{"id":13506,"date":"2013-01-14T20:31:51","date_gmt":"2013-01-14T19:31:51","guid":{"rendered":"https:\/\/www.gioventurapiemonteisa.net\/2020\/?p=13506"},"modified":"2013-01-14T20:31:51","modified_gmt":"2013-01-14T19:31:51","slug":"edoard-ignassi-calv-calvi-calvo","status":"publish","type":"post","link":"https:\/\/www.gioventurapiemonteisa.net\/2020\/?p=13506","title":{"rendered":"Edoard Ignassi Calvi (1773-1804)"},"content":{"rendered":"
\"\"
Edoard Ignassi Calvi
(Turin 1773-1804)<\/figcaption><\/figure>\n

Ant la pr\u00f2sa frans\u00e8isa (sient\u00ecfica e st\u00f2rica) a l’\u00e9 tut degord\u00ec e arbiciol\u00f9 p\u00ebrch\u00e8 ch\u2019a d\u00f2vra un asi che da \u2018n pess a l’era bin af\u00e0it e aman\u00e0, e p\u00ec che tut p\u00ebr ij Piemont\u00e8is. E beless\u00ec a paga la pen-a ‘d d\u00ec ch’a-i \u00e9 na fiamenga literadura piemont\u00e8isa an frans\u00e8isi, n\u00e0 motobin bonora e ch’a va, a l’angr\u00f2ss, fin-a a la mit\u00e0 dl’Eutsent. P\u00ebrch\u00e8 a l’\u00e9, ch’i sapia mi, nen \u00ebst\u00e0ita cuj\u00eca ant una st\u00f2ria e antolog\u00eca? Mah, i l’hai bin por ch’a sia p\u00ebr cola ret\u00f2rica nassionalista e conformista italian-a ch’a l’ha angavignane dal Setsent an peui. E d\u00ec ch’i l’oma fior \u00ebd professor \u00ebd frans\u00e8is an Piemont.<\/span><\/p>\n

P\u00ebr torn\u00e9 al Calv, a venta d\u00ec che soa dissertassion \u00abSur les poisons des animaux\u00bb<\/em>\u00a0as b\u00e8iv ant na g\u00f2la, bele ch’a sia seriosa. As sent la malpron d\u00ebl fil\u00f2sof costum\u00e0 ai pens\u00e9 \u00e0ut e f\u00f2rt :<\/span><\/p>\n

\u00ab Rien n’a \u00e9t\u00e9 si fortement cr\u00fb que ce qui \u00e9tait incroyable : une grande erreur se propage bien plus qu’une grande v\u00e9rit\u00e9, parce qu’il est plus ais\u00e9 de croire qu’il ne l’est de raisonner : et les hommes pr\u00e9f\u00e8rent le merveilleux des romans \u00e0 la simplicit\u00e9 de l’histoire \u00bb.<\/span><\/p>\n

Par\u00f2le sante, vrit\u00e0 dont chiel midem a l’avr\u00eca f\u00e0it esperiensa am\u00e8ra, contra s\u00f2 otimism, ij s\u00f2 seugn \u00ebd progress, \u00ebd rivolussion a less\u00eca, dj’agn \u00ebd soa prima gioventura. Seugn da maton ch’i l’oma f\u00e0it t\u00f9i. Un coma chiel, ch\u2019a sav\u00eca scrive ant soa lenga giusta, \u00ebl piemont\u00e8is, a sav\u00eca ‘dc\u00f2 scrive ant j’\u00e0utre. Ma ‘l bogianen \u00ebd Giandoja a l’\u00e9 sautaje f\u00f2ra dal cheur a galarin \u00ebd gi\u00f2le. Coma l’\u00e0utr Ignassi (l’lsler), tan divers ant j’ideje ma con la midema consiensa rudia e reala, a l’ha sent\u00f9 tuta soa poes\u00eca birichin\u00f2ira, cola ch’a r\u00e8spond \u00ebd p\u00ec a l’\u00e0nima popolar. Coma Broferi<\/strong><\/a>, Belli, P\u00f2rta e tanti Poeta dle lenghe martiris\u00e0. <\/span><\/p>\n

