A Montàut a travajo për torna buté fòra ‘l Drapò

Ai 17 ëd Novèmber Gioventura Piemontèisa a l’ha scrivuje al sìndich ëd Montàut (Montalto Dora ant ël Canavèis) për fé armarché l’enésima mancansa d’un Drapò piemontèis fòra ‘d na ca dla comun-a.

Adess sora sìndica, Madamin Rita Ippolito, a l’ha rëspondune che për espon-e ‘l Drapò a venta fé ‘d modìfiche struturaj, e che la Comun-a a l’ha ancaminà a buteje man a travers sò ufissi técnich.

Antant ch’i ringrassioma Madamin Ippolito për soa atension, i seguitoma a pijé at ëd lë dzanteresse total ëd la Region Piemont për ij sìmboj e l’identità ‘d nòstr Pais. As ved che, an tan che Ent italian a l’ha ‘dcò chila tut l’anteresse a stërmeje.

A sarìa n’angagg pressis ëd la Region Piemont dije a le Comun-e piemontèise che l’esposission dël Drapò a l’é obligatòria. Gioventura Piemontèisa an coste sman-e a butrà su n’assion për possé l’Ent regional a fé an manera che costa mancansa ‘d rispet për l’identità e la stòria piemontèisa a chita na vira për tute. O la Region as buta a fé sò travaj o ch’a dija che dël Piemont a-j n’anfà nen, che lor a son lì për fé d’àutr.

Për antant i arnovoma l’anvit a nòsti iscrit e simpatisant a signalene ij cas ëd violassion ëd costa nòrma an mandandne le fotografìe.

24.1.2015

 Torna un Drapò stërmà. La Region a l’é nen bon-a a fé rispeté soe lej

Powered by WordPress | Deadline Theme : An Awesem design by Orman