{"id":19725,"date":"2014-02-01T21:58:53","date_gmt":"2014-02-01T20:58:53","guid":{"rendered":"https:\/\/www.gioventurapiemonteisa.net\/2020\/?p=19725"},"modified":"2014-02-01T21:58:53","modified_gmt":"2014-02-01T20:58:53","slug":"armanach-ferve-2014","status":"publish","type":"post","link":"https:\/\/www.gioventurapiemonteisa.net\/2020\/?p=19725","title":{"rendered":"ARMANACH | F\u00ebrv\u00e9 2014"},"content":{"rendered":"

ARMANACH 2014<\/strong>
\n\"\"<\/p>\n

St’armanach-s\u00ec a l\u2019\u00e9 dedic\u00e0 ai Piemont\u00e8is ch\u2019a son tac\u00e0 a soe r\u00e8is, a tuti coj ch\u2019a stan an Piemont e a sento l\u2019anv\u00eca \u2018d con\u00f2sse l\u2019\u00e0nima d\u00ebl pais andoa ch\u2019as treuvo e a j\u2019amis ch\u2019a l\u2019han veuja \u2018d con\u00f2sse n\u00f2sta lenga e n\u00f2sta coltura e, magara, \u2018d fene con\u00f2sse la soa.<\/span>
\nI son convinta che cud\u00ec n\u00f2ste r\u00e8is e confrontesse sensa gnun pregiudissi con j\u2019\u00e0utri a sia la manera la p\u00ec bela p\u00ebr f\u00e9 ch\u00ebrse l\u00ecber e sgnor n\u00f2str \u00ebsp\u00ecrit e n\u00f2stre masn\u00e0. Con un gr\u00f2ss GRASSIE a tuti coj ch\u2019a l\u2019han giutame.<\/span>
\n<\/strong><\/p>\n

Adriana<\/a><\/strong><\/p>\n

F\u00ebrv\u00e9 2014<\/strong>\u00a0<\/span>\u00a0<\/span><\/p>\n

\"\"1<\/span> Sant Ors<\/span><\/strong>, fera d\u2019Osta. A P\u00f2rta Pret\u00f2ria, ant \u00ebl Borgh Sant Ors, as f\u00e0 na fera bin anciarmanta, con l\u2019esposission \u00ebd tuti ij prodot artisanaj carater\u00ecstich \u00ebd la val d\u2019Osta e le scolture an b\u00f2sch.<\/span>
\nAn Val \u00ebd Susa, a Urbian (Mompant\u00e9), \u00ebl di d\u00ebl sant Protetor, Sant Ors, as rapresenta \u2018n cit drama pr\u00f2pi dr\u00f2lo, \u00ebl Bal \u00ebd l\u2019ors<\/em><\/strong><\/span>, d\u2019adoss, peul desse, s\u00e8ltich. Un p\u00ebrsonagi – che mach dontr\u00e9 p\u00ebrson-e, ch\u2019a con\u00f2sso bin la tradission, a san chi ch\u2019a l\u2019\u00e9 \u2013 a riva tut coat\u00e0 da ‘d pesse \u2018d pel \u00ebd crava e da na longa pruca ch\u2019a j\u00eb st\u00ebrma la facia. A l\u2019\u00e9 bin grop\u00e0 da c\u00f2rde e caden-e e poss\u00e0 vers \u00ebl pais dai cassador ch\u2019a l\u2019han ciapalo \u2018nt ij b\u00f2sch l\u00ec dantorn e, mincatant, a manda \u2018d braj \u00ebsbaruvant travers un gr\u00f2ss ambossor ch\u2019a ten an boca. Arlongh la stra la gent a lo patela, a lo sbefia e a serca \u2018d feje ciap\u00e9 na sumia, versandje \u2018d vin ant l\u2019ambossor. D\u00ebsdeuit e ancut\u00ec, l\u2019ors a riva an piassa e a s\u2019arvangia e a conquista la libert\u00e0, balanda con la fija p\u00ec bela d\u00ebl pais.<\/span><\/p>\n

2<\/span> La Candlera<\/span><\/strong>. Ant le gesie as das\u00eca na cand\u00e8ila bened\u00eca e, la s\u00e8ira, \u2018l pare a l\u2019anviscava e a bened\u00eca con un segn \u00ebd cros tuti ij pols \u00ebd coj dla famija, peui le p\u00f2rte e le fnestre dla ca e dla stala, ij let, le grupie e ij giogh dij beu, p\u00ebr arparesse da j\u00eb sp\u00ecrit malegn. A guaj se la cand\u00e8ila as d\u00ebstissava an mentre ch\u2019as fas\u00eca la benedission: prest cheidun \u00ebd la famija a sar\u00eca m\u00f2rt! D\u00f2p la sirim\u00f2nia, la cand\u00e8ila as tacava al mur dla stansia da deurme, dacant al Crocifiss e a l\u2019anviscavo maca s\u2019a-i ven\u00eca la tempesta o davzin al let d\u2019 un ch\u2019a l\u2019era a j\u2019\u00f9ltim.<\/span><\/p>\n

