{"id":18888,"date":"2014-01-02T00:23:56","date_gmt":"2014-01-01T23:23:56","guid":{"rendered":"https:\/\/www.gioventurapiemonteisa.net\/2020\/?p=18888"},"modified":"2014-01-02T00:23:56","modified_gmt":"2014-01-01T23:23:56","slug":"bep-ross-la-conta-dij-fo-dargent","status":"publish","type":"post","link":"https:\/\/www.gioventurapiemonteisa.net\/2020\/?p=18888","title":{"rendered":"Bep Ross. La conta dij f\u00f2 d'argent"},"content":{"rendered":"

La conta dij f\u00f2 d’argent<\/strong>
\nBep Ross<\/span><\/strong><\/p>\n

.<\/span><\/p>\n

Surt\u00ec da travaj\u00e9, la s\u00f2lita stra p\u00ebr ca da rusi\u00e9 pian pian, v\u00ebrtojand andrinta na s\u00f2rt \u00ebd gen-a a rumi\u00e9 un ringr\u00e9t \u00ebd chiss\u00e0 c\u00f2sa, coma na pen-a nen bin pass\u00e0 o n\u2019anv\u00eca st\u00ebrm\u00e0 \u2018d c\u00f2se neuve e diferente.<\/span>
\nTrames \u00ebd j\u2019archet dij p\u00f2rti, quasi ch\u2019a surt\u00e8issa da le muraje, un c\u00e9l gris a slargava s\u00f2 tuf molzin pen-a a la mira dij cop, ant\u00ebrboland l\u2019amprom\u00ebssa dle giorn\u00e0 ariose ch\u2019a l\u2019av\u00eco argiojine a l\u2019ancamin\u00e9 dl\u2019ist\u00e0.<\/span>
\nLe canton\u00e0 dij palass a sghijavo via seulie, quasi rob\u00e0 da l\u2019\u00ebscore dla gent, che, argorgand an sij marciap\u00e9, a rablava na buria meusia \u2018d moro e \u2018d gest artaj\u00e0 a na mira, da smij\u00e9 pr\u00f2pi mach surt\u00ec da tanti stampin, p\u00ec o meno tuti frust e istess.<\/span>
\nAl canton dij p\u00f2rti, andova as traversa la piassa, la vista a l\u2019av\u00eca \u2018d bel f\u00e9 a slarghesse a l\u2019anviron, e, quasi ch\u2019a f\u00f9issa poss\u00e0 a s\u00ebrch\u00e9 ant \u00ebl viroj largh d\u00ebl v\u00ebrtoj\u00e9 dla gent, sai pa mi c\u00f2 \u2018d diferent o \u2018d f\u00f2ra-via, franch coma s\u2019a f\u00f9issa mach col-l\u00ec \u2018l p\u00f2st andova a l\u2019amprovista l\u00eb straordinari a pud\u00e8issa ciap\u00e9 fasson e un, an qu\u00e0ich manera, andrinta a lo sav\u00e8issa.<\/span>
\nJ\u2019euj a s\u00eb slumavo asardos e pasi da na mira a l\u2019\u00e0utra, quand, an s\u00ebl facin grassios \u00ebd na t\u00f2ta, a ven a pich\u00e9 coma n\u2019arbat \u00ebd ci\u00e0ir, lest par\u00e8j \u2018d na lusor \u00ebs-ciap\u00ebrl\u00e0 ampressa an s\u00ebl seuli \u2018d na lama d\u2019eva, riss\u00e0 dal core dl\u2019aria.<\/span>
\nSota col \u00ebsbalun\u00e9, na gi\u00f2la a l\u2019era svaporasse dossa ansima \u2018l plage dla cara\u00a0(1)<\/span>, e n\u2019andi molzin e dru a l\u2019era spantiasse da col c\u00f2rp, anviscand n\u2019emossion \u00ebsburd\u00eca ch\u2019a sagojava \u2018l cheur, lest a s\u00ebrch\u00e9 le marche dij seugn \u00ebsterm\u00e0.<\/span>
\nJ\u2019euj susnos a vardo a la longa cola mist\u00e0, a torno a fissela, peui, ant\u00ebrdov\u00e0, a guardo ancora da bin, e, a la fin, \u00ebd malaveuja as viro an f\u00f2ra.<\/span>
\nDa davzin, p\u00ec gnente \u2018d f\u00f2ra-via. L\u2019arlus a l\u2019era pass\u00e0 sensa lass\u00e9 na marca. Ant \u00ebl f\u00ebrmiol\u00e9 svant\u00e0 (2)<\/span> dla gent, \u00ebdc\u00f2 cola na facia par\u00e8j \u00ebd j\u2019\u00e0utre.<\/span>
