{"id":18998,"date":"2014-01-02T18:19:59","date_gmt":"2014-01-02T17:19:59","guid":{"rendered":"https:\/\/www.gioventurapiemonteisa.net\/2020\/?p=18998"},"modified":"2014-01-02T18:19:59","modified_gmt":"2014-01-02T17:19:59","slug":"arrigo-frusta-fassin-e-d-sabia-ii-sul-bancon-ancora-e-sempre-s-m-la-r-a-i","status":"publish","type":"post","link":"https:\/\/www.gioventurapiemonteisa.net\/2020\/?p=18998","title":{"rendered":"Arrigo Frusta. Fassin-e 'd sabia – II ("Sul bancon ancora e sempre S. M. la R.A.I.")"},"content":{"rendered":"

Fassin-e ‘d sabia – II<\/strong>
\nArrigo Frusta<\/strong><\/p>\n

.<\/span><\/p>\n

Sul bancon ancora e sempre S. M. la R.A.I. (voglio possio e comando).<\/span>
\nParija: \u2018l raugneur (1)<\/span> a l\u2019ha \u2018l gos\u00e9 pien ch\u2019a versa. E pa mojen ch\u2019i ten-a \u2018l b\u00e8ch sar\u00e0.<\/span>
\nA venta \u2018dc\u00f2 sav\u00e8j che, d\u00f2p l\u2019art\u00eccol dle \u00ab24 ore…\u00bb<\/em> a son rivame tre l\u00e9tere, i dir\u00eca, d\u2019ancoragiament.<\/span>
\nSu vintetr\u00e8 letor \u2013 gnanca un \u00ebd meno \u2013 tre adesion a fan pro na maj\u00f9scola percentual.<\/span>
\nGiusta p\u00ebr l\u00f2n, a lese se tre l\u00e9tere, m\u00eb smijava, cribio! d\u2019andemne an Paradis drinta \u2018l s\u00ebstin.<\/span><\/p>\n

Che bela c\u00f2sa avej un bon s\u00e9guit nella pubblica opinione<\/em>!<\/span>
\nPa ch\u2019i pretenda d\u2019esse fars\u00ec \u2018d sapiensa par\u00e8j dle Cont\u00ebssebleupom, che tute le sman-e da le col\u00f2ne dij gran giornaj con quat par\u00f2le a la sansoss\u00ec a buto a p\u00f2st i delusi e le deluse della vita<\/em>, o d\u2019esse pien \u00ebd supa par\u00e8j \u00ebd j\u2019Orc\u00f2rte psicoesistensialista, ch\u2019at craco l\u00ec zichin zich\u00e8t \u00ebl sistema p\u00ec c\u00f2mod d\u2019and\u00e9 a cheuje ij barbaboch sle montagne dla lun-a, quand ch\u2019at arfilo nen, gratis et amore<\/em>, la riceta contra \u2018l b\u00ebrgiabau dij canarin da grupia. N\u00f2, \u2018d se preteise j\u2019heu pr\u00f2pi mai avune.<\/span>
\nTutun am f\u00e0 g\u00f2j a pens\u00e9 d\u2019av\u00e8j da la mia \u2018l 13,004 p\u00ebr sent dij letor. Am f\u00e0 g\u00f2j e am giuta a tir\u00e9 la car\u00ebtta.<\/span><\/p>\n

Tiromla donca anans sa car\u00ebtta \u2018dc\u00f2 a prop\u00f2sit dl\u2019italian \u00ebd S. M. la R.A.I. (voglio possio e comando).<\/em><\/span>
\nAm ven an ment n\u2019art\u00eccol \u00ebd Luigi Bottazzi, public\u00e0, a l\u2019\u00e9 pa \u2019d v\u00e0ire, da la \u201cGas\u00ebtta d\u00ebl P\u00f2pol\u201d. A dis\u00eca: \u00abVi son fabbriche clandestine che mettono in circolazione parole paragonabili a monete false… C\u2019\u00e8 quasi da credere che siano coniate da un\u2019Associazione PER LA ROVINA DELLA LINGUA\u00bb<\/em>. Ma a andas\u00eca nen p\u00ec an l\u00e0. A butava nen ij pontin su j\u2019i.<\/span><\/p>\n