3<\/span> San Bias<\/span><\/strong>. Ancora adess, coma d\u2019antan, an n\u00f2stre gesie as s\u00e9lebra la fonsion antica dla benedission \u00ebd la gola<\/span><\/strong>.<\/span>
\nJ\u00eb Spadon\u00e9 \u2018d Venaus a s\u2019esibisso ai 3 e ai 5 d\u00eb sto m\u00e8is p\u00ebr la festa \u00ebd san Bias e Santa Br\u00ecgida.<\/span><\/p>\n

5<\/span> Sant\u2019Agh\u00ebtta<\/span><\/strong> a f\u00e0 score la biarl\u00ebtta \u2013 sto bel proverbi a anvita a la speransa, da gi\u00e0 che la giassa e la fi\u00f2ca a comenso a fonde e, bele ch\u2019a-i sio ancora \u2018d giorn\u00e0 fr\u00e8ide, la prima a s\u2019avzina.<\/span><\/p>\n

16<\/span>, ij Feu Vald\u00e8is<\/span><\/strong>. La neuit d\u00ebl 16 an val P\u00e9lis e Val Cluson, dzora a Pinareul, as f\u00e0 na gran festa p\u00ebr arcord\u00e9 la Convension dij Vald\u00e8is, ai 17 \u00ebd f\u00ebrv\u00e9 d\u00ebl 1848, con \u00ebl Regn dij Sav\u00f2ja, ch\u2019a-j das\u00eca, a la fin, la lib\u00ebrt\u00e0 \u2018d profess\u00e9 soa religion, apress s\u00e9coj \u00ebd gu\u00e8re, p\u00ebrsecussion e violense. Le montagne dle valade a son anlumin\u00e0 tuta la neuit dai Feu Vald\u00e8is<\/em>, as bala la corenta, as canta an ossitan, compagn\u00e0 da la viola dij b\u00f2rgno e, p\u00ebr \u00ebscaudesse, as b\u00e8iv un bicer \u00ebd vin brul\u00e9.<\/span><\/p>\n

27<\/span>, gi\u00f2bia grass<\/span><\/strong>, 4 \u00ebd mars, m\u00e0rtes grass: st\u2019ann-s\u00ec, \u00ebl Carlev\u00e9 a l\u2019\u00e9 bin longh, da gi\u00e0 ch\u2019a finiss ai 5 \u00ebd mars, merco scur\u00f2t<\/span><\/strong>, \u00ebl di dle S\u00ebnner<\/strong><\/span>.<\/span>
\n\u00a0<\/span>
\nIj di p\u00ec al\u00e9gher \u00ebd l\u2019ann a c\u00e0pito squasi sempe \u2018d f\u00ebrv\u00e9.<\/span><\/p>\n

\"\"\u00cbl Carlev\u00e9<\/span><\/strong> a l\u2019ha \u2018d r\u00e8is bin fonghe e diferente da \u2018n pais a l\u2019\u00e0utr.<\/span>
\nLa mascra p\u00ec arnom\u00e0, ch\u2019a rapresenta tut \u00ebl Piemont, a l\u2019\u00e9 Giandoja<\/strong> <\/span>(Gioann \u00ebd la doja): a-j pias mang\u00e9 e b\u00e8ive bin, a peul nen s-ciair\u00e9 l\u2019eva; svicc a satiris\u00e9, ma galant\u00f2m. A l\u2019\u00e9 n\u00e0, prob\u00e0bil, dla fin d\u00ebl \u2018700 an piassa Castel, andoa ch\u2019as baronavo marcandin, ciarlatan, medicon, barache dij buratin, dont Giandoja, mers\u00ec ai Frej Lupi – s\u00f2 teatro a l\u2019\u00e9 ancor viv a Turin, an contr\u00e0 Prinsi Amed\u00e9 – a l\u2019\u00e9 divent\u00e0 \u2018l p\u00ec famos. A chiel a l\u2019han dedic\u00e0 ij cicolatin piemont\u00e8is p\u00ec arnom\u00e0: ij \u00abgiandoj\u00f2t\u00bb.<\/span><\/p>\n

