Tre Martelli

Tre Martelli as formo a Lissandria ant la prima dël 1977, con un repertòri fondà an sl’arserca etnomusicològica anviarà an Piemont da l’associassion coltural Trata Birata. Ël prim travaj, Danza di Luglio, a l’é dl’ann apress; a parte dal 1982, con ël disch Trata Birata , ij Tre Martelli a ancamin-o a porté ij sò consert an tuta Europa. Dël 2003, apress n’àutr arnovament ëd la formassion, a grava col che ancheuj a l’é ancor sò ùltim cd, Tra Cel e Tèra, seguitand con la sernia dël grup ëd goerné un son mach acùstich, an dovrand ëd costuma d’instrument coret da la mira filològica e në stil d’esecussion che, bin ch’a sia vnù pì sgnor d’energìa e filtrà da d’arangiament creativ, a resta anreisà ancreus ant l’humus dla coltura piemontèisa.

Ël grup, che dël 2007 a l’ha passà ij 30 ani, as glòria ‘d na milen-a ‘d consert ant ij vàire Pais europengh, ëd neuv album ufissiaj, dla partessipassion a na vinten-a ‘d compilassion ëd mùsica étnica e dla partessipassion a d’emission televisive an Italia, Gran Bërtagna, Almagna, Fransa Spagna, Svissra, Bèlgica.

Zolicheur

Powered by WordPress | Deadline Theme : An Awesem design by Orman