Tùit ij Concors literari piemontèis an su www.gioventurapiemonteisa.net

A parte dal 2011 ël sit a buta a disposission ëd nòsti scritor na session neuva dedicà ai concors literari duvert a j’euvre (poétiche, an pròsa, teatraj…) an piemontèis e ant j’àutre lenghe stòriche ‘d Piemont.

Belessì as podran consultesse le crije, conosse le scadense, ël di dle premiassion e tute j’anformassion ch’a ven-o a taj.

Nòst antendiment a l’é ‘dcò col ëd publiché, con la colaborassion ëd j’organiseur, j’euvre ch’a l’han vagnà.

* * * *

Për sòn i ciamoma la colaborassion ëd j’ent, dj’associassion e dle companìe ch’a istituisso ‘d prémit literari e ch’a l’han piasì che costi a sio armarcà an sël sit: ch’a mando la crija an formà word a nòsta adressa.

S’a l’han piasì a podran ëdcò, apress la premiassion, mandé j’euvre premià, ant l’istess formà e con l’autorisassion a la publicassion an sël sit.

Ës servissi a l’é gratuì.

* * * *

Considerand ij but dël Moviment, ël sit a fà nen reclam a ‘d concors an italian, nì a le session dij concors ch’a prevëddo la premiassion d’euvre an costa lenga, ch’a l’ha za bin d’àutre ocasion për fortisse. Le crije complete a saran publicà mach se redigiùe an manera coreta ant un-a dle lenghe stòriche ‘d Piemont. Ij mèistr dël sit a s’arzervo comsìa ‘d serne le signalassion da publiché.

Powered by WordPress | Deadline Theme : An Awesem design by Orman