Minca pais, combin ch\u2019a sia cit, a serca d\u2019organis\u00e9 \u2018l carlev\u00e9 con sfilade e cher, a sconda \u2018d soe tradission.<\/span>
\nA Ivreja<\/strong><\/span> a-i \u00e9 \u2018l Carlev\u00e9 p\u00ec conoss\u00f9 d\u00ebl Piemont: l\u2019\u00f9ltim saba \u2018d Carlev\u00e9 as n\u00f2mina la Bela Mulinera e, la dum\u00ecnica, \u2018l l\u00f9n-es e \u2018l m\u00e0rtes grass as f\u00e0 la bataja dij portugaj<\/strong><\/span>. Costa manifestassion internassional a arc\u00f2rda la st\u00f2ria \u2018d Viol\u00ebtta, fija d\u2019un mulin\u00e9, fors\u00e0 a pass\u00e9 soa prima neuit \u00ebd n\u00f2sse ant \u00ebl Castel con \u00ebl f\u00ebodatari \u2018d Feder\u00ec Barbarossa, Rani\u00e9 ‘d Biandr\u00e0. La bela e vajanta fija a s\u2019arend nen a l\u2019ingiustissia d\u00ebl ius primae noctis<\/em>, ma a massa \u2018l f\u00ebodatari e a-j d\u00e0 l\u2019andi a n\u2019arvira dla popolassion. Tuti ij p\u00ebrsonage dla rievocassion \u00ebst\u00f2rica a son vest\u00ec con ij costum fiamengh \u00ebd l\u2019\u00e9poca.<\/span><\/p>\n

A l\u2019\u00e9 perdusse \u2018n p\u00f2, nop\u00e0, la tradission \u00ebd f\u00e9 l\u2019Erbo dla Cocagna<\/span><\/strong>, da gi\u00e0 che ij baracon dij \u201cLuna-Park\u201d a l\u2019han pijaje \u2018l p\u00f2st. L\u2019\u00f9ltim di \u2018d Carlev\u00e9, m\u00e0rtes grass, an quasi tuti ij pais, as fas\u00eca na gran rib\u00f2ta. An piassa a butavo l\u2019Erbo dla Cocagna, na pertia bin \u00e0uta, ch\u2019a l\u2019av\u00eca, pend\u00f9 an ponta, \u00ebd salam, \u00ebd sautisse, \u2019d bote e \u2018d tome. Tuti ij giovo d\u00ebl pais a provavo a rampignesse p\u00ebr ciap\u00e9 cheic\u00f2s, an mentre che la gent, dantorn, a-j cissava, ma la pertia a l\u2019era tuta oncia e la p\u00ec bon-a part a sghijavo e a robatavo gi\u00f9, an mes a le rijade \u2018d tuti. Mach cheidun a rivava a ciap\u00e9 ij premi e a pod\u00eca f\u00e9 sin-a con j\u2019amis: e soss\u00ec a l\u2019era consider\u00e0 \u2018n gr\u00f2ss cad\u00f2, p\u00ebrch\u00e8 da mang\u00e9 a-i j\u2019era pa v\u00e0ire e gnanca sempe\u2026 <\/span><\/p>\n

