{"id":12520,"date":"2013-01-31T23:03:11","date_gmt":"2013-01-31T22:03:11","guid":{"rendered":"https:\/\/www.gioventurapiemonteisa.net\/2020\/?p=12520"},"modified":"2013-01-31T23:03:11","modified_gmt":"2013-01-31T22:03:11","slug":"auld-lang-syne","status":"publish","type":"post","link":"https:\/\/www.gioventurapiemonteisa.net\/2020\/?p=12520","title":{"rendered":"Auld Lang Syne"},"content":{"rendered":"
\"\"
David Riss (anv. 1533-1566)<\/figcaption><\/figure>\n

La st\u00f2ria ‘d sa canson a l’\u00e9 an broa a cola dla m\u00f9sica piemont\u00e8isa, grop\u00e0 a costa giumai mach da la nassionalit\u00e0 dl’autor \u00ebd la melod\u00eca.<\/span><\/p>\n

David Riss (stropi\u00e0 da man a man an Riccio, Ricci, Rizzio, Riz, Rizzi, Rizzio, Rezzio, Rizzo, Rizo<\/em>) a l’era nass\u00f9 a Pancal\u00e9 (o a Moncal\u00e9) vers l’ann\u00a0<\/span>1533. Vn\u00f9 al mond ant un Piemont disput\u00e0 antra Fransa e Spagna (<\/span>Turin d\u00ebl 1536 a l’era st\u00e0it pij\u00e0 dai frans\u00e8is che, baricasse contra j\u00eb spagneuj, a l’av\u00eco port\u00e0 a la d\u00ebstrussion \u00ebd tuti ij monument \u00ebd l’\u00e9poca roman-a), s<\/span>‘a fussa mach un p\u00f2ver musicant d\u00eb stra\u00a0<\/span>o un n\u00f2bil as s\u00e0 nen.\u00a0<\/span>Giovo al servissi dl’arsiv\u00ebsco ‘d Turin, a cantava, a smija, da le bande dla P\u00f2rta Palass, compagnandse co’l lut, \u00ebl violin e d’\u00e0utri instrument, fasandse con\u00f2sse da tuta la sit\u00e0, fin-a a riv\u00e9 a la cort d’Emanu\u00e9l Filibert a Turin e peui a Nissa.\u00a0Testa ‘d Fer<\/em>, protetor dj’artista,\u00a0a l’av\u00eca sernulo p\u00ebr \u00ebl\u00a0<\/span>s\u00e9guit \u00ebd l’ambassador piemont\u00e8is\u00a0<\/span>Solar \u00ebd Mor\u00ebtta a la cort d’<\/span>\u00cbsc\u00f2ssia, apreu dl’arfin\u00e0 argin-a\u00a0<\/span>Mary Stuart. Riv\u00e0 l\u00e0 d\u00ebl\u00a0<\/span>1561 l’argin-a a l’av\u00eca ciamaje a l’ambassador \u00ebd lassejlo giont\u00e9 ai s\u00f2 cantor \u00ebd cort. Angagi\u00e0 a la cort \u00ebscoss\u00e8isa, David Riss – conform a l\u00f2n ch’a scriv\u00a0<\/span>James Melville – a l’ha arnov\u00e0 la m\u00f9sica scoss\u00e8isa: William Thompson (1725) a j’atribuiss \u00ebd m\u00f9siche par\u00e8j ‘d The lass of Patie\u2019s Mill, Auld Rob Morris, Ann thou were my ain thing, The broom of Cowdenknowes, Ode on the death of Fran\u00e7ois II, The Bush aboon Traquair, Down the burn Davie. <\/em>James Oswald (<\/span>1742) e peui d’\u00e0utri studios a-j dan la parternit\u00e0 ‘d v\u00e0ire composission ancheuj consider\u00e0 tradissionaj [*]; coms\u00ebss\u00eca a l’\u00e9 st\u00e0it \u00ebl prim trascritor \u00ebd le melod\u00ece scoss\u00e8ise.<\/span><\/p>\n

La p\u00ec veja tradission a veul che David Riss a l’abia port\u00e0 da Turin l’antica melod\u00eca d’Auld Lang Syne<\/em>, canson che peui a sar\u00eca st\u00e0ita conoss\u00f9a an tut \u00ebl mond (Valzer delle candele, Valser dans l’ombre<\/em>) e vir\u00e0 ant un gran n\u00f9mer \u00ebd lenghe e dialet. Le par\u00f2le angl\u00e8ise d’ancheuj a son euvra ‘d Robert Burns (sconda mit\u00e0 d\u00ebl s\u00e9c. XVIII), framasson, ch’a l’ha dzorponuje ‘n significat malissios.<\/span><\/p>\n

\"\"David Riss a l’era, con Mary Stuart, al servissi dla c\u00e0usa cat\u00f2lica. Le legende ch’a son contasse a son st\u00e0ite v\u00e0ire. Tant davzin a l’argin-a, cat\u00f2lich e forost\u00e9, a l’av\u00eca ansig\u00e0 ‘d gelos\u00ece. A l’avis \u00ebd ch\u00e8ich autor David Riss a sar\u00eca st\u00e0it na sp\u00eca d\u00ebl Papa cari\u00e0 ‘d d\u00ebsfende ‘l catolissism<\/span><\/span>. Tutun na cospirassion pol\u00ectica dl’argin-a Elisabeta I d’Anghilt\u00e8ra e dij n\u00f2bij \u00ebscoss\u00e8is, profitand \u00ebdc\u00f2 dla gelos\u00eca dl’\u00ebscond \u00ebspos \u00ebd Mary Stuart, l<\/span>ord Darnley, a l’ha port\u00e0 a s\u00f2 sassinage, ai 9 \u00ebd mars d\u00ebl 1566 a Edimborgh. Ij sold\u00e0 dij rivoltos a l’av\u00eco f\u00e0it irussion\u00a0<\/span>ant la sala a mang\u00e9 d’<\/span>Holyrood Palace ciamandje a l’argin-a ‘d cons\u00ebgneje ‘l Riss. Coma costa a l’av\u00eca arfud\u00e0, a l’av\u00eco massalo belel\u00ec con sinquantesset pugnard\u00e0, dnans \u00ebd campelo gi\u00f9 da le scale. An sentiend ij braj \u00ebd l’argin-a la gent a j’ero cor\u00f9 al socors, ma costa, sota le mnasse, a j’era st\u00e0ita oblig\u00e0 a congedieje. \u00a0Mary Stuart a l’era peui scap\u00e0 da na fnesta anroland \u00ebd linseuj. Torn\u00e0 na sman-a apress con ij s\u00f2 sold\u00e0 a l’av\u00eca peui arcass\u00e0 ij ribej e organis\u00e0 na sepoltura imponenta p\u00ebr s\u00f2 amis.<\/span><\/div>\n
\u00cbl c\u00f2rp \u00ebd Davis Riss ancheuj a l’\u00e9 str\u00e0 ant la cesa ‘d Canongate Kirkyard a Edimborgh.<\/span><\/div>\n

Auld Lang Syne <\/em>ancheuj a l’\u00e9 la canson d’adieu a l’ann vej, sortut ant ij Pais anglo-s\u00e0sson.<\/span><\/p>\n

\u00a0<\/span><\/p>\n

\u25bc<\/span> by Andre Rieu & The European Pipe Band<\/p>\n