Pr\u00f2pi chiel, \u00f2m \u00ebd cheur ch’a sar\u00eca gnanca st\u00e0it bon a mass\u00e9 na mosca, coma tanti giovo a seugna d’arvir\u00e9 ‘l mond, \u00ebd port\u00e9 la fradlansa universal con l\u2019amassidi, la scarniflera, \u00ebl sangh. Costa flin-a cagnin-a, ch’a l’ha miton\u00e0 p\u00ebr s\u00e9coj, a s-ci\u00f2pa ant j’ul e braj d’arvangia d\u00ebl Passap\u00f2rt dj’aristocrat<\/em>, dla Campan-a a mart\u00e9l pr ij Piemont\u00e8is<\/em>\u00a0, d\u00ebl \u00a0Sair\u00e0 dij Piemont\u00e8is<\/em>. Boneur ch’a l’\u00e9 ‘n feu ‘d paja. L’\u00ebst\u00f2ria, la vita, l’esperiensa as cario ‘l bad\u00f2, ant dontr\u00e8 agn, \u00ebd mostreje ch’a l\u2019av\u00eca pi\u00e0 ‘n b\u00e0ilo manan e manass\u00e9 p\u00ebr na b\u00e0ila mam\u00eca.<\/span><\/p>\n

Ant \u00ebl Passap\u00f2rt<\/em>\u00a0a arc\u00f2rda con gran f\u00f2rsa ij grand d\u00ebl p\u00f2pol mass\u00e0 dai n\u00f2bij con le rove dle viture, le tor, ij torment, le caden-e:\u00a0<\/span>\u00ab Fin ch’i avr\u00ec col sangh impur<\/em> (ij n\u00f2bij) \/ ant \u00ebl regn \u00ebd l’egualiansa \/ chit\u00e9 pura la speransa \u00bb.<\/em><\/span><\/p>\n

A l’avr\u00e0 temp a antajess-ne che, droc\u00e0 ij n\u00f2bij e ‘l r\u00e8 ‘d Sav\u00f2ja, a l’\u00e9 surtijne dj’\u00e0utri e fin-a n\u2019amparor, Napolion; le viture a l’han tir\u00e0 anans a mass\u00e9 ij p\u00f2r diav ch’a van a p\u00e9, le tor, le caden-e e ij torment a son p\u00ec che mai ‘d m\u00f2da da Napolion a le ” democrass\u00ece popolar “.<\/span>
\nL\u00f2n ch\u2019anciarma an costi vers a l\u2019\u00e9 la fe candia, sclinta, masnaj\u00f9a ant \u00ebl bin, la grinor, la fradlansa; col ton, col f\u00e9 spers d\u00ebl moros anvers la morosa: la Libert\u00e0, la Giustissia. I lo trovoma torna ant L’aur\u00f2ra dla libert\u00e0 piemont\u00e8isa<\/em>. \u00cbl midem seugn dij grand \u00f2m \u00ebd s\u00f2 temp: Hoelderlin, Heine, Goethe, Beethoven, F\u00f2scolo e tanti d’\u00e0utri. Rataplan, bioch, tube ‘d liberassion \u00ebdc\u00f2 ‘nt la Campan-a a mart\u00e9l…<\/em>\u00a0:<\/span><\/p>\n

\u00ab Seve nen che quand i nasse \/ i nasse l\u00ecber e democrat? \/ A l’\u00e9 ‘l p\u00f2pol ch’ l’\u00e9 sovran… \/ son le legi mach ch’a regno… \u00bb.<\/span><\/em><\/p>\n

P\u00f2ver e car dotor! Plutarch e l’Alf\u00e9<\/strong><\/a> (Alfieri) a l’han pro mostraje bin… a sogn\u00e9. Nomp\u00e0 j’\u00f2mi a peulo basesse la man e ij d\u00ecj a pocio cand a-i \u00e9 cola cita libert\u00e0 e giustissia dle democrass\u00ece moder\u00e0, ai s\u00f2 temp l’\u00cbsv\u00ecssera e l’Anglat\u00e8ra. La resta d\u00ebl mond a l’era ‘l top p\u00ec afros, mars \u00ebd sangh nonsent, silensi ‘d braj stof\u00e0 ant le boche stop\u00e0. D\u00ebl Sair\u00e0<\/em>\u00a0(\u00c7a ira) a basta d\u00ec ‘l refren :\u00a0<\/span>\u00ab Ah! l’\u00e9 riv\u00e0<\/em> (3 vire) l’ora d’ampich\u00e9 la nobilt\u00e0 \u00bb.<\/em><\/span><\/p>\n

