{"id":19316,"date":"2014-01-02T22:24:03","date_gmt":"2014-01-02T21:24:03","guid":{"rendered":"https:\/\/www.gioventurapiemonteisa.net\/2020\/?p=19316"},"modified":"2014-01-02T22:24:03","modified_gmt":"2014-01-02T21:24:03","slug":"19316-2","status":"publish","type":"post","link":"https:\/\/www.gioventurapiemonteisa.net\/2020\/?p=19316","title":{"rendered":"Bastian Mor\u00e9l. \u00abLe doe man\u00bb"},"content":{"rendered":"

La g\u00f2j antica \u2018d na masn\u00e0 ch\u2019a l\u2019av\u00eca tut s\u00f2 mond ant ij brass \u00ebd s\u00f2 parin, che \u2018l travaj a-j portava via \u2018l temp.<\/span><\/em><\/p>\n

\n

Le doe man\u00a0<\/span><\/strong><\/span>
\nBastian Mor\u00e9l<\/strong><\/p>\n

\u00a0<\/span>
\nParin l\u2019\u00e9 riv\u00e0 a ca da la fornasa tut \u00ebstanch; ma stass\u00e8ira, ij s\u00f2 euj a smija ch\u2019a verso na content\u00ebssa ch\u2019a-j ven dal cheur.<\/span>
\nComa \u2018ndarao che parin a saluta mach marin-a e as buta s\u00f9bit a parl\u00e9?<\/span>
\n\u00abI \u2018ndareu p\u00ec nen a travaj\u00e9!\u00bb, a dis \u00abche ij n\u00f9mer al l\u00f2t a son surt\u00ec tuti a r\u00e8is!\u00bb.<\/span>
\nNoj\u00e0utri is vardoma smaravij\u00e0 e, coma i fusso gen\u00e0, soma nen bon \u00ebd d\u00ec gnente.<\/span>
\nMarin-a, quat\u2019 a gnun, m\u00f2la \u2018l grilet dij tajarin s\u00ebl canton \u00ebd la t\u00e0ula e, vardand parin, a-j dis: \u00abI l\u2019heun-ne cap\u00ec bin?… it l\u2019has vagn\u00e0 al l\u00f2t?!\u00bb.<\/span>
\n\u00abS\u00e9!\u00bb a r\u00ebspond chiel. \u00abTuti quatr a son surt\u00ec ij m\u00e8 n\u00f9mer, e sla roa giusta!… e… darmagi ch\u2019i l\u2019heu giuv\u00e0 p\u00f2ch, d\u00ebsn\u00f2 i l\u2019avr\u00eca pod\u00f9 vagn\u00e9 tant \u00ebd p\u00ec; tutun, con tuti sti s\u00f2ld ch\u2019as gionto a coj \u00ebd la pension, a f\u00e0 p\u00ec nen da manca ch\u2019ij von-a a travaj\u00e9. Ch\u2019i peus \u00ebst\u00e9 a ca tranquil!\u00bb.<\/span>
\n\u00abMangioma, che ij tajarin a ven-o fr\u00e8id!\u00bb a dis marin-a.<\/span>
\n\u00abS\u00e9 s\u00e9, mangioma pura!\u00bb a gionz parin; \u00abe, d\u00ebstopoma \u2018dc\u00f2 na bota bon-a!\u00bb.<\/span>
\nMi, nop\u00e0 \u2018d mang\u00e9, am ven veuja \u2018d vol\u00e9. Ch\u2019i l\u2019heu la g\u00f2j al p\u00f2st \u00ebd j\u2019ale. E a l\u2019\u00e9 grev m\u00e8 v\u00f2l ant la stansa ch\u2019as f\u00e0 sempe p\u00ec cita. Ch\u2019i devo gir\u00e9 \u2018d b\u00f2t an blan, prima che mia testa a pica contra a la muraja: istess com ch\u2019a fan \u00ebl ratavol\u00f2ire.<\/span>\u00a0<\/span><\/p>\n