\nTorna la pen-a \u2018d d\u00ebspu\u00ec la g\u00f2j \u2018d minca consistensa, p\u00ebr ardrissela al fons d\u2019un s\u00ebrch\u00e9 novel p\u00ebrfum\u00e0 d\u2019amer coma \u2018n t\u00f2nich, ma con \u00ebl sust \u00ebd n\u00eb spet\u00e9 ch\u2019a conta.<\/span>
\nA l\u2019era nen la prima vira che \u2018l b\u00e0uti dle speranse a p\u00ebssiava la tlin-a (3)<\/span> dla passiensa. Un s\u2019era costumasse, ma l\u2019anv\u00eca dla d\u00ebscuerta a continuava a f\u00e9 anghicio an sle pian\u00e0 batuve, coma na masn\u00e0 ch\u2019a sav\u00e8issa pa se chit\u00e9 o arciap\u00e9 soa d\u00ebmora.<\/span>
\nA peul d\u2019esse che la prima v\u00f2lta a f\u00f9issa st\u00e0it quand che da masn\u00e0 a l\u2019av\u00eca vist, s\u00f9 ant \u00ebl valon, \u00ebl pissaj (4)<\/span> col\u00e9 gi\u00f9 ant la barma, con \u00ebl son lontan e ancreus ch\u2019a t\u00ebrlava p\u00ebr j\u2019or\u00ece, o quand che da \u2018n sla c\u00f2la a l\u2019av\u00eca s-ceir\u00e0 ij gialass (5)<\/span> lontan, a\u00f9ss sota la cr\u00ebste, f\u00e9 \u2018ma \u2018n baron d\u00eb st\u00e8ile ansima dle ciapere.<\/span>
\nA l\u2019era sempre l\u2019istess. La brusor \u00ebd core, \u00ebd riv\u00e9, \u00ebd vive na maravija, p\u00ebr arcon\u00f2sse, apress, ch\u2019a l\u2019era nen la mist\u00e0 stant\u00e0, sbalun\u00e0 \u2018nt na rajera \u2018d sol.<\/span>
\nO coma quand che, virojand p\u00ebr le boschin-e sat\u00ece \u2018d tup mascheugn, a d\u00ebstrich\u00e9 la gra dle pian\u00e0, ansima a l\u00eb sterni \u2018d feuja e \u2018d mofa, a l\u2019era gnanca la marca dij sent\u00e9, ma l\u2019av\u00e8j maitas \u00ebd riv\u00e9 a scheurve d\u00ebdl\u00e0 \u2018d na brova \u2018l canton dij seugn, o d\u2019ant\u00ebrv\u00ebdde j\u2019erbo d\u00ebl sol e dla lun-a, al fons d\u00ebl vapor \u00ecmol ch\u2019a s-ciassava coma n\u00eb sp\u00ebssor antrames \u00ebd le ramaje dla bronda.<\/span>
\nAnsima ai busson p\u00ec bass, a s\u2019arlevava \u2018n bocc \u00ebd f\u00f2, con le bare ci\u00e0ire, lov\u00e0 coma \u2018d cane d\u2019\u00f2rgo, drite sota la copa fonza e seulie \u2018ma la sira, ch\u2019a smijavo arson\u00e9,a la vista, sclin-e par\u00e8j d\u2019un ciochin a l\u2019ombra d\u2019un autar.<\/span>
\nCiss\u00e0 dal v\u00ebzzo d\u2019arambesse, d\u2019and\u00e9 toch\u00e9, \u00ebd sost\u00e9 trames a lor \u00ebl bate afar\u00e0 d\u00ebl cheur, a l\u2019era compasse a travers \u00ebd la ramaja, e, sensa gnanca sente le br\u00f2cie ch\u2019a lo pogn\u00eco an sla facia, a l\u2019era cor\u00f9 a piantesse an mes a cole bare susn\u00e0 coma \u2018n boneur.<\/span>
\nA l\u2019av\u00eca auss\u00e0 j\u2019euj ambaj\u00e0 an sla s\u00e0goma sostnuva, a l\u2019era chinasse a guard\u00e9 da bin \u00ebl gieugh angavign\u00e0 dle r\u00e8is a l\u2019ancolura (6)<\/span> rup\u00eca dij bion, peui a l\u2019era stassne ferm p\u00ebr un bel moment, con la man pogi\u00e0 an sla sc\u00f2rsa rudia dl\u2019erbo p\u00ec davzin.<\/span>