Boneur ch’a l’han nen \u00ebscotalo; \u00ebl sangh a slontan-a libert\u00e0 e giustissima, a ciama l’abiss, com a dis la Bibia, e ‘l gran proverbi piemont\u00e8is: sbate le nos, d\u00ec mal d\u00ebl temp, mass\u00e9 la gent a serv a nent.<\/em> Ma’nt \u00ebl Sair\u00e0<\/em>\u00a0a f\u00e0 bab\u00f2ja ‘l folet bariv\u00e9l e barab\u00f2t \u00ebd soa fantas\u00eca sat\u00ecrica :\u00a0<\/em><\/span>\u00ab Costi pataci\u00f9 \/ cari\u00e0 ‘d midaje, \/ ‘d gran colan-e e d’\u00f2r \/ e d’\u00ebscandaje… \u00bb<\/span><\/em><\/p>\n

P\u00ebr v\u00e0ire d’agn apress, \u00ebl cont Ciavarin-a a lo salvr\u00e0 da la poliss\u00eca ‘d Napolion. E chiel a lo laudr\u00e0 coma ‘l mej dij s\u00f2 amis. Ant L’aur\u00f2ra…<\/em>\u00a0a-i \u00e9 dle drolar\u00ece: \u00ab Dess l’\u00e9 temp ‘d mostr\u00e9 ch’i avoma \/ un cheur l\u00ecber italian; \/ dess l’\u00e9 temp ‘d mostr\u00e9 ch’i soma \/ sempre fieuj dij gran roman \u00bb<\/em>. A penseje bin, a smija che ‘nt l’\u00ebst\u00f2ria, italian e libert\u00e0 a sio pa and\u00e0it tr\u00f2p sovens d’ac\u00f2rdi, p\u00ebrch\u00e8 a lor a-j pias tan la libert\u00e0, ma la soa p\u00ec che cola dj’\u00e0utri. I som-ne pr\u00f2pi fieuj dij roman? Speroma che ‘d n\u00f2. Gran roman? Citin\u00f2t. As comensa con l\u2019elmo di Scipio<\/em>, le mura, gli archi e le colonne<\/em>, \u00a0gli atri muscosi e i fori cadenti<\/em>\u00a0e as finiss con Napolion e Mussolini. <\/span><\/p>\n

Soa poes\u00eca birichin\u00f2ira a trovr\u00e0 ‘l ton giust con la s\u00e0tira Sui pr\u00e8ive<\/em>. Ma soa profess\u00eca : \u00ab Sensa par\u00e0bole \/ vivroma mej \u00bb<\/em> a l’\u00e9 nen averasse. Com a l’era bel v\u00ebdde. A l’incontrari: pes, nen mej.<\/span><\/p>\n

La verva, \u00ebl giget as d\u00ebsvlupran ant \u00ebl pamphlet Fol\u00ece religiose<\/em>. Andoa la vrit\u00e0, la l\u00f2gica, l’\u00ebst\u00f2ria, la religion a son nen tr\u00f2p cap\u00ece, ma pr\u00f2pi da cost merveilleux\u00a0<\/em>dl’erreur<\/em>\u00a0pi\u00e0 p\u00ebr vrit\u00e0 as visco le sbl\u00f9e dla s\u00e0tira. Bele con \u00ebd “per\u00ecod” longhet: eut vers d’\u00f3ndes s\u00eclabe a prun. S\u00ec i trovoma fin-a n\u00f2sti vej amis:<\/span><\/p>\n

\u00ab … fas\u00eco ij rissolin e le papi\u00f2te \/ a le cavale soens e al madamin; \/ stofi d\u00eb ste balade, p\u00ebr cambieje \/ fas\u00eco manch\u00e9 ‘l fi\u00e0 al p\u00f2vre veje \u00bb.<\/span><\/em><\/p>\n

