{"id":11997,"date":"2013-01-24T22:59:30","date_gmt":"2013-01-24T21:59:30","guid":{"rendered":"https:\/\/www.gioventurapiemonteisa.net\/2020\/?p=11997"},"modified":"2013-01-24T22:59:30","modified_gmt":"2013-01-24T21:59:30","slug":"11997-2","status":"publish","type":"post","link":"https:\/\/www.gioventurapiemonteisa.net\/2020\/?p=11997","title":{"rendered":"Baron Litron"},"content":{"rendered":"

\"\"Canson patri\u00f2tica d\u00ebl S\u00e9col XVIII bin conoss\u00f9a an Piemont. A conta dla m\u00f2rt d\u00ebl baron Karl Sigmund Friedrich Wilhelm von Leutrum (1692\u20131755), general \u00ebd l’armeja piemont\u00e8isa-savojenga, nass\u00f9 alman e vn\u00f9it a esse piemont\u00e8is a 14 agn.<\/span><\/em><\/span><\/em><\/p>\n

<\/em>Ant la Gu\u00e8ra ‘d Sucession d’\u00c0ustria Leutrum a pija part a l’atach vitorios d<\/span>\u00ebl regiment piemont\u00e8is Rehbinder contra j’\u00cbspagneuj a Camposanto (8.2.1743), surtendne con \u00ebd bl\u00ebssure greve. D\u00ebsfensor \u00ebd\u00a0Vilafranca-s\u00ebl-Mar (1744), peui\u00a0Governador \u00ebd Coni e er\u00f2e dl’assedi franco-spagneul\u00a0d\u00ebl 1744, arposs\u00e0.\u00a0Vagneur d\u00ebl 1745 a la bataja ‘d Seva, a arconchista Costi\u00f2le, Balang\u00e9, Castagn\u00f2le dle Lanse e peui,\u00a0<\/span>sota na tormenta,\u00a0a arpija Ast con n’atach \u00e9pich (7.3. 1746), fasand p\u00ebrzon\u00e9 neuv batajon frans\u00e8is; apress a l\u00ecbera la sitadela ‘d Lissandria (10.3.1746) e Valensa (4.5.1746). D\u00ebl 1747 \u00a0a f\u00ebrma sinquanta batajon franco-spagneuj\u00a0antra Saorz, Oneja e Savon-a.<\/span><\/em><\/p>\n

<\/em>Er\u00f2e anteligent e incorut\u00ecbil, la popolassion a l’ha vorsuje bin a la mira ‘d piemontiseje ‘l n\u00f2m e dedicheje costa balada ch’a conta soe dariere ore ‘d vita.\u00a0<\/em>A meuir a Coni ai 16 \u00ebd magg d\u00ebl 1755.\u00a0S\u00f2 c\u00f2rp a l’\u00e9 str\u00e0 ancor ancheuj al templi vald\u00e8is d\u00ebl Ciabass (\u00cbngreugna), con p\u00f2ich onor. Soa ca ‘d Turin a l’\u00e9 st\u00e0ita camp\u00e0 gi\u00f9 p\u00ebr f\u00e9 la diagonal antra piassa Castel e piassa d\u00ebl B\u00f2sch (ancheuj Solferin). La grinor dij Piemont\u00e8is a l’\u00e9 testimoni\u00e0 mach p\u00ec da la vitalit\u00e0 d’\u00ebsta canson, cuj\u00eca la prima vira dal Nigra d\u00ebl 1860 ch’a l’av\u00eca cantajla ‘n sonador mendich a Coni.<\/em><\/p>\n

<\/h2>\n

BARON LITRON<\/span>\u00a0<\/span><\/h2>\n

Andrin Turin a-i \u00e9 dij cont, a-i \u00e9 dij cont e d\u00eb le d\u00e0ime,<\/span>
\ne d\u00eb le d\u00e0ime e dij baron, pianzo la m\u00f2rt \u00ebd Baron Litron.<\/span>
\n\u00a0<\/span>
\nS\u00ebgnor lo R\u00e8, quand l\u2019ha sav\u00f9 ch’ Baron Litron l\u2019era malavi,<\/span>
\nciama car\u00f2sse e caross\u00e9: Baron Litron l\u2019\u00e9 \u2018nd\u00e0 trov\u00e9.<\/span>
\n\u00a0<\/span>
\nQuand l\u2019\u00e9 riv\u00e0 a Mad\u00f2na dl\u2018Olm, prima d\u2019intr\u00e9 \u2018nt la sit\u00e0 \u2018d Coni,<\/span>
\ntoco tromb\u00ebtte, sparo ij canon p\u00ebr arlegr\u00e9 Baron Litron.<\/span>
\n\u00a0<\/span>
\nS\u00ebgnor lo R\u00e8 quand l\u2019\u00e9 stait l\u00e0: \u00abBaron Litron, com a la va-la?\u00bb.<\/span>\u00a0<\/span>
\n\u00abSta malad\u00eca… j’heu da mur\u00ec, j\u2019heu p\u00ec speransa d\u00eb guar\u00ec\u00bb.<\/span>
\n\u00a0<\/span>
\nS\u00ebgnor lo R\u00e8 s\u2019a-j ha bin dit: \u00abBaron Litron, fate corage,<\/span>
\nmi i t\u00eb dareu dl\u2019\u00f2r e dl\u2019arzan, mi i t\u00eb fareu prim general!\u00bb.<\/span>
\n\u00a0<\/span>
\n\u00ab\u00d2h, s\u2019a-i \u00e9 pa n\u00e9 \u00f2r n\u00e9 arzan che mai la m\u00f2rt n\u2019abia p\u00ebr scusa,<\/span>
\ni \u00e9 pa n\u00e9 prinsi, n\u00e9 general, che mai la m\u00f2rt n\u2019abia r\u00ebsguard\u00bb.<\/span>
\n\u00a0<\/span>
\n\u00ab\u00d2h dime \u2018n p\u00f2, Baron Litron, \u00f2h veus-to nen che t\u00eb bateso?<\/span>
\nFar\u00eca vn\u00ec \u2018l v\u00ebsco \u2018d Turin, mi i servir\u00eca da t\u00f2 parin\u00bb.<\/span>
\n\u00a0<\/span>
\nBaron Litron s\u2019a-j ha bin dit: \u00abSia ringrassi\u00e0 v\u00f2stra coron-a,<\/span>
\nmi i na peuss mai p\u00ec riv\u00e9 a tant, o bon barbet, o bon cristian!<\/span>
\n\u00a0<\/span>
\nMi i lass\u00ebreu p\u00ebr testament ch\u2019a m\u00eb \u2018nsotero \u00ebn val \u2018d Luserna,<\/span>
\n\u00ebn val \u2018d Luserna mi \u2018m sotr\u00ebran, \u2018ndova \u2018l m\u00e8 cheur \u2018s arp\u00f2sa tant!\u00bb.<\/span>
\n\u00a0<\/span>
\nBaron Litron a l\u2019\u00e9 spir\u00e0, pior\u00e9 baron, pior\u00e9 voi d\u00e0ime,<\/span>
\nson\u00e9 le ci\u00f2che, spar\u00e9 ij canon, ch\u2019a l\u2019\u00e9 spir\u00e0 Baron Litron.<\/span><\/p>\n

Baron Litron ant\u00ebrpret\u00e0 dal Baron\u00a0Bijno [sorgiss]<\/a><\/em><\/p>\n