\nPa n\u00e8n da d\u00ec, a j\u2019ero pro dle bele bare, ma nen cole che chiel a l\u2019av\u00eca vist. Magara \u2018l masche a l\u2019av\u00eco faje faja (7)<\/span>: a j\u2019ero \u2018d bej erbo, si, ma nen ij s\u00f2 f\u00f2 d\u2019argent!<\/span>
\nVarda-s\u00ec, \u00ebl sust \u00ebst\u00ebrm\u00e0 \u2018d tut cost af\u00e9 a l\u2019era st\u00e0it pr\u00f2pi col d\u2019anmaginesse ij f\u00f2 d\u2019argent, e, ancor \u00ebd p\u00ec \u2018d mal f\u00e9 da s-ceirisse, d\u2019av\u00e8j av\u00f9 l\u2019arciam p\u00ebr un n\u00e8n \u00ebd v\u00ebddje.<\/span>
\nPar\u00e8j la pen-a a l\u2019era torna d\u00ebscioduva, ciuto e p\u00ebrpotenta coma la tempra d\u00ebl fil \u00ebd na lama, d\u00ebsgustosa coma na f\u00ebtta \u2018d pan amaresanta p\u00ebr \u00ebl cotel dovr\u00e0 a cheuje l\u2019argiansan-a.<\/span>
\nDa anlora, la mist\u00e0 dij f\u00f2 d\u2019argent a l\u2019av\u00eca faje compan\u00eca minca v\u00f2lta che, an sla brova \u2018d s\u00f2 and\u00e9, a l\u2019av\u00eca f\u00e0it cioci\u00f9 la sentor d\u00ebl f\u00f2ra-via.<\/span>
\nBele mach cost\u2019ist\u00e0 a l\u2019era rivaje d\u2019ant\u00ebrv\u00ebddla, quand ch\u2019a l\u2019era mont\u00e0 s\u00f9 ant ij b\u00f2sch dl\u2019ubach, andova da p\u00ec \u2018d trant\u2019agn p\u00ec gnun a l\u2019av\u00eca taj\u00e0 ij l\u00f2t.<\/span>
\nIj f\u00f2 a j\u2019ero motobin ch\u00ebrs\u00f9 e \u2018l ramage l\u2019av\u00eca av\u00f9 tut \u00ebl temp \u00ebd mont\u00e9 e d\u00eb slarghesse, an manera \u2018d riv\u00e9 quasi a toch\u00e9 con la ponta dle br\u00f2cie cole dla copa p\u00ec davzin-a. A vard\u00e9 da l\u2019adrit as v\u00ebdd\u00eca coma na t\u00ebrbolin-a dasianta \u2018d verd, pen-a mormoris\u00e0 dal bog\u00e9 dl\u2019aria, coma na s\u00f2rta d\u00eb vlu f\u00f2ra m\u00ebsura, sat\u00ec, dru, f\u00ebrmiolant, aviv e bogiarin coma le gn\u00f2che dla caj\u00e0 d\u00ebl l\u00e0it, quand che fumanta a monta su la toma.<\/span>
\nSota a col \u00ebsp\u00ebssor \u00ebd verdura le feuje dl\u2019ann pass\u00e0, sgnac\u00e0 da la fi\u00f2ca, a coatavo s-ciasse la t\u00e8ra d\u00ebspeuja, andova mach mincant veje branche scars\u00e0 o \u2018n bron d\u00eb strangola-lop (8)<\/span> as giontavo a le pere muf\u00ece p\u00ebr rompe un p\u00f2ch l\u2019esse sempre istess \u00ebd col \u00ebsterni d\u2019una grandor argenta.<\/span>
\nUn vel \u00ebd borin-a tupa a smijava ch\u2019anvlup\u00e8issa le piante p\u00ec d\u00ebsc\u00f2st, e la vista a fin\u00eca d\u00eb smasisse pr\u00f2pi ansima dj\u00eb stermaj p\u00ec artir\u00e0, andova a s’\u00ebtnis\u00eca sconduva l\u2019\u00e0nima ancreusa dla boschin-a.<\/span>
\nLass\u00f9, dzora dla trassera dij bion, che chiel a l\u2019av\u00eca mont\u00e0 p\u00ebr seurte sota dla c\u00f2la, a l\u2019av\u00eca vist un reu ansol\u00ec, andova la b\u00e0ucia (9)<\/span> a soagnava d\u2019archinaje d\u2019\u00f2r j\u2019orlo t\u00ebrmolant dij bisson sat\u00ec \u2018d frescura.<\/span>
