{"id":12099,"date":"2013-01-26T00:32:42","date_gmt":"2013-01-25T23:32:42","guid":{"rendered":"https:\/\/www.gioventurapiemonteisa.net\/2020\/?p=12099"},"modified":"2013-01-26T00:32:42","modified_gmt":"2013-01-25T23:32:42","slug":"ciribiribin","status":"publish","type":"post","link":"https:\/\/www.gioventurapiemonteisa.net\/2020\/?p=12099","title":{"rendered":"Ciribiribin (1898)"},"content":{"rendered":"

Costa vals \u00ebd la Belle \u00c9poque turin\u00e8isa a l’\u00e9 ancor ancheuj la canson piemont\u00e8isa la p\u00ec conoss\u00f9a al mond.<\/span><\/p>\n

\"\"
\u00cbl M\u00b0 Pestalozza
(Turin, 1851-1934)<\/figcaption><\/figure>\n

Compon\u00f9a a Turin\u00a0<\/span>d\u00eb<\/span>l 1898\u00a0<\/span>dal Maestro\u00a0<\/span>Albert Pestalozza an sle par\u00f2le d\u00ebl poeta Carlin Tiochet <\/span>(scriv\u00f9a ant un piemont\u00e8is p\u00f2st-unitari, ch’a ancamin-a a sente la pression \u00ebd l’italian), a l’\u00e9 st\u00e0ita cre\u00e0 da la chanteuse austrian-a\u00a0<\/span>Mitzi Kirchner.<\/span>\u00a0\u00cbl sucess a l’era st\u00e0it inmedi\u00e0, tant ch’a l’han dun-a pens\u00e0 ‘d virela an d’\u00e0utre lenghe.<\/span><\/p>\n

Albert Pestalozza (Turin, 1851-1934), dont\u00a0<\/span>Ciribiribin<\/span><\/em>\u00a0a l’\u00e9 s\u00f2 p\u00ec gran sucess, a l’\u00e9 st\u00e0it \u00ebdc\u00f2 composidor d’oper\u00ebtte e ‘d\u00a0<\/span>comedie musicaj, dnans \u00ebd desse a la m\u00f9sica legera.<\/span><\/p>\n

Carlin Tiochet, nass\u00f9 Carlo Alfredo Occhetti d\u00ebl 1863 a Fiorensa, riv\u00e0 a Turin bin giovo a l’\u00e9 ampadronisse s\u00ec bin dla lenga piemont\u00e8isa a la mira ‘d disse\u00a0<\/span>“Toscano per sbaglio”<\/em>. Piess \u00ebd boh\u00e9mien conoss\u00f9 an tut Turin, fondador – e diretor p\u00ebr na vinten-a d’ani – \u00ebd l’ebdomadari piemont\u00e8is\u00a0<\/span>\u00abLa Birichin-a\u00bb<\/em>\u00a0e colaborador \u00ebd \u00abL’Aso\u00bb<\/em>. Umorista genial, poeta, novelista e autor \u00ebd teatro, p\u00ec che tut \u00ebd drama: La bela sigalera d\u00ebl parch, La brichetera ‘d San Salvari, Al n\u00f2str bon Giandoja, Le fije dij c\u00ecrcoj, Dova a va Gian a va Gin,\u00a0Ij Gargagnan<\/em> (scriv\u00f9a con Am\u00eclcare Solferin), La krumira dle cotonere dl’Aur\u00f2ra<\/em> (but\u00e0 an sena da la Compan\u00eca ‘d Mario Casaleggio), La bela mulinera d’Ivrea<\/em> (Compan\u00eca Casaleggio-Gemelli), La Cichin-a d\u00ebl fabricon, \u00cbl delit d\u00ebl pont Sangon, La regin-a ‘d P\u00f2rta Palass, \u00cbl r\u00e8 ‘d Vanchija, Bel dobi o \u00cbl teror dij l\u00e0der, Vintesset s\u00f2ld al di, Le paure ‘d Giandoja, Ij doj gemej, \u00cbl delit \u00ebd Beinasch<\/em> (con Am\u00eclcare Solferin), Chi monta e chi cala,\u00a0Ij m\u00f2rt a t\u00e0ula<\/em> (conferensa umor\u00ecstica) e via f\u00f2rt. La colaborassion con Pestalozza a l’ha dane d’\u00e0utre canson ancheuj p\u00ebrd\u00f9e o d\u00ebsmenti\u00e0 (\u00cbl l\u00f9n-es<\/em>…).<\/span><\/p>\n

\"\"
Carlin Tiochet
(1863-1912)<\/figcaption><\/figure>\n

Malavi da temp, malgr\u00e9 la vzinansa ‘d tuti ij s\u00f2 amis Tiochet a l’ha pens\u00e0 ‘d massesse\u00a0<\/span>ai 3 d’ot\u00f3ber d\u00ebl\u00a0<\/span>1912\u00a0<\/span>tirandse ‘n colp,\u00a0<\/span>a 49 ani, ant soa ca al ters pian \u00ebd contr\u00e0 ‘d Santa Clara 12 bis<\/span>. S\u00f2 c\u00f2rp a l’han trovalo la portiera e s\u00f2 amis (e ‘dc\u00f2 chiel autor \u00ebd canson)\u00a0Gioann Gastald<\/strong><\/a>\u00a0<\/em>(alias\u00a0Tito Livido).<\/em><\/span><\/p>\n