Eh n\u00f2, coma as f\u00e0 a barbari\u00e9 ij p\u00f2r brav s\u00ebrvan con le carcaveje? Ant \u00ebl ciac\u00f2t an tra l’autor e ‘l cristian, cost-s\u00ec, combin ch’a sia d\u00ebsvantagi\u00e0, a d\u00ebsmostra ‘d con\u00f2sse ij so polastrin: \u00ab\u00a0<\/em><\/span>… ma peui s a-j ven na frev o la diarea \/ ciamo \u2018l confessor e strenzo la corea \u00bb.<\/span><\/em><\/p>\n

Passaje la gran caudan-a antireligiosa, c\u00f2se che a c\u00e0pito ai giovo, j’ingiustissie f\u00e0ite dai \u201cliberador\u201c frans\u00e8is an Piemont e dai s\u00f2 tirap\u00e9 nostraj ex-rivolussionari a-j deurvo j’euj : s\u00e0tire A un scol\u00e9 ‘d Zenon…<\/em>\u00a0e A s\u00f2 amis compare T\u00f2ni…<\/em>. Costa, la p\u00ec p\u00ebrfonda, a smija scriv\u00f9a ancheuj p\u00ebr le \u201c democrass\u00ece popolar \u201c d’ancheuj :<\/span><\/p>\n

\u00ab Grassie a la filosof\u00eca, \/ ch’ l’ha oper\u00e0 sta maravija, \/ i \u00e9 pa p\u00ec gnun pregiudissi, \/ tut virt\u00f9, p\u00ec gnanca \u2018n vissi… \/ l\u00f2n ch’ na v\u00f2ta era maleur \/ bz\u00f2gna d\u00ec ch’a l’\u00e9 boneur… \/ ch’a l’\u00e9 doss l\u00f2n ch’a l’\u00e9 amer, \/ ch’a l’\u00e9 d’\u00f2r \u00ebl s\u00e9col ‘d fer… \/ ch’ j’aso son ‘d filosofon, \/ ch’ j’\u00f2m d\u00eb studi son \u2018d cojon… \/ ma ij fil\u00f2sof \u00a0\u2018d tal natura \/ l’han nen ‘d patria sicura : \/ l’era an Fransa piemont\u00e8is \/ e an Piemont l’era frans\u00e8is \u00bb.<\/span><\/em><\/p>\n

L’ameror, \u00ebl ghignon contra j’ex-rivolussiorlari e neuv reassionari a-j torna ant le F\u00e0ule moraj<\/em>\u00a0: l’incroyable<\/em>, \u00ebl merveilleux<\/em> a peul f\u00e9 raisonner<\/em>\u00a0p\u00ec e mej che la simplicit\u00e9 de l’histoire<\/em>. La Prima, L’intendent e ‘l Poj,<\/em>\u00a0a figura la neuva classe, la burocrass\u00eca. Pensoma a coma ij Piemont\u00e8is a l\u2019han ciap\u00e0 ij poj : ant \u00ebl Setsent “j’\u00ebspagneuj”, ant l’Eutsent “ij fratelli d’Italia”. Un trat\u00e0 an 6 par\u00f2le: genita coltura popolar.<\/span><\/p>\n

La midema ideja ant Le sans\u00f9e e ‘l b\u00f2rgno<\/em>. La mej, p\u00ebr s\u00f2 sp\u00ecrit, a l’\u00e9 Platon e ij Pito<\/em>; la p\u00ec seriosa e severa: Le tre Virt\u00f9<\/em>; cola ch’a s-ciairiss \u00ebd p\u00ec \u2018l progress \u00ebd s\u00f2 pens\u00e9: J\u00eb scalavron<\/em> (ij tirap\u00e9 ‘d Napolion) e j’avije<\/em> (ij Piemont\u00e8is). Coj dl’ancien r\u00e9gime<\/em>\u00a0a i’ero mach \u00ebd modest tavan ant \u00ebl rob\u00e9 l’am\u00e9l. S\u00e0tire dr\u00f9e le Stanse a mess\u00e9 Edoard<\/em>\u00a0e la \u00a0Petission dij can<\/em>\u00a0 :<\/span>
\n\u00ab …di’ ‘n p\u00f2 ch’un as vor\u00e8iss\u2019 mach lament\u00e9… \/ anlora as parla s\u00f9bit \u00ebd mass\u00e9… \u00bb.<\/span><\/em><\/p>\n

