La bataja për ij drit ëd la lenga piemontèisa a va anans e Gioventura Piemontèisa a l’é angagià an prima linia.
Belavans l’ann ch’a-j ven, an càusa al taj ëd j’agiut istitussionaj, a peul esse ‘l prim, dòp tërdes agn, ch’as podrà pì nen mostesse nòsta lenga ant le scòle.
La solussion a peul mach esse un-a: ch’a sio ij Piemontèis a dene la possibilità ‘d podèj seguité a porté la conossensa dël Piemont e ‘d soa lenga a le doimila masnà apopré che Gioventura Piemontèisa a soagna an costi agn ant le classe scolàstiche ch’a aderisso al Programa ARBUT për ël piemontèis a scòla.
A l’é për sòn che i-j ciamoma soa disponibilità a arnové o a fé Soa iscrission; ansi: a giutene a trové d’àutre përson-e ch’a sio dispòste a fé sto cit sacrifissi ‘d 20 Euro për ëtnì viva la speransa ‘d trasmëtte a le masnà la conossensa ‘d nòsta lenga, përchè ch’as perda nen.
I soma sigur che tuti nòsti amis ch’a-i chërdo (ch’a son vàire!) a faran soa part e che, comben ch’i perdroma ‘l sostegn ëd la Region Piemont, i saroma bon – an tan che pòpol – a fé vive ancor cost gran proget.
A l’é cost ël moment ëd dé vòstr apògg a Gioventura Piemontèisa!
Adesion strasordinaria 2011/2012: Euro 20,00 (Euro 30,00 për la téssera familiar)
- Cont corent bancari: Banca CRS – IBAN IT 29 A 06305 01000 00011 0101165 – CIN: H
- Cont corent postal n. 95760369 – IBAN IT 08 Z 07601 01000 0000 95760369
- Bonìfich an linia: Banca Sella – IBAN IT 80 C 03268 01015 053653105270
antestà aGioventura Piemontèisa – Via San Secondo 7 bis – 10128 Torino – “Iscrission 2011”o passand a trovene ant nòsta sede ‘d Turin, opurament an fasand arferiment a nòsti comissionari locaj, e ‘dcò an telefonandne për fé doe paròle ansema: 011 7640228.
A tuti j’iscrit i l’avroma ‘l piasì ‘d feje omagi dël volum «Ël Sant Sudari – da Gerusalem a Turin an bataja contra ‘l feu», edità da Gioventura Piemontèisa/La Bela Gigogin
(chi ch’a l’avèissa za catà ‘d lìber i-j faroma cadò ‘d n’àutr tìtol ëd nòste edission)