:\/\/api.w.org\/{rel}","templated":true}]}}