\nAnt \u00ebl brun \u00ebd la fonzor ch\u2019anrovava \u2018l reu, \u00ebd raj \u2018d sol a picavo an b\u00ebstaj ansima ai bion, ch\u2019a splendr\u00eco d\u2019argent martl\u00e0, coma s\u2019a f\u00f9isso st\u00e0it le pilie d\u2019una gesia, tir\u00e0 s\u00f9 p\u00ebr cheuje j\u2019orassion servaje.<\/span>
\nT\u00ebrbulant s\u00f9 p\u00ebr la riva seulia e sghissanta, a l\u2019era arambasse a col canton d\u00ebl reu, ma, an montand, a l\u2019av\u00eca p\u00ebrd\u00f9 la mira, mentre na nebia, ch\u2019a l\u2019era butasse d\u00ebdnans d\u00ebl sol, a l\u2019av\u00eca stup\u00ec la gi\u00f2la dla rajera, sensa lass\u00e9 na marca ch\u2019a mostr\u00e8issa andova a l\u2019av\u00eca splendr\u00ec l\u2019arlus d\u2019argent.<\/span>
\n\u00cbl seugn ant\u00ebvist a malapen-a a l\u2019era torna d\u00ebslinguasse, cissand con l\u00f2n la veuja \u2018d torna mai sugn\u00e9.<\/span>
\n\u00cbl temp a passava adasi con ij s\u00f2 trafen e le soe ci\u00f2me (10)<\/span>, sensa ch\u2019a manch\u00e8issa minca tant \u00ebd f\u00e9 anghicio l\u2019arciam d\u2019argent.<\/span>
\nComa stass\u00e8ira ch\u2019a l\u2019era f\u00ebrmasse al bancon \u00ebd l\u2019\u00f2sto p\u00ebr poss\u00e9 f\u00f2ra d\u2019andrinta a j\u2019\u00f2ss \u00ebl mach d\u00ebl nebiass ch\u2019a fongava spess trames a le muraje dij palass.<\/span>
\nN\u2019amis \u00ebd coj \u00ebd sempre p\u00ebr comand\u00e9 la barbera e p\u00f2che par\u00f2le mincatant, p\u00ebr artaj\u00e9 \u2018n canton dasp\u00ebrlor an mes al bacan \u00ebd cola stansia ch\u2019a fin\u00eca p\u00ebr esse \u2018d gnun, f\u00f2rsa d\u2019esse dovr\u00e0 da tuti.<\/span>
\nLa g\u00f2j d\u00eb st\u00e9 ansema a das\u00eca gnun-a gen-a e, mentre \u2018l d\u00ebscore a s\u2019ant\u00ebrmesiava al gol\u00ebtt\u00e9 (11)<\/span> con deuit, dal fons dij lumet (12)<\/span> as d\u00ebsdavanavo ij tacon d\u2019un-a \u2018d cole storie st\u00ebrm\u00e0, che mach j\u2019amis a san cont\u00e9 sensa par\u00f2le.<\/span>
\nE par\u00e8j a l\u2019era torna smijaje \u2018d v\u00ebdde, o forse \u2018d sente a dindin\u00e9 coma l\u2019arson \u00ebd na vos d\u2019argent, che sensa dem\u00f2rde a contin\u00e8issa a s\u00ebrchelo a la longa e d\u2019an f\u00f2ra.<\/span>
\nDa sol a l\u2019av\u00eca peui fin\u00ec pian pian \u00ebd gotgot\u00e9 (13)<\/span> l\u2019\u00f9ltim gobl\u00f2t, guardand da bin, ant l\u2019arlus viol\u00e8t d\u00ebl vin, la marca d\u2019un arch d\u2019argent, ch\u2019as d\u00ebstacava da l\u2019orlo d\u00ebl cristal.<\/span>
\nFerm a pens\u00e9 ij vej ancontr, a l\u2019era sentusse andrinta na ponta \u2018d malanv\u00eca, ma ant l\u2019istess mentre n\u2019arbut \u00ebd g\u00f2j, smon\u00f9 da \u2018n sentiment ancreus che, o prima o apress, j\u2019erbo d\u2019argent a l\u2019avr\u00eca peui fin\u00ec con l\u2019ancontreje.<\/span>
\nPar\u00e8j, torna pasi\u00e0 con s\u00f2 destin \u00ebd suste, a l\u2019era ancaminasse p\u00ebr la stra borinuva (14)<\/span>, andova le mist\u00e0 sgrun\u00e0 dal core dj\u2019arc\u00f2rd a s\u2019ant\u00ebrsavo con d\u00eb scaje argent\u00e0, an mes a l\u2019arluse bagn\u00e0 dij pcit pontin \u00ebd la nebia.
\n<\/span><\/p>\n

