Tavo Burat. «Òm da bòsch»

  

Òm da bòsch
Tavo Burat

A l’amis Gioanin Tesio

Mi i l’avrìa mai sugname ‘d vers
s’i fussa nen stàit cissà
cimentà
brusà
da la passion për mia lenga.
Ancheuj, për mej gropé
dël ghet la cioenda sgardamlà,
a smija che fin-a ij vers
av ven-o a taj.
Antlora a l’é assè.
I strompo la piuma.
O i në farai na flecia. E pì
nen paròle ‘d bòsch. Ma
coma ‘l Ròbin anglèis
o ij tuchin nostran
i sarai òm da bòsch. 1
I scrivarai mach pì sle muraje.
E sij cartej ël nòm dij pais
ant la lenga dla tèra.
Për cola veja resistensa neuva.

 
Menhir, 1992

1 Òm da bòsch: bandì.

 Tavo Burat 


 Mila agn ëd Literatura Piemontèisa

◄ Cheur Piemontèis

Powered by WordPress | Deadline Theme : An Awesem design by Orman