\u00c8- gi\u00e0, m\u00e8 car, a l’\u00e9 ‘ncora l’ef\u00e9t d\u00ebl Sair\u00e0<\/em>. Ma ‘l ciadeuvra ‘d tuta la poes\u00eca calvian-a a l’\u00e9 l’Artaban baston\u00e0<\/em>, ch’a meritr\u00eca ‘n longh d\u00ebscors. As passa da vers a vers coma da na bat\u00f9a, na trovada a l’\u00e0utra e un-a p\u00ec gaja che l’\u00e0utra. A smija d’esse torn\u00e0 a le baleurie ‘d bigeuje e ‘d ciabre \u00ebd Pare<\/em>\u00a0Isler<\/strong><\/a>. Darmage ch\u2019i podoma nen sit\u00e9 che na cita cita part, ma a sar\u00eca tut da sit\u00e9 l’Artaban<\/em>\u00a0:<\/span><\/p>\n

\u00ab Gi\u00f2ve, ch’ l’era gi\u00e0 gonfi, savend che s’a pod\u00eco \/ da ‘n C\u00e9l vol\u00eco sbatlo a fesse lor tre Dio, \/ s’arlama ‘n p\u00f2 le braje e con un ton serios \/ a dis: \u2013 Dla mia giustissia osserv\u00e9 ‘n colp famos… \/ Dit l\u00f2, a lassa core un pat altissonant, \/ ch\u2019a strissia, ch’a-j prec\u00ecpita sla testa com \u00ebl tron, \/ a-j fot gi\u00f9 da sul tr\u00f2no e a-j f\u00e0 rest\u00e9 cojon… \u00bb.<\/span><\/em><\/p>\n

E sempe anans par\u00e8j, fin-a che col vej ch\u2019a l’ha baston\u00e0 Artaban e che a l’\u00e9 la Giustissia midema a les \u00ebl gran decr\u00e9t \u00ebd la Providensa, ch’a finiss:<\/span>
\n\u00ab A-j ven p\u00ebr t\u00f9it la soa. Vient pour chacun son tour \u00bb.<\/span><\/em><\/p>\n

S\u00ec la vis<\/em> c\u00f2mica a l’\u00e9 tan gajarda coma ‘l pens\u00e9, \u00e0ut e ancreus, ch\u2019a fa onor a l’autor. Mincatan \u00ebl bon Ignassi Edoard as pasia; e a l’\u00e9 cand a pensa e scriv Su la vita ‘d campagna\u00a0<\/em>:<\/span><\/p>\n

\u00ab … tornisso ‘d s\u00f2tole, \/ fas dle ghingaje \/ p\u00ebr le maraje\u2026 \/ cantand an m\u00f9sica, \/ ciapand dle sumie\u2026 \/ le fomne e j\u2019\u00f2mini \/ set\u00e0 p\u00ebr t\u00e8ra… \/ con cle mat\u00f2te \/ leste com ‘d r\u00f3ndole \/ ch\u2019 fan vir\u00e9 ‘l c\u00f2te… \/ balene ‘n p\u00e0ira \/ l\u00ec bele ‘nt l\u2019\u00e0ira \u00bb.<\/span><\/em><\/p>\n

Fin-a la pol\u00ectica, trist dov\u00e9r, a-j pias p\u00ec nen: \u00ab\u00a0<\/em><\/span>Chiel \u00e9vita \/ ‘d sente ‘l ciap\u00ebtte \/ dle gent pol\u00ectiche\u2026 \u00bb.<\/span><\/em>
\nTrista la pol\u00ectica cand a dventa m\u00ebst\u00e9, col \u00ebd j’impostor.<\/span><\/p>\n

Chiel a s\u2019arlama ‘dc\u00f2 cand j’amis as mario: la Turin\u00ebtta e Giuspin Aven-a. Par\u00e8j a scriv a la prima:<\/span><\/p>\n