* * *<\/span>\u00a0<\/span><\/p>\n

Parin a star\u00e0 sempe a ca con mi! ch\u2019am tenr\u00e0 p\u00ebr man m\u00e8 parin, e am lassr\u00e0 p\u00ec nen da sol.<\/span>
\nCh\u2019ij dovreu p\u00ec nen d\u00e9 via \u2018d corsa p\u00ebr la p\u00e0u, quand s\u00ebl sent\u00e9 dla Ru\u00e0 i \u2018ncontro Tancia, che tuti a diso ch\u2019a l\u2019\u00e9 na mesa masca. Am compagnr\u00e0 parin.<\/span>
\nCh\u2019i l\u2019avreu p\u00ec nen da tribul\u00e9 a port\u00e9 \u2018l sachet \u00ebd lumasse, quand von a cheuj-je apress d\u00ebl temporal. Ch\u2019am lo portr\u00e0 parin.<\/span>
\nCh\u2019im setreu p\u00ec nen da sol s\u00ebl bion ch\u2019a-i \u00e9 sla riva d\u00ebl ri dla p\u00ebschera. Ch\u2019a-j sar\u00e0 \u2018dc\u00f2 chiel, ansem a mi a vard\u00e9 j\u2019anie \u2018d Ghitin ch\u2019a noato \u2018nt l\u2019eva. E am contr\u00e0 \u2018dc\u00f2 com ch\u2019a fan ij ranab\u00f2t a dvent\u00e9 ran-e e babi.<\/span>
\nPeu\u2019, miraco, parin am giutr\u00e0 \u2018dc\u00f2 cheuje \u2018l fior p\u00ec bele; cole ch\u2019a son sempe d\u00ebdl\u00e0 dl\u2019arian\u00f2t, ant\u00e9 che mi i-i rivo nen a pijeje. E am dar\u00e0 \u2018dc\u00f2 na man a mont\u00e9 s\u00ebl muret, p\u00ebr saut\u00e9 gi\u00f9 d\u00ebl combal, quand ch\u2019i veuj ciap\u00e9 la scursa p\u00ebr and\u00e9 \u2018n Bracala.<\/span>
\nApress, parin, am menr\u00e0 \u2018nsem a chiel p\u00ebr bol\u00e8, con l\u00f2 ch\u2019a l\u2019ha gi\u00e0 dimlo ch\u2019a veul feme \u2018mprende a con\u00f2sse bin ij bon dai gram.<\/span>
\nE peu\u2019… pensa che d\u00eb st\u00f2rie ch\u2019am contr\u00e0 parin, adess ch\u2019a l\u2019avr\u00e0 p\u00ec nen da \u2018nd\u00e9 a la fornasa. Ch\u2019a-j pensr\u00e0 quand ch\u2019a varda con j\u2019euj fiss gi\u00f9 dla comba \u2018l soe st\u00f2rie, parin; e, am je contr\u00e0 quand ch\u2019am ten set\u00e0 sij ginoj; set\u00e0 sij ginoj con la facia contra \u2018l corp\u00e8t ch\u2019a profuma \u2018d pipa.<\/span>\u00a0<\/span><\/p>\n

* * *<\/span><\/p>\n

Parin, parin, lassa che \u2018ncamin-a a \u2018mbrassete; lassa ch\u2019i \u2018ncros\u00eca ij d\u00ecj \u00ebd mie man antorn a t\u00f2 c\u00f2l; e peu… tirme s\u00f9, solevme da \u2018n t\u00e8ra, p\u00ebr tan che ij m\u00e8 l\u00e0ver a sio davzin a toa orija. Ch\u2019i veuj b\u00ebsbijetla, tuta mia bin. Ch\u2019i veuj dite che mach con ti, im sento tranquil e sicur coma \u2018n pip\u00ec sota j\u2019ale dla cioss.<\/span>
\nParin a scota e a m\u00eb strenz. A m\u00eb strenz la spala con soa man gr\u00f2ssa, scura e rupiosa, parin.<\/span>
\nMi i saro j\u2019euj e \u2018m bandon-o al calor \u00ebd cola man. Calor ch\u2019am intra fin-a \u2018nt l\u2019\u00e0nima.<\/span>
\nPeu\u2019, la man \u00ebd parin am socr\u00f2la: prima con d\u00eblicat\u00ebssa e apress man a man sempe con p\u00ec \u2018d f\u00f2rsa.<\/span><\/p>\n