Nop\u00e0 mi i-j buto. E i son sicur che almanch mesa dosen-a dij m\u00e8 amis am daran rason:<\/span>
\n\u2013 V\u00eb smij-lo nen che la p\u00ec gr\u00f2ssa f\u00e0brica \u2018d se monede fausse, la p\u00ec mutin-a, (2)<\/span> la p\u00ec sbefiosa, la p\u00ec r\u00e8ida a sia pr\u00f2pi, da quaich temp a sta part, S. M. la R.A.I. (voglio possio e comando)<\/em>?<\/span>
\nE prima \u2018d tut a venta…<\/span>
\nMa n\u00f2. Prima \u2018d tut i veuj nen ch\u2019i ch\u00ebrde che noi, ch\u2019i perdoma le bave p\u00ebr la poes\u00eca piemont\u00e8isa, noi, ch\u2019i parloma, scrivoma e sugnoma an piemont\u00e8is, e al piemont\u00e8is \u2013 la p\u00ec bela, la p\u00ec veja parlada d\u00ebl mond, la parlada d\u2019Adam e d\u2019Eva andrinta a l\u2019\u00c9den \u2013 i montoma la guardia con \u00ebl fusil a crociatet, pr\u00f2pi noi is pijo \u2018l malpansa \u2018d saut\u00e9 su a difende la lingua italiana<\/em>.<\/span>
\nCh\u2019a lo faso ij giornalon, ch\u2019a seurto f\u00f2ra tuti ij di con ses p\u00e0gine (3)<\/span> e sinquantequat col\u00f2ne. A l\u2019\u00e9 s\u00f2 pan. E a sar\u00eca s\u00f2 dover.<\/span>
\nNop\u00e0 a-j penso gnanca; a preferisso ampin\u00ec le ses p\u00e0gine con le st\u00f2rie, le friciol\u00e0, rumi\u00e0 e arcassul\u00e0 p\u00ebr dij m\u00e8is, dle Bellentani e dle Rine Fort, (4)<\/span> e dij vejass ch\u2019a saro an cr\u00f2ta le creade giovo, a meuire a cit feu: a preferisso ampin\u00ece, le sinquatequat col\u00f2ne, an ciapuland, baboland e squarquarand dj\u2019er\u00f2i d\u00ebl veloc\u00ecpede, dla m\u00f2to e d\u00ebl balon dij p\u00e9, pit\u00f2st che d\u00ebscore \u2018d gram\u00e0tica \u2018d sintassi e \u2018d ret\u00f2rica.<\/span>
\nA-i mancr\u00eca n\u00e8n \u00e0utr ch\u2019is pij\u00e8isso noi \u00ebl bad\u00f2 e \u2018l malpansa \u2018d serne le p\u00f9les a l\u2019italian \u00ebd S. M. Vogliopossiocomando<\/em>! P\u00f9les da gamej, i dir\u00eca, p\u00f9les da rinoceronte<\/em>, vist che ij mamut a son p\u00ec nen \u00ebd m\u00f2da.<\/span>
\nMostreje la gram\u00e0tica a S. M.? Driss\u00e9 le gambe ai can! Fotre!<\/span>
\nA noi an basta paresse le mosche dal nas, st\u00e9 a la fnestra e g\u00f2dse l\u00eb spet\u00e0col, pensand che, d\u00f2p tut, ij ciap a smijo a j\u2019ole.<\/span>
\nE pijesse mincatant \u00ebl gust d\u2019and\u00e9 a cassa ant j\u2019anviron \u00ebd la Radio.<\/span><\/p>\n