Vir\u00e0 an tute le lenghe an tut \u00ebl mond, Ciribiribin\u00a0<\/em>a l’\u00e9 st\u00e0ita grav\u00e0 da Enrico Caruso, \u00ebl\u00a0<\/span>Trio Lescano,\u00a0<\/span>Kurt Henkels, Les Surfs, Duke Ellington,\u00a0<\/span>Renato Carosone, Carlo Pierangeli, Claudio Villa, Mario Lanza, Benny Goodman, Grace Moore, Frank Sinatra, Frank Pourcel, Miranda Martino, Bing Crosby e The Andrews Sisters, Erna Sack, Maria Candido…\u00a0<\/span><\/p>\n

Ciribiribin a l’\u00e9 na canson “contra ‘l temp”, la n\u00f2sta canson d’autor la p\u00ec conoss\u00f9a a la mira che scasi p\u00ec gnun a l’ha mem\u00f2ria ‘d chi ch’a l’ha scrivula (a l’han stamp\u00e0 ‘d petits formats<\/em> ch’a la sfrosavo p\u00ebr neapolitan love song<\/em> e ancor ancheuj cheidun a d\u00e0 j’autor coma milan\u00e8is).<\/span><\/p>\n

Ant col’\u00e9poca (tut par\u00e8j d’ancheuj) la “canson italian-a” a esist\u00eca nen. As s\u00e0 nen se la prima a fussa st\u00e0ita La Spagnola <\/em>o giusta Ciribiribin<\/em>; p\u00ebr cost’\u00f9ltima as d\u00ebsmentia s\u00e8mper \u00ebd memori\u00e9 ch’a l’era na tradussion, e che la tuta prima version, cola del\u00a01898 \u00ebd Mitzi Kirchner, a l’era an piemont\u00e8is.<\/span><\/p>\n


\n<\/span><\/div>\n

CIRIBIRIBIN<\/span>
\n(Carlin Tiochet\u00a0–\u00a0Albert Pestalozza, 1898)<\/strong><\/p>\n

\u00abSe mia mare a lo sav\u00e8issa<\/span>
\nche mi i ven-o al Valentin<\/span>
\nam piantr\u00eca su na gran-a,<\/span>
\nuna gran-a sensa fin\u00bb.<\/span>
\n\u00abMa se toa mare a crija,<\/span>
\ne ti, lassla \u2018mp\u00f2 crij\u00e9!<\/span>
\nC\u00f2sa veus-to mai ch\u2019a dija?<\/span>
\nChe noi i soma \u00ebd fafioch\u00e9\u00bb.<\/span>
\nMa peui chi-s\u00e0 c\u00f2s a dir\u00e0?<\/span>
\nC\u00f2s a dir\u00e0 quand ch\u2019a savr\u00e0?<\/span>
\nDir\u00e0\u2026 dir\u00e0\u2026 ciribiribin! ciribiribin! ciribiribin!<\/span>
\n\u00a0<\/span>
\nCiribiribin! Che bel facin, che bej ujin, che bel nasin.<\/span>
\nCiribiribin! Che bel bochin l\u2019\u00e9 pr\u00f2pe f\u00e0it p\u00ebr f\u00e9 \u2018d basin.<\/span>
\nCiribiribin! Che bel vitin, da strenze s-ciass s\u2019am ven davzin,<\/span>
\nCiribiribin! Ciribiribin! Ciribiribin! Che bel facin!<\/span>
\n\u00a0<\/span>
\n\u00abLassla perde, bel morucio,<\/span>
\nlassla perde \u00ebd f\u00e9 \u2018d basin!<\/span>
\n\u2018T v\u00ebdde nen, la lun-a an guarda,<\/span>
\ntut soss\u00ec a va nen bin\u00bb.<\/span>
\n\u00abE se bin la lun-a an guarda,<\/span>
\nma ti, lassla \u2018mp\u00f2 guard\u00e9!<\/span>
\nC\u00f2sa veus-to mai ch\u2019a dija?<\/span>
\nCh\u2019i saroma \u00ebd fafioch\u00e9\u00bb.<\/span>
\nMa peui chi-s\u00e0 c\u00f2s a dir\u00e0?<\/span>
\nC\u00f2s a dir\u00e0 quand ch\u2019a savr\u00e0?<\/span>
\nDir\u00e0\u2026 dir\u00e0\u2026 ciribiribin! ciribiribin! ciribiribin!<\/span>
\n\u00a0<\/span>
\nCiribiribin! Che bel facin, che bej ojin, che bel nasin.<\/span>
\nCiribiribin! Che bel bochin l\u2019\u00e9 pr\u00f2pe f\u00e0it p\u00ebr f\u00e9 \u2018d basin.<\/span>
\nCiribiribin! Che bel vitin, da strenze s-ciass s\u2019am ven davzin,<\/span>
\nCiribiribin! Ciribiribin! Ciribiribin! Che bel facin!<\/span><\/p>\n

\u25bc<\/span>\u00a0L’ant\u00ebrpretassion\u00a0piemont\u00e8isa<\/span>\u00a0\u00ebd Franca Frati e Carlo Pierangeli (Carlo Caniggia, Casal 1928\u2013Turin 2008)\u00a0d\u00ebl 1961,<\/span><\/strong><\/em>compagn\u00e0 da l’Orchestra d\u00ebl M\u00b0 Gardin, che da p\u00f2ch l’editris musical <\/span>Pentagramma<\/a>\u00a0<\/strong><\/em>‘d Turin a l’ha arpij\u00e0 an Cd.<\/span><\/strong><\/em><\/p>\n

<\/object><\/p>\n

\u25bc\u00a0<\/strong><\/em><\/span>L’iresist\u00ecbila e virtuosa ant\u00ebrpretassion swing an italian d\u00ebl 1942 da part d\u00ebl Trio Lescano,<\/span>
\npiemont\u00e8ise turin\u00e8ise d’adossion:<\/span><\/p>\n