\u00ab I sav\u00ec ch\u2019a l’\u00e9 mia m\u00f2da \/ ‘d parl\u00e9 sempre Piemont\u00e8is, \/ bin che adess p\u00ebr tut as l\u00f2da \/ col ch’a parla mach frans\u00e8is. \/ Cola l’\u00e9 na gofar\u00eca : \/ ognidun ant so vilagi \/ dev av\u00e8j la gelosia \/ d\u00eb spieghesse ‘nt so linguagi\u2026\u00bb.<\/span><\/em><\/p>\n

A l’ha rason. Combin ch’a sia viv\u00f9 \u2018nt un temp dij p\u00ec brut, tut ghignon, flin-a e gu\u00e8re, pr\u00f2pi la lenga dla valba a l\u2019ha salvalo, a l’ha daje col bon imor, cola g\u00f2j b\u00e0uda che mach chila a peul d\u00e9.<\/span>\u00a0<\/span><\/p>\n

barba T\u00f2ni Bodr\u00ece<\/strong><\/a> | Musicalbrand\u00e9, n. 73 | Mars 1977<\/span><\/em><\/p>\n

\n

\u25c4<\/span> Mila agn \u00ebd Literatura Piemont\u00e8isa<\/a><\/em><\/strong><\/p>\n","protected":false},"excerpt":{"rendered":"

Ant la pr\u00f2sa frans\u00e8isa (sient\u00ecfica e st\u00f2rica) a l’\u00e9 tut degord\u00ec e arbiciol\u00f9 p\u00ebrch\u00e8 ch\u2019a d\u00f2vra un asi che da \u2018n pess a l’era bin af\u00e0it …<\/p>\n

Edoard Ignassi Calvi (1773-1804)<\/span> Leggi tutto \u00bb<\/a><\/p>\n","protected":false},"author":2,"featured_media":13512,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[9,10],"tags":[227,228,84,85,86,21,22,37,38,39,61,40,87,24,62,88,89,65,66,64,132,127],"class_list":["post-13506","post","type-post","status-publish","format-standard","has-post-thumbnail","hentry","category-literatura-2","category-scritor","tag-edoard-ignassi-calvi","tag-edoardo-ignazio-calvo","tag-identita-piemonteisa","tag-identita-piemontese","tag-identite-piemontaise","tag-langue-piemontaise","tag-lenga-piemonteisa","tag-letteratura-piemontese","tag-lettere-piemontesi","tag-lettres-piemontaises","tag-literatura-piemonteisa","tag-litterature-piemontaise","tag-piedmont","tag-piedmontese-language","tag-piedmontese-literature","tag-piemont","tag-piemonte","tag-poesia-piemonteisa","tag-poesia-piemontese","tag-poesie-piemontaise","tag-torino","tag-turin"],"_links":{"self":[{"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/posts\/13506","targetHints":{"allow":["GET"]}}],"collection":[{"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/posts"}],"about":[{"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/users\/2"}],"replies":[{"embeddable":true,"href":"https:\/\/www.gioventurapiemonteisa.net\/2020\/index.php?rest_route=%2Fwp%2Fv2%2Fcomments&post=13506"}],"version-history":[{"count":0,"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/posts\/13506\/revisions"}],"wp:featuredmedia":[{"embeddable":true,"href":"https:\/\/www.gioventurapiemonteisa.net\/2020\/index.php?rest_route=\/wp\/v2\/media\/13512"}],"wp:attachment":[{"href":"https:\/\/www.gioventurapiemonteisa.net\/2020\/index.php?rest_route=%2Fwp%2Fv2%2Fmedia&parent=13506"}],"wp:term":[{"taxonomy":"category","embeddable":true,"href":"https:\/\/www.gioventurapiemonteisa.net\/2020\/index.php?rest_route=%2Fwp%2Fv2%2Fcategories&post=13506"},{"taxonomy":"post_tag","embeddable":true,"href":"https:\/\/www.gioventurapiemonteisa.net\/2020\/index.php?rest_route=%2Fwp%2Fv2%2Ftags&post=13506"}],"curies":[{"name":"wp","href":"https:\/\/api.w.org\/{rel}","templated":true}]}}