Jaco Calleri (1928-2008)

Jaco CalleriJaco Calleri Damont (Barba Jaco, 1928-2008), poeta Brandé dla sconda generassion, archeòlogh e chisteur, stòrich e dësfensor ëd la Burscia dij Grand, ant ël 1968 a l’ha torna alvà da la dësmentia ël Drapò Piemontèis e, ansema a la Companìa dij Brandé, ël 21 ëd lùj dël midem ann a l’hà organisà a Graja, sò pais, la pruma Festa dël Piemont, dedicà a la bataja dl’Assiëta (17 lùj 1747).

Për dovré ij sò mot: «na festa dël Piemont, përchè ‘l pòpol Piemontèis a l’avèissa un di dedicà al sìmbol ëd l’identità, a la stòria e a le costume ch’a lo carateriso da j’àutre Region d’Euròpa dont a veul esse part… e, për noi Piemontèis, a l’é na gran giòla cola “fiama ch’as dëstissa nen”, goernà anvisca dal grinor për ël Pais, cun-a e tomba ‘d nòstri Grand, Region d’Euròpa che as ciama Piemont e dont ël Drapò a l’é ansëgna ‘d distinsion… “miraco, un di a vnirà a taj visesse ‘d sossì”, arcordé, për la stòria, quand, anté e përchè, nen vàire òimo, con nen vàire mojen, ma debordant d’entusiasm passionà, a son ëstaìt bon ëd torna restituì al Piemont sò Drapò».

(Rampar Piemont – Coltura dij Magìster)

Powered by WordPress | Deadline Theme : An Awesem design by Orman