Le manere d\u2019amusesse, a cost mond, a son tante: set\u00e0 an riva a P\u00f2, sota n\u2019erbo, un a s\u2019argio\u00ecss a camp\u00e9 drinta l\u2019aqua n\u2019ansin (5)<\/span> tac\u00e0 na lign\u00f2la (6)<\/span> e a tir\u00e9 su n\u00e8n d\u2019autut.<\/span>
\nN\u2019\u00e0utr as vest da centauro<\/em> da la testa ai p\u00e9 e, con la driade<\/em> a sd\u00f2ss (7)<\/span>, a pija la sbruv\u00ebtta p\u00ebr via Roma, la Linea dei Viali<\/em> e \u2018l Pont dle B\u00ebnne: daje! daje! D\u2019\u00e0utri a ciucio un ci\u00f2 p\u00ebr ore e ore, an giugand a canasta.<\/span>
\nMi am pias and\u00e9 a cassa ant j\u2019anviron dla Radio. L\u00f2n ch\u2019a-i va p\u00ebr cond\u00ec j\u2019ore veuide d\u00ebl d\u00f2p sin-a.<\/span>
\nBasta av\u00e8j:<\/span>
\n1) Un cadregon bin c\u00f2mod, butoma un Voltaire, ch\u2019a l\u2019ha j\u2019orije p\u00ebr apog\u00e9 la testa.<\/span>
\n2) Na bota dle ragn\u00e0 a port\u00e0 \u2018d man, butoma \u2018d Nebieul, ch\u2019a l\u2019\u00e9 un vin democr\u00e0tich, a la m\u00f2da.<\/span>
\n3) Na frisin-a \u2018d passiensa: gnanca tanta. Sovens \u00ebl gieugh a comensa \u2018d prima gionta.<\/span>
\n4) La licensa elementar. E a-i n\u00eb j\u2019\u00e9 da vende.<\/span>
\n\u2013 Veule ch\u2019i preuvo bele adess? … I-i seve? Bin a p\u00f2st? C\u00f2mod? Bicchio a la man? E tuti con v\u00f2stra brava licensa elementar?<\/span>
\n… Si? Attenti, che si va a scominziare!<\/em><\/span><\/p>\n

Giro \u2018l boton: clach! A-i sauta fora… m\u00f9sica \u2018d cassar\u00f2le rote e \u2018d gat ch\u2019a-j tiro la cova. E na vosin-a a dis: Complesso<\/em> (\u00f2h! la bela par\u00f2la! Ripetomla) Complesso Ferdineferdon. Canta<\/em>… Scapa p\u00ec che an pressa: Clach! N\u2019autra m\u00f9sica. La quinta \u2018d Beethoven. Gi\u00f9 \u2018l capel!<\/span>
\nClach! Un presentatore<\/em> a men-a la patalica (8)<\/span>. Un c\u00f2mich a tarabasca d\u00ebl mej ch\u2019a n\u2019ha p\u00ebr f\u00e9 rije. Che cassa d\u2019\u00f2r. Che p\u00f2st ideal p\u00ebr monze la vaca dle stivalade! Ma… a sar\u00eca coma spar\u00e9 drinta \u2018l gioch o ant la fasanera. D\u2019ac\u00f2rdi?<\/span>
\nClach! Arivoma a L\u2019ora della scuola<\/em>. L\u2019anvers dla midaja. P\u00f2ch da m\u00f2rde. Sper\u00e0bil che l\u2019italian a lo mostro conform as dev… Gnente d\u2019autut. Un Ma che bello \u00e8 questo<\/em>… an fa rest\u00e9 \u2018d b\u00f2sch.<\/span>
\nClach! Romanzo dialogato<\/em>. Riposomse. E scotoma la st\u00f2ria. Ch\u2019a l\u2019\u00e9 costa: Madama e mons\u00f9, dla p\u00ec bon-a socet\u00e0, as d\u00ebscheurvo ij patarass e as n\u00eb dijo dle cheuite e dle cr\u00f9e.<\/span>
\nLa cassa a comensa:<\/span>
\nPrima a-j ven f\u00f2ra un moscio<\/em>. Peui \u00ebl s\u00f2lit non ce la faccio<\/em> ripet\u00f9 v\u00e0ire v\u00f2lte. Da l\u00ec a un p\u00f2ch o che credi di buggerarmi<\/em>? E na bela, fr\u00ebsca scocciatura<\/em>.<\/span>
\nMa a son ancora mach d\u2019\u00f2r-d\u2019euvr, crocion, rosiure.<\/span>
\nFinalment, d\u00f2p v\u00e0ire l\u00ebch\u00e8t, coma a sar\u00eco un arrangiatore<\/em>, un affarato<\/em> e fai il tifo per… ecco<\/em> \u2018l piat \u00ebd mare bad\u00ebssa, la levr con le tr\u00ecfole.<\/span>
\nAnt \u00ebl bon d\u00ebl ciacol\u00e9 madama sbotta<\/em> con soa fiamenga strivass\u00e0: E non raccontarmi delle balle!<\/em><\/span><\/p>\n