\u00cbl Carlev\u00e9, na v\u00f2lta, a l\u2019era bin p\u00ec sent\u00f9 che adess, da gi\u00e0 che ij di \u2018d festa e j\u2019ocasion d\u2019amusesse a j\u2019ero bin r\u00e0ir.<\/span>
\nLa s\u00e8ira d\u00ebl m\u00e0rtes a fas\u00eco \u2018n babacio \u2018d paja, vest\u00ec da fomna \u2013 peul d\u2019esse n\u2019arc\u00f2rd \u00ebd le masche, condan\u00e0 al ro \u2013 e a-j das\u00eco feu : a l\u2019era la fin d\u00ebl Carlev\u00e9!<\/span>
\n\u00a0<\/span>
\nMa pa tuta la gent d\u00ebl pais a fas\u00eco festa, ij p\u00ec fedej as trovavo \u2018nt la gesia, p\u00ebr le quaranta ore<\/span><\/strong> d\u2019orassion, p\u00ebr ciam\u00e9 p\u00ebrdon a Nosgnor \u00ebd tuti ij pec\u00e0 f\u00e0it an coj di \u2018d bald\u00f2ria. Da la dum\u00ecnca al merco scur\u00f2t a-i vnis\u00eca \u2018n pr\u00e8ive forest\u00e9, che, ansema al parco, mincadun s\u2019un p\u00f9lpit, a-j das\u00eca l\u2019andi a na s\u00f2rt \u00ebd rapresentassion dr\u00f2la, andoa un a fas\u00eca la part d\u2019un mangiapr\u00e8ive burlon e l’\u00e0utr a sercava \u2018d convertilo. A Carlev\u00e9 ij n\u00f2stri c\u00e9 a s\u2019amusavo findi \u2018n gesia!<\/span>
\n\u00a0<\/span>
\nCarlev\u00e9 a l\u2019era dc\u00f2 temp \u00ebd mariage e d\u2019amprom\u00ebttiure: a-i era ancor nen tan da f\u00e9 ant ij camp e le feste a j\u2019ero un dij r\u00e0ir moment che ij giovo a pod\u00eco f\u00e9 conossensa con le fije, sempre sota j\u2019euj dle mame\u2026<\/span>
\n\u00a0<\/span>
\n\u00cbl di dle S\u00ebnner, merco scur\u00f2t<\/strong><\/span>, a Biela a fan la festa d\u00ebl Babi<\/strong><\/span>, dont la mascra \u2013\u00a0ch\u2019a arc\u00f2rda, conforma la tradission, un forest\u00e9 ch\u2019a l\u2019av\u00eca serc\u00e0 \u2018d sed\u00f9e Catlin-a, la fomna bela ma ciaramlon-a \u2018d Crispin \u2013 a l\u2019\u00e9 giudic\u00e0 \u2018nt \u00ebl teatro dla sit\u00e0 e peui a bruso an piassa un babacio ch\u2019a rapresenta \u2018l babi.<\/span>
\n\u00a0<\/span><\/p>\n

Manere \u2018d d\u00ec:<\/span>
\nSente ij carlev\u00e9 sle spale<\/em> (sente \u2018l p\u00e8is d\u00ebl temp ch\u2019a passa)<\/span>
\nPiant\u00e9 barache e buratin<\/em> (lass\u00e9 tut e andessne)<\/span>
\n\u00a0<\/span>
\nProverbi:<\/span>
\nLa fi\u00f2ca \u2018d f\u00ebrv\u00e9 le galin-e a la p\u00f2rto via con ij p\u00e9.<\/span><\/em>
\nAnt la lun-a \u2018d f\u00ebrv\u00e9 a venta po\u00e9.<\/span><\/em>
\n\u00a0<\/span>
\nLinks:<\/span>
\nIl ballo dell\u2019orso<\/span><\/strong><\/a>
\nGli spadonari di Venaus<\/a><\/span><\/strong><\/p>\n","protected":false},"excerpt":{"rendered":"

ARMANACH 2014 St’armanach-s\u00ec a l\u2019\u00e9 dedic\u00e0 ai Piemont\u00e8is ch\u2019a son tac\u00e0 a soe r\u00e8is, a tuti coj ch\u2019a stan an Piemont e a sento l\u2019anv\u00eca \u2018d …<\/p>\n

ARMANACH | F\u00ebrv\u00e9 2014<\/span> Leggi tutto \u00bb<\/a><\/p>\n","protected":false},"author":2,"featured_media":19728,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[57],"tags":[7],"class_list":["post-19725","post","type-post","status-publish","format-standard","has-post-thumbnail","hentry","category-armanach","tag-articoli"],"_links":{"self":[{"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/posts\/19725","targetHints":{"allow":["GET"]}}],"collection":[{"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/posts"}],"about":[{"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/users\/2"}],"replies":[{"embeddable":true,"href":"https:\/\/www.gioventurapiemonteisa.net\/2020\/index.php?rest_route=%2Fwp%2Fv2%2Fcomments&post=19725"}],"version-history":[{"count":0,"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/posts\/19725\/revisions"}],"wp:featuredmedia":[{"embeddable":true,"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/media\/19728"}],"wp:attachment":[{"href":"https:\/\/www.gioventurapiemonteisa.net\/2020\/index.php?rest_route=%2Fwp%2Fv2%2Fmedia&parent=19725"}],"wp:term":[{"taxonomy":"category","embeddable":true,"href":"https:\/\/www.gioventurapiemonteisa.net\/2020\/index.php?rest_route=%2Fwp%2Fv2%2Fcategories&post=19725"},{"taxonomy":"post_tag","embeddable":true,"href":"https:\/\/www.gioventurapiemonteisa.net\/2020\/index.php?rest_route=%2Fwp%2Fv2%2Ftags&post=19725"}],"curies":[{"name":"wp","href":"https:\/\/api.w.org\/{rel}","templated":true}]}}