IV Concors ëd Moncravel

La Comun-a ‘d Moncravel
a soagna ël
IV CONCORS LITERARI ËD POESÌA E PRÒSA AN LENGA PIEMONTÈISA

.

SESSION:
• 1) poesìa (tema lìber)
• 2) pròsa (tema lìber)
• 3) pròsa (fàula)

PARTECIPANT:
• tute le përson-e ch’a l’han a cheur la lenga piemontèisa

CONDISSION:
• usage dla grafìa unificà conform a la codificassion dla Companìa dij Brandé. La grafìa Brandé a l’é cola che pì a rispeta la stòria dla grafìa dla lenga piemontèisà
• An considerand che nen tute le përson-e ch’a a l’han a cheur la tùa dël piemontèis a deuvro la grafìa Brandé, a vniran acetà ‘dcò euvre scrite con ëd grafìe “lìbere”
• minca ‘n partecipant a podrà concore con un màssim ëd n’euvra për session
• ij travaj a dovran nen passé le 4 facià ‘d papé formà A4 për le session ëd pròsa (tema lìber e fàula) e le 2 facià për la session poesìa
• për la premiassion as darà precedensa a j’euvre ch’a l’abio mai partecipà a d’àutr concors an lenga piemontèisa
• ij travaj a ‘ndaran spedì an 5 còpie contnùe an n’anvlòpa. J’euvre a dovran esse sotsignà con na stranòm. Nòm, nòm ëd famija, adressa, data ëd nàssita ed e-mail a ‘ndaran anserì an n’anvlòpa pì cita con scrit a sò estern la stranòm dovrà
• lë scritor/poeta a l’é pregà ‘d signalé s’a l’é a Soa prima partecipassion a ‘n concors an lenga piemontèisa

COTIS:
• pa ‘d nèn, partecipassion a gràtis

SCADENSA:
• j’euvre a dovran esse adressà nen pì ‘n là dij 24 d’avril 2016 a : « Comune di Moncrivello , Assessorato alla Cultura, piazza Castello 6, 13040 Moncrivello»

PREMIASSION:
• la premiassion as tnirà ant la sala polivalent ACLI riva la gesia dla paròchia, a 100 méter da la Comun-a ‘d Moncravel, a 3 bòt dël dòp mes-dì la dumìnica dij 26 ëd giugn 2016

PREMI:
• papé ‘d mérit e cavagnin gastronòmich ai prim 3 classificà dle session poesìa e pròsa a tema lìber
• un prim premi a la mej fàula
• un prim premi al partecipant pì giovo
• un prim premi al partecipant pì ansian
• un premi special al prim classificà ‘d “Moncravel e anviron”
• un premi special al prim classificà a soa prima partecipassion a ‘n concors ëd piemontèis
Ij premi a podran esse artirà ‘d përson-a o trames un delegà ‘nt la giornà dla premiassion
An partecipand al Concors a s’autorisa la publicassion dj’euvre an sle mej arviste ch’a trato ‘d literatura an piemontèis

Për anformassion: concors.moncravel@libero.it
Dòp la premiassion a-i sarà la possibilità ‘d fé na merenda snòira tùit ansema.

Powered by WordPress | Deadline Theme : An Awesem design by Orman