A sa mira i ch\u00ebrdo m\u00e8 dover assicur\u00e9 ij vintetr\u00e8 letor che le par\u00f2le marc\u00e0 s\u00ec dzora a son aut\u00e8ntiche, sent\u00f9e da mi, a l\u2019\u00e9 pa gnanca ampess, con mie orije medeme, essendo in perfetta sanit\u00e0 di corpo e di mente.<\/em><\/span>
\n\u2013 Dle preuve? Che di ch\u2019a l\u2019era? Che ora?<\/span>
\n\u00d2h bon-a gent, a f\u00e0 pa d\u00ebbz\u00f2gn. Deurve mach la cassi\u00ebtta \u2018d S. M. Vogliopossiocomando<\/em>, a qualonque ora dla matin, d\u00ebl di e dla s\u00e8ira, e le preuve a s\u00e0uto f\u00f2ra \u2018d b\u00f2t an blan a pugn\u00e0, a capl\u00e0, a dr\u00f2ch, a la garab\u00eca, un-a p\u00ec galupa, p\u00ec gustosa che l\u2019autra…<\/span>
\nBasta av\u00e8j, come j\u2019heu gi\u00e0 dilo:<\/span>
\n1) \u00cbl cadregon Voltaire.<\/span>
\n2) La bota d\u00ebl vin \u00ebd m\u00f2da.<\/span>
\n3) La frisa \u2018d passiensa.<\/span>
\n4) La licensa elementar.<\/span>
\nE, p\u00ebr b\u00ebrlich e b\u00ebrloch, \u00ebl gieugh a l\u2019\u00e9 fait.<\/span>
\n\u00a0<\/span>
\nSaut \u00ebd p\u00f9les.<\/span>
\nSeve mai butave an camin a cont\u00e9 le st\u00e8ile dla Stra \u2018d San Giaco?<\/span>
\nNa bela macia, ch\u2019a l\u2019ha falo, a fortiss ch\u2019a son quat miliard e subia.<\/span>
\nMa a-i \u00e9 un problema p\u00ec dif\u00eccil: cont\u00e9 ij b\u00e8<\/em> ch\u2019a-i sauta f\u00f2ra dal famos cassi\u00f2t, butoma ant \u00ebl temp \u00ebd vintequat ore. S. E. Giaco: \u2013 B\u00e8<\/em>… L\u2019on. Pero: \u2013 B\u00e8<\/em>… \u00cbl prof. Martin: \u2013 B\u00e8<\/em>… Col ch\u2019a intervista: \u2013 B\u00e8<\/em>… Chi a l\u2019\u00e9 intervist\u00e0: \u2013 B\u00e8<\/em>… Chi a r\u00e9cita: \u2013 B\u00e8<\/em>… Chi a anonsia: \u2013 B\u00e8<\/em>… Col ch\u2019a riva prim an bici: \u2013 B\u00e8… saluto…<\/em> Col ch\u2019a s\u2019\u00e9 ciapasse ij c\u00e0uss al f\u00f3tbal: \u2013 B\u00e8… mi pare… B\u00e8, io credo… B\u00e8, non saprei… B\u00e8, che volete?… B\u00e8, andiamo… B\u00e8, b\u00e8,<\/em> b\u00e8 a l\u2019 \u00a0 \u00a0 \u00a0 \u00a0 \u00a0.<\/span>
\n\u00a0<\/span>
\nAnt la pi\u00f2la d\u00ebl \u00abBabi ch\u2019a v\u00f2la\u00bb Rabagas a l\u2019ha tac\u00e0 \u2018l cartel: \u00abDIO CENT. 50\u00bb. A veul d\u00ec che a prononsi\u00e9 la par\u00f2la Dio, un as cuca mesa cavija \u2018d multa. Istess ant \u00ebl regn \u00ebd S. M. Vogliopossiocomando: fucilazione nella schiena<\/em> a dovr\u00e9 \u2018l verb cominciare<\/em>, ch\u2019a l\u2019\u00e9 na par\u00f2la polida, s-c\u00ebtta, d\u2019antica e sicura nobilt\u00e0. Nop\u00e0 si usi sempre<\/em> \u2013 a dis l\u2019ukase (9)<\/span> dla R.A.I. \u2013 iniziare<\/em> (un verb dij p\u00ec brut ch\u2019a-i sia). E si usi a sproposito: Egli inizia dicendo… Caio e Sempronio iniziano con…<\/em><\/span>
\nL\u2019Ugolini a dir\u00eca: \u2013 Errore patano, da mandarli in galera.<\/em><\/span>
\nRiflession malinc\u00f2nica: Ma ij gran giornaj a fan istess.<\/span>
\nGiusta! Ij ciap a smijo a j\u2019ole.<\/span>
\n\u00a0<\/span>
\nPare Dante o l\u2019ha forgi\u00e0 l\u2019italian ant \u00ebl feu dl\u2019Infern. Peui a l\u2019ha daje tuti j\u00eb splendor d\u00ebl Paradis.<\/span>
\nManzoni a l\u2019ha ch\u00ebrd\u00f9 bin d\u2019arzentelo andrinta a l\u2019Arno.<\/span>
\nS.M. la R.A.I. (voglio possio e comando)<\/em> a s\u00eb sf\u00f2rsa d\u00eb nielo ant \u00ebl T\u00e9vere.<\/span>
\nDal cassi\u00f2t a-i ven f\u00f2ra na vos:<\/span>
\n\u2013 Emb\u00e9, che te ne freghi? Te possino…<\/span><\/em>
\nMi i buto \u2018l p\u00f2les sla ponta d\u00ebl nas, bogio ij quat d\u00ecj a vantajin-a…<\/span>
\nE i giro \u2018l boton: \u2013 Clach!<\/span><\/p>\n