\n

1 cara: dal provensal: facia; it. faccia<\/em>.<\/span>
\n2 svant\u00e0: spatar\u00e0; it. sparpagliato<\/em>.<\/span>
\n3 tlin-a: crosta ch\u2019as f\u00e0 an sul l\u00e0it buj\u00ec; pel; it.: pellicola<\/em>.<\/span>
\n4 pissaj: cascada; it. cascata<\/em>.<\/span>
\n5 gialass: giasserre; it: ghiacciai<\/em>.<\/span>
\n6 ancolura: ancoladura; it: incollatura, attaccatura.<\/em><\/span>
\n7 \u00cbl masche a l\u2019av\u00eco faje faja: it. le streghe gli avevano giocato un tiro birbone.<\/em><\/span>
\n8 strangola-lop: ac\u00f2nit, napel; it. aconito, napello (erba velenosa).<\/em><\/span>
\n9 b\u00e0ucia: erba dle c\u00f2ste dle montagne; it.: erba di montagna.<\/em><\/span>
\n10 ci\u00f2ma: arp\u00f2s, leu andova a s\u2019arp\u00f2so le bestie an montagna; it.: luogo di riposo, siesta, frequentato dagli animali.<\/em><\/span>
\n11 gol\u00ebtt\u00e9: b\u00e8ive adasi; it.: sorseggiare<\/em>.<\/span>
\n12 lumet: bianch \u00ebd l0euj; it.: pupilla<\/em>.<\/span>
\n13 gotgot\u00e9: b\u00e8ive j\u2019\u00f9ltime stisse; it.: bere le ultime gocce.<\/em><\/span>
\n14 borinuva: it.: brumosa<\/em>.
\n<\/span><\/p>\n

\n

\u25c4\u00a0<\/span>Bep Ross<\/a><\/strong><\/p>\n","protected":false},"excerpt":{"rendered":"

La conta dij f\u00f2 d’argent Bep Ross . Surt\u00ec da travaj\u00e9, la s\u00f2lita stra p\u00ebr ca da rusi\u00e9 pian pian, v\u00ebrtojand andrinta na s\u00f2rt \u00ebd gen-a …<\/p>\n

Bep Ross. La conta dij f\u00f2 d'argent<\/span> Leggi tutto \u00bb<\/a><\/p>\n","protected":false},"author":2,"featured_media":23369,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[18,9],"tags":[],"class_list":["post-18888","post","type-post","status-publish","format-standard","has-post-thumbnail","hentry","category-euvre-literarie","category-literatura-2"],"_links":{"self":[{"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/posts\/18888","targetHints":{"allow":["GET"]}}],"collection":[{"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/posts"}],"about":[{"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/users\/2"}],"replies":[{"embeddable":true,"href":"https:\/\/www.gioventurapiemonteisa.net\/2020\/index.php?rest_route=%2Fwp%2Fv2%2Fcomments&post=18888"}],"version-history":[{"count":0,"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/posts\/18888\/revisions"}],"wp:featuredmedia":[{"embeddable":true,"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/media\/23369"}],"wp:attachment":[{"href":"https:\/\/www.gioventurapiemonteisa.net\/2020\/index.php?rest_route=%2Fwp%2Fv2%2Fmedia&parent=18888"}],"wp:term":[{"taxonomy":"category","embeddable":true,"href":"https:\/\/www.gioventurapiemonteisa.net\/2020\/index.php?rest_route=%2Fwp%2Fv2%2Fcategories&post=18888"},{"taxonomy":"post_tag","embeddable":true,"href":"https:\/\/www.gioventurapiemonteisa.net\/2020\/index.php?rest_route=%2Fwp%2Fv2%2Ftags&post=18888"}],"curies":[{"name":"wp","href":"https:\/\/api.w.org\/{rel}","templated":true}]}}