Deurvo j\u2019euj. Ma a l\u2019\u00e9 na man mn\u00f9a, ci\u00e0ira e vlut\u00e0, cola ch\u2019a l\u2019ha socrolame tut. Ch\u2019a l\u2019\u00e9 la man \u00ebd mama. E mama a l\u2019\u00e9 \u2018ncamin ch\u2019am dis: \u00abS\u00f9, d\u00ebsgajte, cala gi\u00f9 dal let ch\u2019a l\u2019\u00e9 tard; ch\u2019a l\u2019\u00e9 l\u2019ora d\u00eb \u2018nd\u00e9 a l\u2019asilo; s\u00f9, bogia!\u00bb.<\/span>
\n\u00abMama!\u00bb i-j diso mi; \u00abe parin, ant\u00e9 ch\u2019a l\u2019\u00e9?\u00bb.<\/span>
\n\u00abL\u2019\u00e9 \u2018nd\u00e0it a travaj\u00e9 a la fornasa!\u00bb am r\u00ebspond mama; \u00abit lo sas bin che parin a va a travaj\u00e9 a la fornasa; che diane!\u00bb.<\/span>
\nMi i capisso d\u2019av\u00e8j sogn\u00e0.<\/span>
\nM\u00e8 cheur a piora; e piorand am possa f\u00f2ra dl\u2019euj na l\u00e0crima. Na l\u00e0crima ch\u2019a s\u2019andossiss s\u00f9bit. Ch\u2019a s\u2019andossiss pen-a che m\u00e8 sguard a \u2018ncontra col \u00ebsplendrient \u00ebd mama.<\/span>
\n\u00a0<\/span><\/p>\n

Ij Brand\u00e9, Armanach \u00ebd Poes\u00eca Piemont\u00e8isa, 2001
\n<\/span><\/p>\n

\n

\u25c4<\/span>\u00a0Bastian Mor\u00e9l<\/a><\/strong><\/p>\n

\u00a0<\/span><\/p>\n","protected":false},"excerpt":{"rendered":"

La g\u00f2j antica \u2018d na masn\u00e0 ch\u2019a l\u2019av\u00eca tut s\u00f2 mond ant ij brass \u00ebd s\u00f2 parin, che \u2018l travaj a-j portava via \u2018l temp. Le …<\/p>\n

Bastian Mor\u00e9l. \u00abLe doe man\u00bb<\/span> Leggi tutto \u00bb<\/a><\/p>\n","protected":false},"author":2,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[18,9],"tags":[],"class_list":["post-19316","post","type-post","status-publish","format-standard","hentry","category-euvre-literarie","category-literatura-2"],"_links":{"self":[{"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/posts\/19316","targetHints":{"allow":["GET"]}}],"collection":[{"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/posts"}],"about":[{"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/users\/2"}],"replies":[{"embeddable":true,"href":"https:\/\/www.gioventurapiemonteisa.net\/2020\/index.php?rest_route=%2Fwp%2Fv2%2Fcomments&post=19316"}],"version-history":[{"count":0,"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/posts\/19316\/revisions"}],"wp:attachment":[{"href":"https:\/\/www.gioventurapiemonteisa.net\/2020\/index.php?rest_route=%2Fwp%2Fv2%2Fmedia&parent=19316"}],"wp:term":[{"taxonomy":"category","embeddable":true,"href":"https:\/\/www.gioventurapiemonteisa.net\/2020\/index.php?rest_route=%2Fwp%2Fv2%2Fcategories&post=19316"},{"taxonomy":"post_tag","embeddable":true,"href":"https:\/\/www.gioventurapiemonteisa.net\/2020\/index.php?rest_route=%2Fwp%2Fv2%2Ftags&post=19316"}],"curies":[{"name":"wp","href":"https:\/\/api.w.org\/{rel}","templated":true}]}}