\u00a0<\/span>
\n1 Raugneur: col ch\u2019a rogna.<\/span>
\n 2 Mutin-a: testarda.<\/span>
\n 3 Ai temp \u00ebd Frusta ij cotidian a surt\u00eco con coj feuj-l\u00ec.<\/span>
\n 4 P\u00ebrsonage dla cr\u00f2naca dl\u2019\u00e9poca.<\/span>
\n 5 Ansin: onsin, lansin.<\/span>
\n 6 Lign\u00f2la: cordin.<\/span>
\n 7 A sd\u00f2ss: a c\u00f2l.<\/span>
\n 8 Mn\u00e9 la patalica: mn\u00e9 la b\u00ebrtavela.<\/span>
\n 9 Ukase: diktat.<\/span><\/p>\n

\u25c4<\/span>\u00a0<\/span>Arrigo Frusta<\/strong><\/a><\/p>\n

\u00a0<\/span><\/p>\n","protected":false},"excerpt":{"rendered":"

Fassin-e ‘d sabia – II Arrigo Frusta . Sul bancon ancora e sempre S. M. la R.A.I. (voglio possio e comando). Parija: \u2018l raugneur (1) a …<\/p>\n

Arrigo Frusta. Fassin-e 'd sabia – II ("Sul bancon ancora e sempre S. M. la R.A.I.")<\/span> Leggi tutto \u00bb<\/a><\/p>\n","protected":false},"author":2,"featured_media":19111,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[18,9],"tags":[],"class_list":["post-18998","post","type-post","status-publish","format-standard","has-post-thumbnail","hentry","category-euvre-literarie","category-literatura-2"],"_links":{"self":[{"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/posts\/18998","targetHints":{"allow":["GET"]}}],"collection":[{"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/posts"}],"about":[{"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/users\/2"}],"replies":[{"embeddable":true,"href":"https:\/\/www.gioventurapiemonteisa.net\/2020\/index.php?rest_route=%2Fwp%2Fv2%2Fcomments&post=18998"}],"version-history":[{"count":0,"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/posts\/18998\/revisions"}],"wp:featuredmedia":[{"embeddable":true,"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/media\/19111"}],"wp:attachment":[{"href":"https:\/\/www.gioventurapiemonteisa.net\/2020\/index.php?rest_route=%2Fwp%2Fv2%2Fmedia&parent=18998"}],"wp:term":[{"taxonomy":"category","embeddable":true,"href":"https:\/\/www.gioventurapiemonteisa.net\/2020\/index.php?rest_route=%2Fwp%2Fv2%2Fcategories&post=18998"},{"taxonomy":"post_tag","embeddable":true,"href":"https:\/\/www.gioventurapiemonteisa.net\/2020\/index.php?rest_route=%2Fwp%2Fv2%2Ftags&post=18998"}],"curies":[{"name":"wp","href":"https:\/\/api.w.org\/{rel}","templated":true}]}}