Nino Còsta. «Farchet ëd montagna»

La canson dla libertà ‘d Nino Còsta, cola dël farchet ch’a tëmm nen ij sagrin e j’afann, basta mach d’avèj gnun padron. Piemont d’antan… o ‘d doman.

.

Farchet ëd montagna
Nino Còsta

 
Farchet ëd montagna
che ‘l vent a compagna
su brich e giassé,
 
la grassa pastura
dle tère ‘d pianura
va nen a cerché.

Sla ponta dle ròche
sla crësta dle fiòche
tra nìvole e sol
 
i é gnun ch’at mërcanda,
i é gnun ch’at comanda,
t’ses lìber e sol.

Mej sente sla testa
l’afann dla tempesta,
la furia dël tron,
 
che meuire ‘d cancren-a
tra ij fer dla caden-a
e ‘l foèt dël padron.
 

Fruta madura, 1931 ©Viglongo

◄ Nino Còsta 


◄ Mila agn ëd Literatura Piemontèisa

 Cheur Piemontèis

Powered by WordPress | Deadline Theme : An Awesem design by Orman